¹ Asla takanka watla, almuka waitna nani ra tanis lawi daukpara ma, kau kanra yamni sa aisikam baku aisikaiki maisaniki bas, baku sin wahma nani ra muihkan kumi baku aisi maisa niki bas. ² Baku sin asla takanka watla almuka mairin nani ra sin aisikaiki maisa nikibas, baku sin tiara nani ra aisi maisa niki bas, suhnu lakara iwa ia. ³ Piarka nani ra sin kulkanka yabibas, sakuna rait pali piarka aihwa nani bara. ⁴ Ban sakuna piarka kum ban ai luhpia bara aimula nani brisa kaka, witin nani ra ban sans yas pana skulkan ka laka ba bribia ai watla nani ba bila ra, sans yabi bas ai aisa nani ra hilp muni kabia kan baku pali sika Dawan watba.. ⁵ Rait pali piarka kasak kum yakan takaskan sa kaka, witin ai kasak ka lukan ka ba Dawan kat manki brikaia sa, witin ka ba Dawan kat manki brikaia sa, makabanka nani bara pura sunra ba wal, katna ra bara tihmia ra. ⁶ Sakuna bankra mairkun witin raya sa piuwara aiwina brinka wal iwisa kaka, witin lika pruan sa. ⁷ Smalks, naha laka nani na witin nani ra, bara baku mika upla kumi mita sin witin nani ra lawai daukbia apia. kan upla kum aitaika nani ra mainkaikras sa kaka, bara kau pali aiwatla uplika nani ra lukras sa kaka, witin ba kasak lukan laka ba kulkaras sa. ⁸ Bara kasak lukras uplika wal witin ba kau saura sa. ⁹ Piarka nani wauhkataya ra mangkaia sa, baha nani mani 60 pura alkan ba baman, bara sin aima kumi baman marit takan sa kaka. ¹⁰ Witin nani diara yamni daukan ba mita, upla nani bui kakaira kaia sa: ai luhpia nani pain pakan kaka ai watlara upla nani barba aikuki pain kan kaka, bara baku sin Kristian nani mina sikban kaka, trabil brin nani ra hilp munan sa, apia kaka wark yamni wala nani daukan sa kaka sin. ¹¹ Sakuna ani piarkika nani kau almuk takras ba, wauhkataya bara nina makpara. Kan witin nani ba aiwina brinka nani mita, Kraist wina laiwra taki sa bara kli sin marit takan dauki sa. ¹² Bara baku sa kaka witin nani ba patki ra nani sa, pas pramis Kraist ra daukan ba witin nani mita bahki kulkan bamna. ¹³ Witin nani sin upla watla ra kirhbi wih sturi bahki baman aisi aitaimka ba bahki ra baman tikaia lan taki sa; sakuna kau saura pali ba lika upla nina aisaia bara upla bisniska tila ra dimaia lantaki banhwisa, bara diara aisaia apia ba baman aisi tauki sa. ¹⁴ Baha mita, yang watsna piarka nani kau almuk takras ba, marit takbia bara luhpa baikbia, ai watla nani main kaiki kabia, bara baku mika witin nani mita wan waihla nani ra saura aisaia sanska yabaia apai dukia ra. ¹⁵ Kan piarka tila nani klaia ra taki, sitan nina blikan sa. ¹⁶ bara lalukra mairin kum sapa, aiwatla uplika tilara piarka nani bri kaka, witin nani ra hilp munaia sa, bara baku mika Church mita baha nani wirhika twikbia apia, baku lika Chuch bita piarka nani yaura hilp plikaia apu nani bara hilp munbia. ¹⁷ Almuk nani Chuch ta pain bri nani ba, witin nani bara aima wal prais kulkan kabia, bara kau pali baha nani upla nani ra aisaia bara smalkaia warka karna dauki nani ba. ¹⁸ Kan ulbankara naku wisa: BIP BUL PLUN MA AKBI BA RA, UNMANGKA BA WILKPARA. BARA WARK TATAKRA BA AIMANA BRIAIA SA. ¹⁹ Asla takan ka almuka kum ra upla wala bui dahra kwaki nani kaka, man baha walpara; witnis wal apia kaka yumhpa takbia kaka lika man wals. ²⁰ Sakuna saura dauki bnani bara lika upla sut mawan ra lawi daukaia sma, uplika wala nani ba sibrin dauki banhbia dukia ra. ²¹ Dawan mawan ra bara Dawan Jisas Kraist bara ai Insalka hulikira nani mawan ra sin, man ra maitaibi mai wisna, naha smalkanka nani na bila wali dauki kama, dia dia daukisma ba ra upla kumi ra kau saura luki baku daukpara ma. Dawan warka ba daukaia dukiara. ²² Ban isti pali mihtan upla kumi pura ra aihni makpara ma. Upla wala saurka ba man aikuki aslla bripara; winam ba sunu bri bas. ²³ Biamra siknis ka ba dukiara, li baman dipara ma. sakuna wain sin wiria di bas. ²⁴ Upla tila nani saurka ba witin nani kau laka daukras ba ra, pat latan kaikaia sip sa; sakuna wala nani saurka ba lika, laka daukan ningkara kaikaia sip sa. ²⁵ Baku sin wark yamni nani ba latan kaikaia sip sa, bara kaikras kabia sakuna, sip ban pali warkka yamni nani ba yukukan kabia apia.