Ulbi Baiki Sakanka Tara 4
1
Bak sakan baku luki nani uplika kum kayasa, kraist napakan ka nani an Gad dukia kasak ka tanka nani ra yukukan nani ba ta brabri ra baku nani kaya sa Gad ra.
2
Nana ra ta brabrira nani ba tanki ra kayasa baku lika sip kabia kasak laka ra kaya.
3
Sakuna yan maipara lika pat kumi sin apusa man nani bui laika daukma ba apia kaka upla wala nani bui kra, ai mawan ra, kan yan pali mita sin laika daukras ni winira.
4
Yan tainka pain brisni yan maipara lika laika daukaya kumi sin apusa, bawisi man nani lukpara ma yan ba patkira apiasna. Kan ba wisi Dawan bara sa laika daukaya.
5
Baha mita yan dia ra kum sin aisaras ni kau la daukaya taimka apia ra, kau Dawan balras ra kainara, kan witin balbia tain diara tihmura yukukan nani ba sut ignira sakan kabia bara baku sin param sakan kabia upla kupia lukan ka ra dia nani barba. Baha ninkara upla kumi bani ba mayun ra bribia Dawan wina.
6
Nana ra muihki nani naha laka nani na yan bui winira mankri an Apulus lika man nani painkam ba dukiamra, baku lika yan nani wina diara tanka ba brima dukiara naha aisankara. Ulban ba wina kau kainamra diara tanka uya bliki kapara, baku lika man nani pana pana uya aisaumara dukiara. Ban kaka ya sipsa ki kaikaya man nani tilan ra pana pana upla sat wala baku aiwalka wal ?
7
Man nani?, Dia mita sip naha na prisat pali baku briras ma ki. Man nani naha na prisat pali briram sa kaka? Ban kaka man nani dia mata pana pana uya brinka laka brisma ki, baku daukras ma lukisma ki?
8
Man nani dia nitkamba sut brisma, kan man nani ba uya yuikirasma, bara man nani yan nani apu sin sip kama king aimankaya, yan aitani pali lukisni ni man nani king aimanki mauhma. Baku lika yan nani sin kamna man nani wal king aimaki kaya.
9
Kan yan lukisna apastil nani ba naha las yuara pat ka nani tilara wahbi aisaki wahwan bak sakan uplika baku prura mihtara, yan nani lika tasba na mapara lika bahki baku bakwisna, insil nani mapara bara upla nani mapara sin.
10
Yan nani lika sinskas bakus na Jisas kraist tawan, sakuna man nani lika sinskirasma Jisas kraist ra, yan nani lika mayara mauwisna, kuna man nani lika karna kirasma. Man nani lika lika kasak yamnikira maikulkansa, sakuna yan nani lika upla bahki baku aikulki mah wisa.
11
Naha nani yua kat yan nani ba kau plun wahwi bahwisna, an diranka sin, kaula luhwa, wipi rausauhkanra an utla sin apu.
12
Yan nani ba war karna pali taki makwis na, mihti warka nani wal, nina sauhkanka laka wal kuna yan nani lika yammi muni wagwisna.
13
Nina pliki rau sauhkanka laka ba ra ban bapi buisna, nina saukanka laka wal, kuna yan nani lika latuan laka wal aisisna.
14
Naha nani dukia na yan mai ulbras na man nani ra swiran maidaukaya dukia ra apia, saku luhpi laituan kira baku mai smalkaya dukiara.
15
Kan man nani ban kra 10 tausin kainam ai wakaika brikama kra kraist ra, sakuna yan lika aisam takri sa Jiasa Kraist.
16
Dawan bila mitilka bak, baha mita yan man nani ra bik maitakisna yan wina lan takma.
17
Baha mita yan buwi Timuti ba maiblikri, yan lupi laituankira kasak ba Dawan ra, witin bui sika tainka paran maiwi maubia yan wapan ki nani ba Kraist dukiara, baku sin yan plis sut ra smalki kisna, an baku sin churt sut ra.
18
Sakuna nana ra lika man nani tilan ra kum kum ba aiswira apu takan sa, ban wibia kaka yan ba man nani tilamra waraskari baku.
19
Sakuna yan isti pali wamni man nani ra, Dawan baku wibia kaka, bara yan param nu takamni baha nani tilam ra kum kum aiswiras tanis aisi tauki ba, apia sakuna ai karnika ba kaikamni.
20
Kan Gad king ka laka ba aisi tauki ba apia sakuna karnika ba sika.
21
?man nani dia watsma? Man nani nahki watsna yan man nani ra wamna latuan laka ni apia kaka klala wal, apia kaka bawikira Spiritka wal.