¹ Untasma weshparwa tohke chuí inmoralidad sexual ká ehká pawa yó, pih keña to inmoralidad á tohkechaní tokertilerwá ehka to gentil yó toh as pawahí apishka ishkuá to akawa atus yó. ² ¡Pawaler arrogantelerá! ¿Tohke pawalerí lamenta akilertií? Atá toh ishki ĩ ĩh tohké akaspaskerá éhka pawa yó. ³ Tas tohké akari rike toh topesh ña, akariki akí akuansa yó, toh tasma jusgaishkari ike toh atá inshki ĩ íh, tas toh yá akari ké. ⁴ A ké pawá atá awe'lerma toh untas Señor Jesús a piáh y tá akuansá tohya akpéh tohwá, to artapun untás Señor Jesúska tasmá tohke jusgaishkarií a toh peshka. ⁵ Tasma ka arií ĩ íh tohke wishparó to arwa á mensara ró á warki í to apesh ñá, tohké toh akuansá á ke salvadohri piro a toh ehe ã del Señor. ⁶ Pá toh jactancia eñatá hí: ¿Pamá ari'lertuwa toh as akiná levadurahá a tohké leudar krih toh pan? ⁷ Ari'akaawa pawa'lerí to iké á vieja levadura ha pawa íke naleripiró wehka masa ha, pawa to kelerpiro to pan sin levadura ha to Cristo, untas Cordero de pascua ha, tohke sacrificado hí. ⁸ Inkerma tohke akasteshkrá celebra ishkapiró toh fiesta áh, toh levadura vieja yama há, toh levadura warkaí á conducta warkua ña. A toh iña celebra ishpra untas toh pan sin levadura yá tokena ya to yar. ⁹ Tas kakorska kaka ari í pawa yó ta corta ya toke atauwe'lertipiró toh pesh sexualmente inmorales yó. ¹⁰ Toh aschani tohke ña'taparí á pesh inmorales lerí to ĩ ĩh kukña, toh codiciosos, to estafadores a toh idolatras to inké ates la ekayó pawá necesita ishkrá nelerpiró toh ĩ ĩh kuk yá. ¹¹ Toh inkitama tas kakarska kaka awá pawaí atauwe'lertipiro toh asnani taró, arwa'naka arkí, toh tá aki chiwa í toh inmoralidad sexualká, toh taro codiciososa toh idólatra, o warkua ishto a toh tohná í a toh ka ishtishta. ¹² To ¿tas inke akaí askenyó toh juzgaishki a ta taroleri toh arahni yo akrih? To inke añá. Powa i tohke juzgaishkutihiwá toh asã aña akrih. ¹³ Toh Patatishta juzgaishpií a toh krihró ata akrih ara'na yá "AKASPASKUWA TOH PESH WARKUA YÓ ÉHKA PAWA YO AKRÍ".