Juan_HRomeroC-pay_1jn_text

Capítulo 5

¹ Toh asnataro cree iskuana a Jesús ro toh Cristo hí, Patatishta yá chií. Ehka asnataro atus amaishkuama tohwa ama ishkua atá taro chii ekayó. ² Imaá arihbarwá ama ishbarí Patatishta ayerwalerí, i'ka Patatishta ama ishbarí ehka a mandamiento aña'weshbarí. ³ Akarõ ima Patatishta amor ĩ; a mandamiento énka'barwá. I'ka toh mandamientos. ⁴ Toh taro krih Patatishta chiima a kúk vence ishkuaí. Ehka victoeia ya aki a kúk vence ishkuró, untas fe. ⁵ ¿Tasa ata kúk vence ishkuaí? Taro cree ishkuama Jesús ma Patatishta ayerwã í. ⁶ Ima atayaí venceishki toh asa ehka a urirí, Jesucristo anchiñaí, aso yapekema ho', to'ama asõ yá i'ka auriñari. ⁷ Ama mai chelerá ña' heñá awishkerí: ⁸ Akuanzarí, asorí ehka a urirí. Ĩ maima na'heiakri. ⁹ Toh na'hena arwã suku'barma, toh Patatishta aña' henama ahkaí, a Patatishta aña'henama iñaí ña'heñá wishka rií toh ayerwâ ña. ¹⁰ Toh taro krih cree ishkuama Patatishta ayerwã ñá na'heñá akachuwa ekañá. Atá taro krih cree ishtuma Patatishta ñá Akasata tishki, atewata cree ishtuí Patatishta añá'hena yá wishki rií ayerwañá. ¹¹ Ehka ĩ ñá'heñama iñáí: Patatishta untehí vida cha'ĩteshtuí ehka ĩ vida ma ayerwãñá akí. ¹² Atá ayerwã aka chuma vida akachuwá; ata ayerwa aka chituma Patatishta yama vida akachituwã. ¹³ Iró kakorskawá i yasro paro'wá, ke cree ishkiñawĩ Patatishta apin ayerwãró, ari'hupiwaro to' wê pikachipiwá. ¹⁴ Tõ'wá, ima confianza ñaí Ekañá awakíña pitakachuwá, yas ukuá akapa'barma voluntad ekae'ró Ekama pitaña' weshkuá. ¹⁵ I kẽ ke ari'hima to Ekaró pita weshkuá akuá yasma akapa'parma, ari'pawa ke petición pitakachuwá ke wishkapiró. ¹⁶ Asna a arkirõ ñawarkí ishkuma ima neí óntipiro, ima arñewâeñaí, i Patatishtama vida. Wishpé tasma ñahawá to' ta'warkuaishkeró, ima onlerpé, ña'tawa ke ekawá arñe'tuwã to' aayá. ¹⁷ Krí en ishtuma to' to' warkuaí; akarõ ta' warkua as chuwá ima onnatanhí. ¹⁸ Ari'parwá tãro Patatishta boni chii ta'warkua; ishtuwã to pesh arwã as Patatishtaña chiima, Patatishta ta'warkuaña enkiwá, to, to' warkuamá ishtama inkitipé. ¹⁹ Ke eiparwa Patatishta e'raparwá, to kuk kri'lerma ke to' warkuama ke che'cheri wuarkuaishtaró. ²⁰ Akarõ ke ari'parwá Patatishta ayerwãma ke te'kí eña tish pitatenhí, ke chẽ ariparwá tarõ yar rikema. Tõ'wã ekayo aa'barwá tarõ yarkena, ayerwã Jesucristoy. Eka Patatishtama yar ma yaí vida inteshtuwá. ²¹ Ye erwãwĩ, pesh akarwaro aenkaishkuwãwĩ.