¹ Yeaswas, irõ yasró kakorskawá ñawarki ta warki ishkutipiwaró. Akarõ asna ta' warki ishkuama, abogado as pitakachuwá to. Patusyo, Jesucristo tarõ eñaí. ² To éka propiciacioni pi tas ta' warkiró ima ho solennetarõ, i'ka akẽsh tõ'wa to kuk kriró. ³ Akarish ima ariparwá, mandamiento enka'barma. ⁴ Taró ñehuma: "Patatishta ari'hawa," akarõ mandamiento añawẽshtuwá, ima arkasa'taí, to' yarma ekañá aa'tii. ⁵ Akarõ aña enkiuma, yarma en ima ñaí to pesh arwã asma to' amor ma Patatishta to' yeisti tishkuá. Irishki ari'barwá to ekayó aabarwá. ⁶ Tarõ ñehuma Patatishtayó chuma imá Patatishken wetiké Jesucristo tarteshke tarteshki. ⁷ Amados ima mandamiento, weika as kakorskaka'tawã akẽsh to mandamiento kekerima ke pamawa ke kakachurí to' ata'tu'cherí. To' mandamiento kapashka kekerima, pawaró weshkiawĩ. ⁸ Akénnma ama mandamiento kakorska weika kakaawá, i Cristo yarmaí i payowá, akarõ to sukuamá tu'teshkaishkuá, to' yama kamasma tapriha ishkuá. ⁹ Tarõ kamas as ya ñehí aakuma a'tosh kuama a arkiró, ama saak yá aki atewato. ¹⁰ Taro amá ishkuama aarki a kamas ya chuwá ocasión má chitawá artatastuwa eka ñá. ¹¹ Akariki artashkua aarkí ima sukuayaí suukna tarteskuá; eka aríhtawa piá newa ekaná, akaro toh suúkma awá armakí. ¹² Kakorskawá, taye'leriawĩ, toh ta'warkima cha'kalerií apĩn rish. ¹³ Pawári kakorskawá, atuska, pama eiriñawí atá tohtu'che'rí. Kakorska awá parowa yé erwawi pama vence ishkrií a warkua pawá kakorsko awá ye' aye', pama atuska arihi awĩ. ¹⁴ Kakorskawa a pawahí, akuska, para aríhinawĩ toh atuhñaí. Paro kokorskawa ye' erwã, ama artapunlerá, ehka Patatishta añáha ma paya chiwaí, ehka vence ishkri ras a warkuá. ¹⁵ Akukma ama ishkutihiwá toh yasma a kúkna aki chaní. Toh asna ama ishkuama a kúkma, toh amor atusma ekoñó aktihí. ¹⁶ Toh taro krihro a kukna akuama a yuka isish iskuama, toh awa isishma, ehka toh ũ arroganciama, atuska chi'táhí tohkema a kúkñaí. ¹⁷ Akukma ehka isishri tuhteshka ishkerwá. Ata taro Patatishta ishkuama ake chuwí. ¹⁸ Yeayé, ima ã akeshí tõken weshkiken to anticristo, inkatama anticristo wêlerwá inkatama e'parwa apistiña aa'pri. ¹⁹ Untasña apaskri, akarõ untastanlerií. Untaste e'lerima, pitasyó aakrishki akẽsh apashkrichẽ toí kashchiwishkima untastanlerii. ²⁰ Akarõ pamawá ayeshka Santo as pikachuwa, pama kri'roma to' yarma arihiñawĩ. ²¹ Ima kakors tapawá pama ke yarma chẽ ari'hutuwãwĩ akẽsh inke pamawá ke, ari'hima ima inken asnani to' yarma arkasa'tarií. ²² ¿Tarõ arkasa'tasa tõ'ma tanihí to' Jesús to' Cristoro arkase'wá? Ima pesh arwãma to anticristoí, ke tõ'ma ke atusri i ayerwãri karkase'wá. ²³ Tarõ asnani ayerwãro arkase'wama atusró akachuwá. Tarõ ayerwãro chẽ ari'wãma tõ'wá atuswá akachuwá. ²⁴ Akenma pamawá, to'kawishtuwãwĩ tarõ kí aña'weshkriró payó chaupiwá. Irõ pamawa weshkrima tõ' ki'chẽ payó chaupiwá, ayerwayó chaupiwá to' atusñarí. ²⁵ Ima ñaí to. Eka ti'patakií pitatenhí: wê chaapiró. ²⁶ Ima yasro kakorskawa parõ'wá to erña kakií katunlerpiró. ²⁷ Akenma parõ'wá, to unción kakorshkriró to ekaró paña'ró aapiwá, ima asna te' kawishkí karchiwishtipé. Akarõ, to' unción ké to' yas kri'ró karchiwishkí to yarí ima arkasa'tai, tõ'kén karchiwishkrikén, Ekayó chaupiwá. ²⁸ Inkatoma, yé amados, Ekayó chaupiwá, ahí ke eka te'kuachẽ, untasma osadiró karchiwishkerpé ima akatí' kabartí to' Eka te'kuache. ²⁹ Pamawá ke ari'hiñawĩ to Ekaró ima eñaí, kri' ari'hiñawĩ tarõ eña ishkuama ima Ekaña'ró chii.