1
Naha dukia ra ,yang silp lukri ma nanni ra kli balam na apia, sarkam wihra paskaia apia.
2
Yang bui sarkam paskisna kaka, ya sipkabia yang ra lilia aisakaia, sakuna witin baman sa sarkam ba mita? baman.
3
Yang nahki daukri ba kat ulbri, ban sakuna yang man nani ra balam na yua ra, sarkam paskaia apia sia baha nani lilia aidaukbia uplika nani ra, yang man nani sut dukiam ra kasak lukisna kan yang lilikiva lika sin man nai lilikam brisma baku sa.
4
Bara baha wauhtaya ulbri man nani ra kupi ra uba trabil brikapri, an sari aidaukan kupi kat, an naikra laya ailal takan, yang mita sarkam paskaia wisi daukras, baku lika apia want kapri man nani kaikma latwan tara kupi mununhta wina maikaikisna man nani ra.
5
Bankra upla kum wan sarka paskan sa kaka, witin lika yangra baman apia sa, ban sakuna man nani ra sin wiria paskan sa, yang bui uba karna maiwiras man nani sut ra.
6
Baha uplika klalkaba man nani alsut bui swiaya aitani sa.
7
Ban sakuna nana ra klala watlika ra man nani bui patin munayasma an maisan nihkayasma. baku dauks kan witin ban sari taki ban tanis tiubia ra.
8
Baha mita yang mamkabisna yarka maikaikbia witin ra latwankaikisma ba tanka ba,
9
naha tanka mita pat maiulbri kata, bara baha lika yang bui tankam kaikaia man nani ra an nu takaia man nani ba diara sut ra bila wawalrasma sapa.
10
Man nani mita upla kum ra patin munmakaka, yang mita sin patin munamna, baha uplika ra, yang mita patin munri ba, dia dia dukia sut daukan ba patin munri sa, naha patinka munan ba man nani lamtwankara kraist mawan ra.
11
Bara baku lika sitan ba kunin wan munbia apia. kan dia muni yawan na nuapia apia sa witin aidaukan ka saura ba.
12
Dawan durk kum bukut ban Truas tawanka kara wari bara bahara Kriat sturka yamni ba smalkaia.
13
Ban baku sin, yang sinskira pri apu kan, kan dia muni muihki Titus wal prauras kapri bahara, baku swisisi an Macedonia ra wari.
14
Sakuna Dawan ra tinki kabia, witin mita Kraist wal wan prakisa ban sin wan ta bribia pura lalura wan daukisa. bara yawan bilka marikisa damni kia pain kira baku WITIN smalkanka ba plis sut ra,
15
kan yawan nani lika Dawan mapara damni kia painkira Kraist dukiasa bara baha nani swaki taki ba, bara ban tanis tiwi nani ba.
16
Upla nani ban tanis tiwi ba mapara, laka prura damni kia sa bara prura ra bri auya. sakuna swaki sakan uplika ra, baha lika rayaka damnikia yabisa rayaka ban ra bri auya bara ya baha mapara sip kabia.
17
Upla ailal Dawan bila ba atka auya diara briaya dukia ra yang nani lika baku apiasna, pliskamra, taski laka apu, yang nani aisi banwi kapri Kraist nina ra, baku bamna yang nani Dawan mita aiblikan baku Dawan mawan ra.