Ulbi Baiki Sakanka Tara 3
1
Naha aisanka na kasak sa, upla kum setsra ta brabrira kaia kaka, aiwarka sut ba yamni man daukaia sa baha mita baku sat uplika kaia kaka diara sut ra pura lalura kaia.
2
Witin kaba ai maia mairin kumi bri kaia sa, tanki ra kaia, sinskira kaia, wapnikaia, utla ta yaiabra kaia, witin ka ba smasmalkra kum kaia sa,
3
Witin kaba wain laya dadira kaia apia, kupia tatarbra kaia apia, baha watlikara latan laka brikaia, kupia alki takaskrikira kaia, witin kaba lalah uya lalihkra kaia apia sa.
4
Witin kaba aiwatla bila ba pain mainkaikaia sa, bara ai luhpia nani ba sin bila wawal ra kaia sa.
5
Kan upla kum witin sip ai watla kra main pain kaikras kaka nahki sip kabia Dawan Gad watla ra main kaikaia.
6
Witin kaba uba Kristian kum raia kaia apia sa, baku lika witin uya tara pulan laka ni bahk wi ban pat ra dimbiara sim sitan baku.
7
Witin kaba wapanka iwanka pain brikaia sa au tra uplika nani aikuki, baku witin kau biara saurka la kara bara sitan trampikara sin.
8
Baku sin serts ta brabri ra ba, kasak kira kaia sa. Aisanka walra apia kaia sa, witin nani ba wain uba dadira kaia apia sa, bara diara lalihkra kaia apiasa ,
9
Witin kaba diara rait ra kasak lukan ra param sakan bara bapi buikaia sa, lukanka klin wal.
10
pas taura witin kaba tanka pliki kaikan kaiasa kan witin nani ba aiwarka bri wapaia dukia ra.
11
Baku natkara sin mairin nani ba, kasak kira kaia sa. sturi bahki aisa sara apia kaia sa. Witin kaba sinskira bawikira kaia sa, an kasak kira kaia diara sut ra.
12
Dawan watla ta brabri ra ba maia waitna kumi maia kaia sa, witin nani ba ai luhpia nani an aiwlatla sin pain mainkaikaia sa.
13
Kan ani uplika diara nani ba pain ta brisa kaka ai wina ra, witin lika sip sa upla mita witin ra kasak lukaia Jisas Kraist Mitil ka bak.
14
Naha nani dukia na mai ulbini manra an traimunisni isti pali wih maikaikaia.
15
Sakuna ban kra takaskuna kaka, yan ulbamna man nahki Dawan watla ra ta briaya sma ba, baha sika Dawtla ra raya aihwa ba. plaika bapanka kasakka tanka ra ba.
16
An yawan sip aisabia apia sa bahakasak ka tanka param ratara pali bak sakan sa. witin ka aiwina wal aibapan ba mita bak wan sakan sa Spirit ra, insal nani mita paran kaikan sa, aisi smalkan sa yantil nani sut tilara, witin kaba tasbara baikan sa sakuna pura ra mayunan sa.