1
Aima wal yang nani ta krikuna, mayunra briaya baman aisisna? yang nani nit apusna upla wala mita tainka pain aisisna ba wauhkataya man nanira mamrikaiasna ki apia kaka man nani wima briayasna, sim upla wala nani ba baku u briayasnaki?
2
Man nani sika yang nani wauhkitaya kau pain ba/ wan kupia ra nani ra ulbram, upla sut kakaira kaia aisi kaikaia.
3
Man nani marikisma kan man nani lika Kraist Wauhkataya ulban kusma ba, yang nani bak blikan ba ink wal ulbras kata sakuna Dawan rayakira Spiritka ba ni, naha lika walpara ulbras kata sakuna upla kupia nani ra ulban ba.
4
Yang nani Kraist bilka bak kasak luki ban wisna Dawan mawan ra.
5
Yang nani karniki wak diara daukaia sip apiasna bara makabi walaya yawan diara taki ba yawan daukisa. baku lika apia, wan karnika ba Dawan wina aula.
6
Naha lika Dawan Witin bui lan wan daukan ai albaya kaia, la raya kum naha laka raya kum ba ulban ba baku lika apia, sakuna Spirit Hulikira. bahamna ulbanka ba lika wan iki sa, Spirit Hulikira lika rayaka wanki sa.
7
Nana ra la kana pruwaia pat kara mankan, walpara aisi ulbi mankan, baku prana kira balan kata Israel luhpi nani sip Kaikras kan Muises mawan ra baha lika prana kata mawan ba, prana ba tawa tawa tiwikata.
8
¿Nahki prais kau prana nasa Spirit Hulikira dauki ba?
9
Ban sakuna pruwaia ra wan brih wiba la kaba prana sa kaka, ¡Nahki nahki kau prana sa Dawan bui kasak kira wan kulkiba!
10
Ban sakuna daukan, kaina piuwaera aima kum prana kira daukan kan nana ra lika sinska la kaba pranakira apia sa, Dawan prana ba kau tara wan daukisa?
11
Ban sakuna baha nani dukia piuwa kunku kaia kan prana kan kaka nahki kau prana kabia baha nani ban bapi bui ba?
12
Kasak lukan yang nani brisna, yang nani baha mita sika kupi wina aisisna ba.
13
Yang nani Muisis baku apiasna ya mita kwala piskum mamwanra prakan, bara Israel, luhpika nani kaikaia sip apia kan Muisis mawan ra las kat prana ka ba tawa tawa tiwikan.
14
Sakuna sip tanka briras kan lukanka nani ba prakankan. ban naiwa yua kat ban sa tanka briras. sim kwalka mawan prakan ba bansa, la almuk aisi kaiki bara. baha kwalka ba sakras bansa, ban sakuna Dawan baman dakbi saki sa.
15
Bamna naiwa kat Muisis wauhkataya aisikaikuia bara, kuala kum mita kupia nani ra prakuia.
16
Sakuna ani piuwara upla kum Dawan ra aula bara, kwalka ba dakbi saki sa.
17
Ban sakuna Dawan Witin sika Spirit. anira Dawan Spiritka bara sa kaka pri laka bara sa.
18
Nana ra yawan nani sut, wan mawan kwala prakan apu, yawan Dawan prana ba kaiki sa. yawan nani ra wan paski Kraist prana wal baku witin prana ba baku brisa. prana ka yamni wala, Dawan dauki ba Witin lika Spirit.