Juan_HRomeroC-miq-HN-miskitu_rom_text

Ulbi Baiki Sakanka Tara 3

¹ Bamna ¿ Ju kaia yamni ka ba dia? ¿ Aisa sainka mankaia ba dia ilpka bara sa ki? ² baha ba uya bara aitani pali sin kulkansa. Pas pali lika, Dawan mita ai smalkan ka ba Ju nani mistara mankan kata. ³ Bamna ¿ baha ba dia saki? Witin nani wina tila nani kasakkira apia kan kaka? baha tâwan Dawan mita baha nani ba kasak apia kaia tankara ban swibiam ⁴ ¡ Sip apia pali! sakuna Dawan lika diara sut kasak ka lâka kat baman daukisa, upla sut ba kunin kira palisa sakuna kan ra ulbanka bila wisa; Man dia aisisma ba ni kasakira mai kulkan kabia lânka daukan kabia ba ra bara pura lalura kama. ⁵ Sakuna wan saurka lâka bamita Dawan ba kakaira sa tanka marikisa kaka ¿ yawan dia sip sa ki aisaia ? ¿ Dawan ba saura kira saki, witin khala wanki ba mita? ( Naha na upla natka yang aisisna). ⁶ ¡ Sip apia pali ! Dawan ba kasak apia kaka ¿ nahki witin sip kapia tasba aiska na laka daukaia? ⁷ Sakuna yang kuninki ba mita Dawan kasakka lâka ba kau pranakira sakisa kaka ¿ Dia muni upla mita laika aisi daukisa ki, sim yang na kav upla saura kapri kan baku?. ⁸ Bamna baku kaka ¿ dia muni wiras, saura ba daukbia, diara yamni ba balbia dukiara? Upla kum kum lukan saura brih aisisa, baku pali yang nani mita smalkisna; sakuna baha sat uplika nani ba pât ra dingkan kaia aitani sa. ⁹ ¿Bara dia? ¿ yawan Ju nani na kau pain saki, Ju apia uplika nani ba wal? ¡ Sip apia pali ! yawan mita pat winisa, Ju nani bara Ju apia uplika sutba saurka karnika munuhtara sa. ¹⁰ Ulbanka nani ba wisa ¡upla yamni dauki ba âpu sa! ¡ KUMI SIN ÂPU SA! ¹¹ TANKA BRIAIA UPLIKA BA KUMI SIN ÂPUSA, BARA DAWAN PLIKI BA UPLIKA KUMI SIN ÂPU SA. ¹² UPLA SUT BA YABAL SAURA RA WANSA, BARA SUT SIN SAURA LÂKA RA BAMAN WAN. ¡ BAMNA YAMNI DAUKI BA ÂPU SA! ¡ KUMI SIN ÂPU SA! ¹³ AI KÂRMA NANI BA SIN RAITI DURKA KWAKAN BAKUSA; AI TWISA BA AISI KUNIN BAMAN SA; AI UN NANI BA PIUTA PUISINKA NANU YUKUKI BRISA. ¹⁴ AI BILA BA WATAWI BARA TAHPLA LÂKA NI BANKI SA. ¹⁵ AI MINA NANI BA AIHNI PLAPI TAUKISA TALA LAIKAIA. ¹⁶ WITIN NANI AI YABALKA RA SWISA SAUHKI TIKAN LÂKA BARA PÂT TARA BA WAL. ¹⁷ BARA WITIN NANI SIN KUPIA KUMI YABALKA BA KAKIRA APIA SA. ¹⁸ PIU KUMI SIN LUKRAS BANHWISA DAWAN RA SIBRINKA BRIAIA BA. ¹⁹ Nanara yawan kaikisa, diara sut la wauhkataya ra aisi ba, baha lika baha lâka manunhtara banhwi ba nani dukiara aisisa, baku mita upla sut ai bila prakan kabia, bara upla sut Dawan lâ dauki ba munuhtara kauhi banhwan kabia. ²⁰ Kan Dawan ba upla kum ra sin prisa wiras sa lâ aiska ba daukan wisa, lv tanka ba sika naha baman wan marikisa yawan na upla saura nani sa. ²¹ Sakuna manara, lâba tnaya ra swisi, Dawan bui marikan sa, nahki yawan ra kasakkira nani wan dauki ba, bara naha na lâ wauhkataya nani bara prapit nani ba sin aisi kaiki baha ba kasak marikisa . ²² Jisas Kraist ra ksak luki ba mita, kasak lalukra nanisut ra Dawan bui Kasakkira nani daukisa. Kan sâtaihka natka âpu sa. ²³ Upla sut saura yan bara Dawan mawan wina sin laihura takan. ²⁴ Kuna Dawan ai latwanka tara ba mita, ban mana âpu kira baha nani ba kasakkira kulkan sa, kan Kraist Jisas bak upla sut swaki sakan sa. ²⁵ Dawan mita Kraist ba saurka mana sakripais kum baku mangkan witin pruanka bak, bara naha na ai karnika brisa kasak lukan lâka ba mita. Naha na baku takan, kan marikaia wantsa nahki Dawan kasakkira sa bara ai kupia alki takaski kan, patitara saura yan saurka ba ban swin tiwan ba mita. ²⁶ Baha ba tânka nanara upla nani ra marikaia Dawan lika kasakkira palisa, bara kau ban kasakkira kabia, ya ya Jisas ra kasak luki ba kasakkira kulki ba mita. ²⁷ Bamna ¿ anira saki upla witin baman saluki ba Dawan mawanra? ¡ âpu daukan sa! ¿ dia kan baku daukisa? lâ dia wan wan win ba kat daukan ba mita lika apia sakuna yawan kasak lukan ba mita. ²⁸ Baku bamna yawan kaikisa upla kumi kasak lukan ba mita Dawan mita kasakkira kulkisa, lâ dîa win ba kat daukan tânka kumi sin âpu kira. ²⁹ ¿ Dia Dawan na Ju nani baman dawanka saki? ¿ JU apia uplika nani dukia sin apia? Latan sa nisan nani sut Gadka sa. ³⁰ Dawan ba kumi baman sa, wala âpu kasakkira luki nani ba witin mita pât wina pri sakisa, Aisa sainka bri nani ba briras nani ba lukras. ³¹ Bamna ¿ naha kasak lukanka lâka na mita yawan lâ ba bahki sakisa ki? ¡ sip apia pali! sakuna yawan mita lâ ba kau karna sakisa.