¹ Bamna ¿ yawan dia wibia , wan damika Ebraham ba dia brin ki? ² Ebraham wark daukan ba taka wina Dawan mita Kasakkira kulkan sa kaka witin baman sa lukaia kuna Dawan mawanra lika apia. ³ Kuna ¿ ulbanka ba dia wisa? " Ebraham lika Dawan ra kasak lukan ba mita, Dawan mita ksakkira kulkan". ⁴ Sakuna upla kumi wark kum daukan ba mana yabi ba, baha ba prisant lika âpia, kuna witin wark kum takan ba mana yabisa. ⁵ Ban sakuna upla kumi wark kumi sin daukras pali kuna kasak lukisa Dawan mita upla saurakira ba kasakkira kulkisa, baha uplika kasak lukan banma, Dawan mita kasakkira kulkisa. ^{6 7} Baku bamna Debit mita sin aisin sa upla kumi wark nani âpukira Dawan mita kasakkira kulkan ba ai âuyapahso. Bamna Debit aisin: " Nahki prais lilia sa baha uplika nani ai saurka ba Dawan mita swin tiwuya ba, bara saurka purak swin luan ba. ⁸ ¡ Bamna lilia pali kaia sa baha uplika ai saurka Dawan mita kulkras ba! ⁹ ¿ Banma naha liliaka lâka na Aisa sainka brinani nani sin dukia sa? yawan pataisin, Ebraham kasak lukan ba mita baman Dawan mita kasakkia kulkan. ¹⁰ Bakuna ¿ ahkia Dawan mita Ebraham ra kasakkira kulkan witin Aisa sainka mangkan ba ningkara, âpia kaka kaina wina baha ningkara âpia kuna kaina wina. ¹¹ Ebraham Aisa sainka ba ningkara brin ksak lukan bamita Dawan mita witin ra kasakkira kulkan ba tukinka baku. Naha sim natka ra Ebraham lika Aisa sainka briras kuna kasak luki uplika nani sut aisika takan sa baku bamna Dawan mita param aisisa witin mita sin baha nani ba kasakkira kulkisa. ¹² Kasak pali, Ebraham lika Aisa sainka mangkan uplika nani ba aisika sa; baha tânka ba lika, ai wina ra baman Aisa sainka briras kainara kasak lukan lâka bri kan banina bliki banhwisa. ¹³ Bamna Dawan mita Ebraham bara ai kiamka nani ra sin pramis munan naha tasbaya na ai dukia pali kabia naha pramiska na Dawan mita daukras kata, Ebraham lâ bila wali daukan ba tâka mita sakuna kasak lukan bamita sika. ¹⁴ Baku bamna lâ bila wali dauki banhwi ba baman Dawan mita pramis munan tasbaya ba alki brisa kaka kasak lukan lâka ba lika bahki sa, bara Dawan pramiska ba sin diara banki. ¹⁵ Kan lâ ba klala bri aula; kuna anira lâ âpu sa kaka lâ bila lui sauhkaia lâka sin âpu sa. ¹⁶ Baku bamna pramis ba yan kasak lukan tâka ba mita bara baku mika Ebraham kiamka nani ba mapa ra baha ba prisant kabia bara diara kasak pali aigwa sin kabia. Baha tanka babila Dawan mita promis munan ba lâ bila wali dauki nani ba baman dukia apia sa, sakuna Ebraham baku kasak luki nani ba sut dukiara. Baku mika witin ba lika yawan sut wan aisika takisa. ¹⁷ Ulbanka ra aisi ba baku: " MAN BA NISAN AILAL AISIKA MAI DAUKA". Bamna baha Dawan ra sika Ebraham kasak lukan ba, pruan nani ra rayaka yabi Dawan ba bara diara kau âpu ba sin yan bal taki ba. ¹⁸ Bahamna baha ra lika diara bila kaikaia lâka apu kan, sakuna Ebraham ban kasak luki bila kaikan bara baku witin " upla ailal aisika" takan Dawan mita dia win bakat: " MAN KIAMKAM NUMBIKA BA BAKU KABIA". ¹⁹ Bamna Ebraham lika pat mani 100 prais almuk kan, sakuna witin ai kasak lukanka laisa ba swapni takras kan. Witin bara Sara wal ba pat pruan praiska kata, luhpa sakaia mapa ra sin witin nani ba uya pali almuk takan kata. ²⁰ Sakuna Dawan bui dia witin ra promis munan ba bahki kulkras bara kasak luki ka sin swapni takras kata sakuna kai kasak luki baha kat ai kupia mangki brikan. Ebraham mita Dawan ra mayunan. ²¹ Bamna witin kasak pali luki kan, Dawan karnika brisa dia dia witin pramis dauki ba sut daukaia. ²² Naha tâka mita, Dawan mita Ebraham ba kasakkira kulkaia aitani lukan witin kasak luki kan ba mita. ²³ Ebraham kasak lukanka lâka Dawan mita aitani kulkan ba baha dukiara baman wisi lika ulbras sa. ²⁴ Sakuna yawan wan dukiara sin ulban sa Dawan witinka mita Jisas wan Dawan pruan wina bukan bara yawan kasak luki ba mita wan kasak lukanka ba pain kulkisai. ²⁵ Witin mita Jisas ba yan wan saurka tâwan pruan bara pruan wina kli buan baku mika Dawan kasakkira wan kulkan kaia dukiara.