Ulbi Baiki Sakanka Tara 5
1
Yan nani wal ri aisanka nani mitilka bak man nani tilamra brinka Ispirika bara sa, baha wina brinka laka nani ba yantil nani aitila katsin briras. yawan nani ra wan maisapakan ka man nani kum tilam ra ai aisa maya wal brisa.
2
¡Man nani ba lukras bakusma baha dukiara! ¿Kau ni man nani sarka briya apiasma? Ani utlika naha saurka ba daukan kaka tilam wina kanbi sakaia sma.
3
Kan yan winara lika man nani wal apiasna, kuna Spirit ra lika man nani wals na, yan barkatna kaka baha sat dukia ba pat laka daukri kaya kan, sakuna diara daukaya apusna kan man nani wal apiasni.
4
Man nani wan Dawan Jisas Kraist nina ra asla takma taim, yan Spiritki ba man nani tilan ra kabia, wan Dawan Jisas Kraist karni ka ba wal, yan bat pali laka baha uplika ba laka daukri sa.
5
Baku dauki pat rayaka ba sitan bih tara man kri sa wina tara ba saukbia dukia ra, baku ai Spiritka ba suaki sakan laka ra kabia Dawan yua ra.
6
Baha brinka ba pain apia sa. ?kan man nani nuapia sma ki wiria lupia wal brit ba aiska puskisa?
7
Man nani klin taks baha iska almuk tila nani wina, kan baku lika man ma plawar akban kutban ka kum pain kama. Baku lika man nani brit kum is apu kama, kan Kraist ba brit is apu luwan shipka sakripaiska daukan sa.
8
Ban kaka yawan kaika wan is luwan yua lilika ba daukaya, sakuna baha is almuk ba wal apia, baha iska almuk iwanka saura nani ba wal an saurka laka bri ba wal, kau kan ra yamni sa, lilia bripi baha brit ka is apu ba wal diara kasak an rait ra.
9
Yan ulban ki bak ulbi saki maiblikri kan man nani bahmuna uplika wina brinka uya tanis bri ba wal.
10
Natka kum sin ra mai wiras kapri naha tasba brinka wirara bri nani ba uplika dukia ra, bankra dia ra lalihkra sapa, ban kra taibimunan laka sapa, apia kaka aidul laka sapa, ban kaka witin nani wina dakwi takaima kaka, man nani nitsma naha tasba laka nani ba swiaia sma.
11
Nanara yan man nani ra maiulbisni baha uplika satka nani wal praupara ma, witin nani ba muihkam makisa kuna witin nani wina brinka ra iwisa, apia kaka diara lalihkra sa, u aidulkira kun sapa, u ai twisa aisanka saurakira sapa, apia kaka bla tatakra kum sapa, apia kaka taibi mamunra kum sapa. Baha nani satka uplika wak plun sin iwi pipara ma.
12
¿Kan yan na nahki sip kamna baha nanbi autra uplika nani ba laka daukaia? Baha watlikara? Kau kan ra yamni sa man nani timpil bila ra uplika nani ba laka daukmna?
13
Kan baha nani autra nani ba lika Dawan witin bui laka aisi daukan kabia. "SAURA DADAUKRA UPLIKA NANI BA MAN NANI TILAM WINA SAKS".