¹ muihki nani nuapias man ki. (naha aisuna na upla kum musis laka kakaira ba uplikara asisma) upla kum rayasa yua ra musis laka mina muntara sa. ² tanka sa, mairin kum bara waitna kum wal marit takuya bara, la ba mita asla prakan sa raya sa yuara, kuna maya waitna ba prubi kaka, la mita asla dauki prakan kan ba wina mairin ba pri takan sa. ³ Ba mita marit waitna ba pruras raya kaka, mairin ba waitna wala bribia kaka, witin lika marit laka sauhkisa. kuna maya waitna ba pruan kaka witin ba pri sa marit laka, ba mita mairin ba waitna wala wal marit takbia kaka, marit laka sauhkras kulkisa. ⁴ Baha mita muiki nani, mananisika Musis laka nani ba mapara pruram kumsa Krais wina bak ki. Naha tankusa man nani ba wala wal marit takaya sipsma, naba na sika, Krais wal, witin ka sika pruan nani tila wina buan ba, ba mita yawan ba sipkabia ma pain nani sakayaDawan dukiara. ⁵ Kan yawan nani kau wina ia iwi kan yuara, saurka nani brinka raya la mina ra wan briwikan, wan mina piska nani mililha bak la ba wina prura ma kaba. ⁶ Nana ia lika pri takon sa la ba wina.yawan ba pruan kum sa baha nani mina munhtara kan ba. Nanara lika sipsa yawan Spirit raya ba warka daukaya, diara kulkanka almuk nani ra lika apia. ⁷ ¿Yawan dia wisa nanara? ¿la ba saurka kumsa? baku lika apia baku sin kabia apia, nu takaya apia kapri yan ba saura daukis na ba, la ba apia kan kaka, nu takaya apia kapri tasba brinka ilihkaya ba saura kan ba " brinka saura bripara". ⁸ Saurka ba naha tanka bak sans brin, Musis la ka ba mita winira saurka sal sat ba param takan, kan la ba apu kan kaka, saurka ba pruan kum sa. ⁹ Yua nani kumra yan raya iwi kapri la apukan ra, kuna la ba balan wina, saurkaba rayaka brin bara yang pruri. ¹⁰ Musis la kaba, baha ba kan rayaka bribalaya, kuria prura ba ni balan sa yang laihma. ¹¹ Saurka ba, sans brin Musis la ka bak ki bara kunin sin aimunan. Musis la ka bak ki priri kums na. ¹² Ba mita la ba ulikirasa, bara Musis ra sin yaban ba sin ulikira sa, kasakira sa an pain sa. ¹³ Ba mita ¿Diara pain kan ba yang laihma prura ni takansá luksna? ¡Natka sat kum sin apia sa! kuna saurka ba, klir mamdikisa saurka ba saurka sa, diaria pain ba wina, prura ba ni takan. Bahamita sika Musis la ka bila bak ki, saurka bara kau saurkira kulki wiya ba. ¹⁴ Kan ya pain nusa, la bila ba Spirit sa, kun yang lika wina brisna, yang bara lika saurka mina. ¹⁵ Kan yagn daukisna ba lika, pain tainka briras. Dia daukaya brinki brisna ba, lika daukiras, bara misbara kaikisna dukia naniba ni daukisna. ¹⁶ Kuna yang daukaya apia dukia nani daukamna kaka ni la ba yang wal ai auya pah bara pain sa. ¹⁷ Kuna nanara yang apiasna ba daukiba, sakuna saurka yang ra iwiba mita sa. ¹⁸ Kaikisna paskanki aisha ba wina, saurka ba winira aula, diara pain ba apusa, diara pain dauhaya ba yang ra sa, kuna sip daukras. ¹⁹ Diara pain ba yang wats na, kuna sip daukras, bara diara saura daukan aidaukram ba, baha ba lika daukisna. ²⁰ Nana ra yang daukaya wat aidaukras ba, daukuna kaka baha ba yang dauks na tanka apia, baha ba lika saurka yangra bara ba. ²¹ Yang naha dukia no yang ra ba na taksna, diara yamni ba daukaya lukis na, kuna saurka ba ban yang wal sa. ²² Bamna lilia takisna Dawan la ka ra yang wini insait ra ba wal. ²³ Ba taka, ta krikan ka wala kum kaikisna yan winira. Naha na lika aiklabisa sinskira baha insait ki ra waitna wala ta krikan ba wal. ba mita aipriskisa saurka ta krikan ta ba yang winini nani aistara ba. ²⁴ ¡Yang na uba saurakiras na! ¿Ya pri aisakaya sipsa ki na wina pruan na wina? ²⁵ Kuna Aisa ia tinki wisna wan Dawan Jisas Krais bak ki. Baku yang silp sipkatna Dawan la ka albaya takisna sinski wal, Saurka ba daukaya wini wal widis kara.