Ulbi Baiki Sakanka Tara 2
1
Baha mita dia ra sut ba taura , yan kupiam kraukisna bik taki puram suni, makabi kira, an tinki ka laka wal upla sut dukia ra.
2
Baku king nani dukiara an baha nani wan ta bri ba sut, baku lika raya ka kum wabni an pri laka wal, yamni kaikan laka sut an kasak tanka wal.
3
Naha na painsa an bak kulkan sa wansuahki sasakra Dawan ba mawan ra.
4
Witin watsa upla sut ba suahki sakan laka bribia an lukan ka kasak ba sin.
5
Kan Gad ba kumi man sa, an wan pailatka ba sin kumi ban sa, Dawan Gad wihki upla nani ba wal, Jisas kraist upla sika.
6
Witin sika aiwina yaban upla sut dukiara, baha ba wan witniska sika piuwa pain ra. naha lukanka wal yan pali sin bak aisakanka an apastilkas na yan rait pali maiwisna.
7
kunin aisaras kan yan na yantil nani smasmalkra kumsna kasak lukan lakara an rait ra.
8
Baha mita yan lukisna Waina nani ba plis sut ra ai mihta hulikira ba buki aipura sunbia, lawanka apu apia kaka brukras kira.
9
Baha sin natkara, watsna mairin nani ba ai kualka yamni ai prana wal dimbia, sip apia sa aitawa ra prana aihkakira paskaya apia kaka manakira kualka dimaia,
10
witin nani ba dimaiasa aitani kaiki kualka ba baha nani Dawan kupia pihniki sturka ai warka yamni kira bak.
11
Mairin nani ba sap laka an bawikira laka ba lantakaia sa.
12
Yang mita aitani kulkras na mairin kum ba smalkaia an waitna purkara kaia, sakuna witin sapni kaia sa.
13
kan Adan pas sika paskan, ninkara Iva ba sin paskan.
14
an Adan ra kunin munras kata, sakuna mairin bara kunun munana saurka laka sut wal.
15
baha mita witin ba suaki sakan kabia ai luhpia baiki ni, ban witin nani kasak lukan ra, latwan laka an suhnu laka ai sinska klin laka ni.