Juan_HRomeroC-pay_1jn_text

Capítulo 3

¹ Chausa inken amor pata tus unta tehisa, i'ka inke Patatishta aye'ke tishkapisa, inkeraparwa. To' yishki, to' mundoma patarihwa, i'ka Ekaro arihlertuwã. ² Amados, inkitama Patatishta aye'barwa, akes ônchaamíro. Arihbarwa a to' Cristo apaspii, Eka kẽrape, i'ka ekake chamarme. ³ Ã krih confianza akachuma a te'kuama en tishkua ekaeña ekake. ⁴ Krih warkua ishkerií eñatan ishkeri, to' warkua ki'lema weshkertuwa to' ley ro. ⁵ Pawahí arihñawĩ a Cristoma onri warkua peshpiro. Ekaya warkua chituwa. ⁶ Aschaní ã aken ishtuwã Ekaya a'tuma warkua ishkiakua. Aschaní warkua ishkuama chenu arihtuwã. ⁷ Akacha en aye'ro, aschaní toshkertipe. Taro en ishkuama eñaí, ata to' Cristo añaí. ⁸ Taro maisa ishkuama â maisara eí', atahtu'ma. Ameisarama warkua ishkií akashkua irishki Patatishta a oncheí, amaisara katuh warkua ka'chepiro. ⁹ Ataro chiisa Patatishtaya warkua ishtuwã a to'semillama Patatishta Ekaya chuwa. Eka warkua iski chitipe chiira Patatishtaya. ¹⁰ I' Patatishta aye'lero to' maisara aye'lerwa kaãrihparwa. Taro ẽn ishtuma Patatishta aye' tahí to' tawa a arki chã ishtan ki'wama. ¹¹ Ñayaí añahama atahtu' weshkiñawĩ, acha en aka apiro ãs ãs. ¹² To' Cainke warkua ishta amaski ã arkiro. ¿Irish amaskisa? Aka túnma warkuarí, ã arki e'rima eñarí. ¹³ Cho'tutihiwãwĩ, ta arkilerí, to' mundo untah tashkerí. ¹⁴ Untasma arih parwa tu'teshbari unta u'yo, untama kacha en ka'parwã unta arki. Taro en ish tuma án nikenaí. Taro cha ishtankima ã akí pesh amastaí. Pawa arih ñiawĩ to' vida eternama ah a'tipe pesh amastama. ¹⁵ Taro ah arki chaish tankiwama pesh amastaí. Pawahí to' vida eterma chií teshtuwã apesh amastaí. ¹⁶ To'karo ahbarwã ã amor í, i'ka Cristo apeshma wishki untasrish. Untaswa wishkareñai un peshka pata arkiro. ¹⁷ I'ka taro yas nón akachuma ã ku'ña, a arki chií akachitirií aturusa akatishki ekaña compasión, ¿I'ke amor chi'teshkuasa Patatishta ekaya? ¹⁸ Unta ye'lerke, ama ishbartí untañaharo añayo uwari i'ka yaryo kaú. ¹⁹ Ima arihbarwã yarrí eña ka'bara unta turusa ekayo. ²⁰ I'ka unta turusa pata oshkua, Patatishtama a'kaí unta turusama ôh, ã yas ahibarwá. ²¹ Amados, unta turusa kaoshkuama, ñahú Patatishtaro. ²² To' krih akapa'parwama sukuha barpe ekayo, i'ka inke en ka'parma to' mandamiento ka' parma yás én eka awakiña. ²³ Ima pimandamiento hí --akema creer to' api' ayerwãya to' Jesucristo acha én ás ás --ake únténhi mandamiento. ²⁴ Taro én ki'wama mandamiento Patatishta ekayo akuá, Patatishtama ekayo akuá. To' aríh parwã, eka aku ánsa úntenhi.