¹ Baku baman, nanara Lika Krais Jisas wal asla takan nani ba pât ra lakaya ba apusa. ² Jisas Krais raya kaya spiritka lâka ba mita, pri wan salan sa saurka lâka ba wina. ³ Kan musis lâka mita sip daukras kan ba Dawan mita daukan sa, Musis lâka ba karnika apukan wan wina tara swapni ba hilp munaia; baha mita Dawan ai luhpia pali ba blikan yawan saurakira nani na wan talya ba Kat, saurka sakripaiska baku, bara baha sin wina tara natka ba kat saurka ba pât ra lakaya. ⁴ Witin naha na daukan Musis la ka ador wanka ba daukaia sip kabia dukiara, kan nanara yawan wan wina tara brinka ba kat apia sa, sakuna Spirit brinka ba kat mita. ⁵ Bamna winara iwi ba, wina dukiara baman luki iwisa sakuna Spirit wal iwiba, Spirit dukiara ra baman luki iwisa. ⁶ Kuna wan sinska lukanka ba, wina ra lukiba prura sika, kuna wan sinska lukanka ba, Spirit ra manki lukbia kaka rayaka laka an auya pah laka brisa. ⁷ Kan naha sika wan sinska lukanka ba wina dukiara baman luki ba lika Dawan wal aiwaihla sa, Dawan la kara iwras an sip alki daukras munisa. ⁸ Baha nani wina brinka kat iwi ba lika sip, Dawan kupia laka daukras sa. ⁹ Sakuna, man nani lika wina brinka nani ra wras ma, sakuna Spirit ra, rait pali Dawan Spirit ka ba mananira sa. Sakuna ya Krais Spiritka ka ba a apuso kaka, witin ka ba Dawan uplika apia sa. ¹⁰ Krais ba man wal sa bara, kaikisa, wan wina brinka saurka nani sut ba pruan sa, bara kasak ka laka ba rayasa Spirit mitilka bak ki ¹¹ Bara Dawan Spirit ka sika, Jisas ra bukan ba pruan nani tila wina, witin sika nani wal asla iwiba, baha Spirit man nani wal iwi ba ka sika manani ra rayaka maikbia ba winam pruan kan ba wina, sim Jisas ra bukan ba baku pruan nani tila ba wina. ¹² Yawan nani ba tras kira sa. Wina ra lika apia kan wina brinkara iuras. ¹³ Sakuna man nani wina brinkara iwisma kaka, baku lika pruwa yasma, kuna Spirit ba wal manani mita winam. ¹⁴ Baha nani sut Dawan Spirit ka mita, baha nani ss Dawan lupia nani ba. ¹⁵ Kan manani briram ba alba Spirit ka apia kli manani sibrin brikaya. Ba widiskara man brisma ba lika lahpia mai daukan Spirit ka brisma, ba mita yawan nani wisa ¡Abba Aisa!. ¹⁶ Sin baha Spirit ka mita wan kupiara spirit ka ra wisa yan ba Dawan luhpia sa. ¹⁷ Yan na luhpia ha mita, Dawan dukia sa bam na. Krais ra briba yawan ra sin brisa, baha mita wan nani pat ailan wahwi sa wit wal, baku witin wal asla prana ba bribia. ¹⁸ Kan kaikisa naha yua trabil ka nani na sut na wal prakras baha witan ka yawan ra param taka ya ba wal kan. ¹⁹ Paskan ka aiska ba Dawan daukan ba brin pali daukisa Dawan luhpia nanira param takaya ba naikara. ²⁰ Kan paskan ka aiska ba bahki takan sa, Silp ai lukan kara apia, sakuna Dawan mita, kuna Dawan witin mita ban bila kaikaya laka ba lika ban bara ba. ²¹ Kan paskan ka aiska ba alba kaia laka ba wina bara sauhki tikaya laha ba wina pri sakan kabia, Dawan luhpia nani pri sakan pranika tilara. ²² Yan nani nu sa paskan ka sut ba, ai mamna lulki, sin luhpa aisibi takaya lat tuan ka ba baku sa nanara. ²³ Baha baman sin apia, sakuna yan nani pali sin, spirit ma nani yan ra bri ba: Yawan nani ra aimahna lulkisa wan kupiara luhpia baku an pri wan sabia ba, dukiara wan wina ra. ²⁴ Naha bila kaikan ka na suaki wan sakan, kuna baha nani bila aiwakras ba dia takbia sip kaikras ba ¿ya aiwaki rait bila kaiki bapat witin ba kaiki bak sa. ²⁵ Yawan nani kau kaikras dukia nani ba ra kasak luki aiwaki ba, baha ba lika kau wihka bila kaikaya tanka ba brisa. ²⁶ Baha sin natkara, spirit mita wan swapnika namia help wan muni sa. Kan nahki wan pura sunaya sa danka ba yawan kaikras sa, sakuna baha sip Spiritka ba mita Dawan ra yawan dukiara makabisa ai mahmna luki kira ni, yawan mita aisaya sip apia ba. ²⁷ Bamha Dawan wan kupia tanka pliki kakira ba, spirit dia aisi ba witin pain kaikisa; kan Spirit lika Dawan uplika nani ba dukiara makabisa, Dawan kupia laka ba kat. ²⁸ Bamna yawan kaikisa, diara sut Dawan wina mankiba lika witin ra latwan kaiki nani ba hilpka sa, baha nani Dawan hay kupia laka kat lukisi paiwan ba. ²⁹ Kaina wina Dawan mita upla nani ba paiwan, baha uplika nani ba paiwan hai luhpia kaia, ba mita Dawan luhpia ba hai muihni ailal ba tilara tawahkia kaya. ³⁰ Bara kaina piuwa wina Dawan mita aihka sakan nani ba, witin sin baha nani ba paiwan, bara paiwan nani sut ba witin mita kasakira nani kulkan; bara kasakira kulkan nanira mayunra sin ya. ³¹ ¿Dia kau yan nani wiain sna ki? Dawan yawan wal sa kaka, ¿ya wan mapara buaia sip kabia ki? ³² Dawan ai luhpia pali ba sin wankaya apia wiras kan, sakuna yawan sut wan mata ban prura mistara mankan; bamna, nahki yan na witin ailuhpia asla diara sut ba wankras kabia ki? ³³ Ya sip kabia ki Dawan mita bak sakan nani ba dahra kwahkaia? Dawan mita sika baha nanira kasakira kulki ba. ³⁴ Ya sip kabia ki baha nani ra pat ra mankaia? Krais Jisas sika pruan ba, bara baha sut purkara, krais sika pruan nani tila wina buan Dawan mihta aihkika, baili kara sa; bara wan ilpkara aisisa. ³⁵ Bamna ya mita sip sa ki Krais latuan ka ba wina wan dakhi sakaia? Baha daukaia sip kabia ki pat wahwan ba, bankra trabil nani ba mita, apia kaka rau sauh kan laka ba mita. plun wauhwaia ba mita, kuala apu kaia ba mita, pat wan lamara ba mita, prura mita kra? ³⁶ Ulbankara naku aisisa: Man nani tamwan yu aiska pali prura mihta ra ai mangkan sa; ship nani ra ikaia watla ra brib auya ba baku. ³⁷ Sakuna baha nani sut ba tilara, yawan ba pura lalura purkara sa, witin ka latuan ka lakara. ³⁸ Baha mita yan kasak lukisna, diara apusa Dawan latuan ka ba wina dakbi wan sakaia. Prura mita, raya kaia ba mita, insal ba mita karni ka bri, nani ba Sapa, diara nani nai ka babia ba. ³⁹ Purara ba, tihu palira ba sin apia, bara diara wala sut Dawan daukan ba mita sin, sipapia sa, Aisa ai latwanka laka wan Dawan Krais Jisas param wan marikan ba mina dakbi wan sakaia.