Juan_HRomeroC-miq-HN-miskitu_rom_text

Ulbi Baiki Sakanka Tara 2

¹ Bahamna, man mita upla wala laka aisi daukisma kaka, dia cat uplika kama sin patkas kama apia. Upla wala lâka aisi daukisma ba mita man lika yakan pat kira pali kama, kan upla wala dia daukiba man pali sin daukisma. ² Bamna yang lika kakisa naha diara dauki uplika nani ba, Dawan mita kasakira lâka lâ dauki pat ra dinkisa. ³ Bara man mita upla wala lâka daukisma, kan man sin upla wala dauki baku daukisma banma, ¿ Man lukisma, Dawan lâ daukiba wina swak tak ma?. ⁴ Apia kaka ¿Man lika Dawan yamnika manisba, bara wihka takaski laka ba sin bahki kulkisma, bara damra sin walras palisma, Dawan yanmi ka laka ba lika kupiam lakaya dukiara sa? ⁵ Sakuna man lika kupiam karna palisa, ba mita kupiam lakaya sin want apias ma. Bamna man mita puram ra pât tara mankisma, Dawan ksaka lâka kat la dauki mamrik bia ba yua ra. ⁶ Baha yua ra Dawan upli ka nani ba dia daukan ba kat mana yabia. ⁷ Dawan mita raya ban kaya lâka yabia, ani uplika nani wark pain daukiba, bara mayunra pain kulkan lâka wal pliki ba. ⁸ Sakuna lauwan tara bara kupia baiwanka wal Dawan mita klala yabia, baha nani ai wina kat baman luki ba bara diara kasak ba bila wali daukaya watlikara diara saura ni dauki nani ba. ⁹ Baku bamna, saura dauki nani ba mapara pât wahwaia lâka bara latuan wahwaia laka sin bara kabia, baha lika Ju nani ra pas bara baha ninkara Ju apia nanira sin. ¹⁰ Ban sakuna yamni dauki nani ra Dawan mita yabia, mayunanka lâka, pain kulkan lâka bara kupia kumi lâka sin, Ju nani ra pas, bara Ju apia nanira sin. ¹¹ Kan Dawan ba upla mawan ka kulkras, sut ra sin sat kulkisa. ¹² Bamna baha nani Musis laka alki briras ban saura dauki banhwi ba, baha lâka apukira pât tawbia, bara baha nani Musis laka bri sakuna saura dauki banhwiba, baha sim lâka bani lâka aisi daukan kabia. ¹³ Kan lâ bila wali baman uplika nani ba Dawan mita pain kulkras sa, sakuna lâ bali wali dawkras nani ba lika. ¹⁴ Bamna, Ju apia uplika nani lâ ba briras, sakuna witin nani lâ dia wi ba kat daukisa, âu baha lâka pali ba bri banhras, kuna witin nani ai winara sika lâ bri ba. ¹⁵ Kan ai tanka nani ba ni marikisa witin nani aikupiara lâ ba brisa. Naha kaiki banhwisa ai dahra walan ba ni, bara ai kupia lukanka nani ba mita dahra kuakbia sa, apia kaka, ai hilpka aisabia. ¹⁶ Sturi yamni, smalkisa ba kat, baku sika yua Dawan mita Jisas Krais bâk upla nani sut tânka yukuan ra ba ba kat lv daukbia. ¹⁷ Bamna man wisma, man ba Ju, bara Musis laka ba kat alki daukisma Dawan kam ba dukiara tara damra walisma. ¹⁸ Dawan kupia laka ba kakairasma, bara lâ mita mamrikisa diara kav pain ba bâk saki briai. ¹⁹ Bara Manba aitanisma damra walisma, blain nani tapahkaia bara tihmia tara ra tauki nanira ingni yaia. ²⁰ Sins aitani briras nani smasmalkrika kaia, tuktan nani ra sins tanka smalkaia sin. Bamna manan lika lâ ba wina pat brisma, diara tanka briaia lâka, bara diara kasak pali ba tanka sin. ²¹ Bamna man mita upla wala smalkaia watsma ba ¿ dia kan man yakan winamra ra smalkras maki? Man mita upla ra diara implikaia apia wisi smalkisma ba ¿ dia muni man implikisma ki? ²² Man wisma marit lâka saukaya apia, ' bara dia munin man pali marit lâka saukisma? Man nanira misbara kaikisma ba ¿ dia muni man pali ai tempelka nani wina implikisma ki? ²³ Man lika lâ ba dukiara uba mamyunisma, sakuna Dawan swira ni pakisma, kan dia la wiba kat daukras mas ba mita. ²⁴ Bahamna ulbankara aisi ba Aidul nani ba Dawan mapara saura aisisa man nani patkman tâka kumi. ²⁵ Bahamna man lâ bila wali daukrasma kaka lika, disa sainka mankram ba man ra hilp kabia. Sakuna man lâ bila wali daukras ma kaka, baha manba sin Aisa sainka mankras ba baku sma. ²⁶ Bara ani uplika , Disa sainka mankras sakuna dia lâ wi ba kat daukisa kaka, witin ba sin Aisa saunka manka baku praiska kulkras kabia ai winara baha kau briras kabia sakuna. ²⁷ Bamna Aisa sainka briras, lâ bila wali dauki uplika ba mita lâmka daukbia, kan man lika lâ ulban ka ba briras, bara Aisa sainka daukan lâ ka ba sin, sakuna sip baha bila wal daukras ma. ²⁸ Bamna lata tani Ju maki ba naha apia sika Ju paliba, bara Aisa sainka laka tanira baman manki ba, baha apia sika Aisa sainka uplika pali ba. ²⁹ Ban sakuna, kupia tani wina ba sika Ju paliba, bara Aisa sainka kasak pali ba lika wan Ju paliba, bara Aisa sainka kasak pali ba lika wan kupia dukia sa; baha ba wahuka taya ulba lâka ba apia, kuna Spirit lâka sa. Na dauki uplika ba upla mita tanka ba pliki kaik bia apia, sakuna Dawan witin mita lika.