Juan_HRomeroC-miq-HN-miskitu_rom_text

Ulbi Baiki Sakanka Tara 5

¹ Baku bamna kasak lukan lâka ba mita Dawan mita kasakkira wan kulkisa bara wan Dawan Kisas Kraist ba mita yawan na Dawan wal kupia kumi lâka ba brisa. ² Kasak lukan ba mita Kraist bâk yawan lika Dawan lamara balan, ai yamnika briaia dukiara. Bara naha yamnika sika yawan bapi na bara lilia sa naika Dawan prana ba wan dukia briaia ba mita. ³ Bara naha baman apia sakuna pât wahwan tilara sin yawan ban lilia sa, kan yawan kaikisa pât wahwan ba mita bapi buaia wihka bila kaikaia lâka wankisa. ⁴ Bara wihka bila kaikai lâka takaia, bamna aitani kat takan ba mita wihka bila kaikai lâka ba yawan brisa. ⁵ Bara naha wihka bila kaikai lâka na mita swira wan praskas sa kan Dawan mita Spirit Holikira wankan ba bâk ai latwanka lâka ba wan kupiara banhkan. ⁶ Kan yawan sip swak takras kan ba ra, Dawan mita piva mangkan ba kat, Kraist lika saurakira nani ba tâwan pruan. ⁷ Upla wala watlika ra aimaki pruaia wiaia ba karna sa. Upla kasak kum watlikara ra sin apia, sakuna ban kra upla kum kasak ba tâwan upla kumkra wilin takbia pruaia. ⁸ Sakuna Dawan ai latwanka tara bawan marikisa, yawan kau upla saurakira nani kan sakuna Kraist lika wan tâwan pruan. ⁹ Bara nanara, Kraist pruanka ba mita Dawan mita pri mai sakan sa, bara kau pali Dawan lawanka ba wina sin Kraist bâk pri mai sakan kabia. ¹⁰ Bamna yawan na kau Dawan wal wan waihla kan, sakuna ai Luhpia pruanka ba mita witin wal kupia kumi wal daukan bamna nanara kau aiska pali Kraist rayaka ba mita swaki wan sakan kabia nanara witin wal yawan kupia kumi sa bamna. ¹¹ Bara naha baman lika apia, kuna wan Dawan Jisas Kraist ba mita yawan lika Dawan ra lilia palisa, kan Kraist ba mita yawan na Dawan wal kupia kumi wan daukan sa bamna. ¹² Baku bamna saurka ba upla kumi tvka ba mita upla sut ra luan bamna saurka ba mita prura balan, bara prura ba upla sut ra alkan sa. kan upla sut saura daukan bamna. ¹³ Lâ naha ba taska ra kau âpu kan ba ra saurka lâka lika pat bâra kan; sakuna lâ âpu kan bamna wan daurka ba wan kulkras kan. ¹⁴ Ban sakuna Adam piva ba wina Moses piva kat, prura ba saura dauki uplika nani purara karnika bri kan, sakuna ai saurka ba Adam mita Dawan bila lulkan ba satka lika apia; bamna Ada, lika baha uplika balaia kan ba lika kata. ¹⁵ Bamna Adam swakwanka ba sip apia sa, Dawan prisant wanki dukia bal wal prakaia. Upla kum swakwanka ba mita upla ailal pruan, bakuna swaki sakan lâka Dawan mita mana âpu wanki ba upla kumi bâk, naha sika Jisas Kraist baha ba lika kau tara palisa bara upla ailal mapara sin hilp kum. ¹⁶ Bamna upla kumi saura daukan ba sin apia sa swaki sakan lâka Dawan prisant wanki ba wal prakaia; upla kumi saura daukan ba mita param sakan sa upla nani swakwanka manis pali saukna ba wina pri sakan sa. ¹⁷ Bamna upla kumi saura daukan ba tâka karnika ba prura mita alki brin bara nanara Dawan ai kupia yamni prisantka kau tara ba param marikisa baha nani dukia pvt wina pri sakan ba, witin nani rayaka tânka raya ra iwi kaia upla kumi ba mita baha sika Jisas Kraist. ¹⁸ Adam bamas swakwanka daukan ba tâka mita upla sut ba pâtkira takan ba baku, Jisas Kraist yakan diara kasak daukan ba tâka mita, upla sut na pât wina pri saki raia ban kaia lâka ba yabisa. ¹⁹ Baha tânka ba lika, upla kumi Dawan bila lulkan taka ba mita upla manis ra saurakira kulkan kan; bara baha sim natka ra, upla kumi Dawan bila wali daukan ba tâka mita, upla manis Dawan mawanra kasakkira kulkan kabia. B ²⁰ Bamna Moses lâka balan saurka ba kau manis takaia dukiara sakuna saurkaba kau manis takan bara, Dawan kupia yamnika kau tvra pali takan. ²¹ Naha na baku takan, saurka ba prura bri balaia karnika bri kan ba baku Dawan kupia yamnika ba mita yawan na Dawan mawanra kasakkira wan kulkaia karnika bri kaia bara raya ban kaia lâka ba wankaia wan Dawan Jisas Kraist bâk.