Ulbi Baiki Sakanka Tara 6
1
Man nani tilamra uplikam kum wal kupia kumi laka apusma kaka, ¿Ban lukpara la wihta lukras kum laka ra waia, yamni kabia upla lalukra kum laka watla mawan ra wana?
2
¿Man nani tankam briras ma ki upla lalukra nani ba na tasba na laka daukaia sa? An man nani ba tasbana laka daukaiasma, ¿Dia man nani sip apiasma ki na tasba na dukia nani ba tanka bri laka daukaia?
3
¿Man nani tankam briras ma ki Insal nani ba yawan bui laka daukaisa? ¿Nahki kau sip apia kabia ki naha raya ka laka nani ba daukaia?
4
Ban kaka man nani sipsma piu bani raya ka nani ba laka daukai ¿Ban kaka dia mata baha nani uplika asla takanka ta uplika nani apia bara kasak lukisma?
5
Naha tanka na maiwisni kan baku lika swiram brima dukia ra ¿Dia man nani tilam ra upla sinski ra kum pan apusa ki upla kum ai muihni wal la kum kum brikaka laka daukaia?
6
Sakuna pat baku manki swin ba mita, ¡Kristian kum kristan wala kum la kum waltla ra briwabia la kum dukiara, baku sa kaka lika sip sa la wihta lukras kum ra wih ai laka dauka!
7
Sakuna ban kra man nani tilam ra lalukra kum wih lalukra wala kum wal sip kupia kumi laka takras sa kaka ba lika man nani mampara lus tiwan kum sa sa ¿Kan diamata saurka ba wal punis takaia? ¿Diamata ban swika kunin wan munaia ki?
8
Kan man nani sika saura pali dauki an kunin muni walkam mapara buram ¡Sakuna naha nani lika man nani silp pali muihkam sa!
9
¿Kan man nani nu apiasma ki upla kasak kira apia kum ba sip Gad kingka laka ra dimbia apia?, kunin ra kasak lukpara, wina brinka saura laka sin, aidul laka nani ra sin, marit laka sauki ra sin, upla urkira nani laka sin, ban sin waitna ai tahkia wal briia laka ra,
10
aihmplikra nani ra sin, dia ra lalihkra laka, laia tahpla diya laka, upla nina saukan laka, upla ra taibi mamun ra laka, baha nani sat ka uplika kumi sin sip Dawan kingka ra dimbia apia.
11
Patita ra man nani witin nani kum baku kapram, sakuna man nani ba pat klin maidaukan sa, an suhnu kira mai kulkan sa, kan man nani sika kasak kira mai kulkan sa Gad wal Jisas Krais wan Dawan nina ra an wan Dawan Spiritka ka ba wal.
12
"Yan maipara diara sut ba sips na", sakuna diara sut ba lika aitani apia sa. Yan maipara diara sut ba sips na, sakuna yan baha nani dukia mita yabri taibriras.
13
Plun ba wan biara dukia sa, bara baku sin wan biara ba plun dukia sa, kuna Dawan wal sut ra dan daukbia, wan wina na paskras sa wina brinka saura nani dukia ra. Baha mita wan wina na Dawan dukia sa bara baku sin wina tara nitka nani ba Dawan wankbia.
14
Gad ba naha nani dukia wal sut daukan sa, witin bui Dawan ba pruwan nani tila wina bukan sa baku sin ai karnika ba wal yawan ra sin wan bukbia.
15
¿Man nani nu apias ma ki winan nani ba Kraist wina piska nani sa? ¿Ban kaka nahki sip kabia ki Kraist wina tara ba brih ki ur mairin wina kum wal asla daukai? Baku apia sika.
16
Man nani tankan briras ma ki ani waitni ka kun ur mairin kum wal asla takbia kaka, wina kumi takisa baha mairka ba wal, nahki wisa ulbanka ba: "WAL SUT BA WINA KUMI TAKBIA".
17
Sakuna ani uplika kun Kraist wal asla takbia kaka Witin lika spirit ra kumi takisa.
18
¡Wina brinka saura ba wina plaps! Upla kum saurka kum daukbia kra, sakuna aiwina tara saurka apia kaka, saurka apia sika, kuna ani uplika wina brinka brisa kaka witin aiwina ra saura dauki sa.
20
¿Man nani nu apiasma ki winam tara ba Spirit hulikira timpil ka kum ba, witin ka sika man nani ra iwisa, bara man nani witin ka ba Dawan wina maikan sa? ¿Man nani nua apias ma ki winam tara ba silp winam apiasma ba?
19
Kan man nani sika mana tara wal maiatkan sika, ban winam tara ba wal mayunra yas.