¹ Toh inke pawá as akachuí tohke desacuerdo to akua yo, ¿á atravera akipe neí to corte civil ató juez yá incrédulo toh inke kahá nei ato creyentes yó? ² ¿Pamawá ari'lertawa toh creyentes ká juzgaishkerpé toh kuk ña? Á pawa hí ahké juzgaish kerma a kúk ñá ¿Akenata' tapúnlertuwá ki'lerpí asuntos sin importancia? ³ ¿Pamáwá ari'lertuwa i'ké pitaská juzgaishkapí toh Ángeles ró? ¿Toh akarima inkrí kahprí mawá juzgar toh asuntos ũ i ih? ⁴ Í akarima pawá hi kilerpé juicio toperteneceishkuá á ṹ diaria wa ¿Amatoké akatesh casos á íke ima atalerí kakachituí posicion ká a toh kao arna'ñá. ⁵ Ñahawa í íh rãh apeshwa ¿Éhka pawa asná chituwá weh sabio akachuí acuerdo as resolveish rãh ehka toh arkiyo? ⁶ Ima tohke akira í, ¡Toh creyente as newá á corte yá akawar akua creyente há, á i íh caso pakerwa ima to juezásyá toke incrédulo hí! ⁷ Ih ka á tohkeí ima asnakeler toh desacuerdo ha éhka Cristianos yó tokeri i íh ta as derrota pawa rãh ¿Ihkra ake o isi tishká a warkua yá? ¿Inkro ake táhwishbartusa tohke akaselerpiró? ⁸ Pamawa ihke agravia ishkra toh akaseleri toh akuawá, ¡á i íh toh ekapitas arkilerwá! ⁹ ¿Pama eyrutuwawí to' en ishkertuí Patatishta a kaoñama to' kertipé? To' ñah kaselerí weshkutihiwá. To' en ishkertukeĩ inmorales, idolatraswá, arwã yas ishweterkei, to' ata ishkerkewá, ¹⁰ to' untro kish kakiwakẽi, to' korta pehlerwá, toktari, ñahñahhiskakiwari, yas untrokeri tisna to' chanii ama Patatishta achihiyama tokertipé. ¹¹ Ama to'waha pawá tislerii. Akens to'ma ké unskalerii, ama toi ke eña tishkriiké, pawai ke eñawai to' Patatishtayó Señor Jesucristo apinyó to' Patatishta Akuansari. ¹² "Krihró licito hí á tasma áh", Akarika kirihroma hó beneficioso tohi. "Kirihró lícito hí tasma áh" Akariki tasma rá tapah dominado toh i táh eka. ¹³ "A sirama toh ahra ñewá toh ahra ñama a siraña í" Akariki Patatishtama yahkipé ihka ambas yó. Ih toh apeshma ka ahtá'aki toh inmoralidad sexualka. Akarima toh apeshma Señor rãh e íh, a toh Señor provee ishpé toh rãh apeshña. ¹⁴ Patatishtama kií ambas, ishpakí ta Señor tohke untaswá unta ishpakí toh pã artapun yó. ¹⁵ ¿Pamá arí'lertuwa toh apeshmawa miembro de Cristo hí? Inkima tokpa í toh miembro de Cristo há? ¿Atauwe' kakipé toh as protistuta yá? ¡Tohke nata'maáh! ¹⁶ ¿Pama ari'lertuwá taró atauwe' toh as prostituta ya tehkuá ishpiró toh yukú as ekayó? Tohke ñe'wara ás toh Escritura yá: "POKRO AKILERPE TOH YUKU ASÑA". ¹⁷ Tohkeri atá tauwe'aki toh Señor yá tehkuá ishpiri akuansã ás eka yó. ¹⁸ ¡Trokuwá toh inmoralidad sexual yá! Asnakeler toh akua pecado pesh as comete ishkuama apesh arahna ya akí, akariki toh pesh sexualmente inmoral ká peca ishkua akawar apesh yó. ¹⁹ ¿Pama ari'lertuwa pã píapesh ña toh templo akuansá Santo hí taro chusa pawa asã añá á pawa ike Patatishta recibiishkri? ¿Pamawa ari'lertuwa tohke pawahí untas tehta'akabartui pawa eka yó? ²⁰ Pamawá kuhaleri í toh precio as yó. Tokeri Patatishta glorifica ishkerá toh apesh yó.