¹ Nanara, baha diara tanka briia dukia ra aiulbi mahwatma ba: "Pya nani bara sa upla kum aimaritka wina dakwi takwi takaia". ² Sakuna traika kaikan laka nani ba mita bara saurka sat sat ra taukaia laka nani ba, waitna bani ba aimaia mairin brinkaia sa, baku sin mairin bani ba aimaya waitna brinkaia sa. ³ Marit waitna ba mita raitka nani yaba sa ai maritka mairin ra, sim natka baku marit mairin ba sin baku daukaia sa. ⁴ Marit mairin ba sip apiasa sa aiwina ba dawanka takaia, aiwina ba aimaya waitna ba dawanka sa. Sin natkara marit waitna ba sin aiwina tara ba witin dawanka apia sa, aimaya mairin ba dawan kasa. ⁵ Kumi bani silp aiwina ra dawan ka takaia apia sa, sakuna diakum bara sa kaka aimaia wal aisikaiki lika sipsa, wal taim wiria ba baman kat. nana ra man nani baku daukaia sipsma b pura sun ra sa dukia ra. baha ninkara man nani kli maiam wal sipsma kli prawaia, baku natkara lika sitan ba man nani ra traika kaibia apia winam brinka ba alki takaski kama. ⁶ Naha nani dukia na man nani ra yang maiwisna lukan painkum babu sakuna la baku lika apia. ⁷ Yang lika brinki kan upla sut ba yang baku kabia, sakuna upla kumi bani ba talan sat sat brisa God wina yaban. Upla kum kum naha talanka brisa wala nani lika talan sat wala nani brisa. ⁸ Maias nani bara piarka nani ba painkaia kan ban bapi buikaia aimaia brih kira ni, sim yang baku. ⁹ Saku na witin sip aiwina brinka ba alki takaskaia sip apia kaka witin nani aimaia briaia sa, kan kau kan ra yamni sa aimaya brikaia watlikara aiwina brinka ni amikaia. ¹⁰ Nana ra maira nani ra naha laka bila na yabisna, yang apia sika sakuna Dawan bila: "MARIT MAIRIN BA AIMAYA WAITNA WINA DAKWI TAKAYA APIA SA". ¹¹ Wintin bankra dakwi takbia kaka aimaya wala briaiaia apia sa, apia kaka lika ai maya waitna wal kli asla takaia sa. "AN MARIT WAITNA BA SIN AIMAYA MAIRIN WINA DAKWI TAKAIA APIA SA". ¹² Kuna naha na lika yang wisni, Dawan lika baku wiras sa, ban wan muihni waitna kum, lalukra apia mairka kum aimaia briaia watsa kaka, bara mairka sin aitani lukisa kaka, witin wal sip sa brih iwaya. Bara marit waitna ba diburs yaia apia sa aimaia mairin bara. ¹³ Baku sin ban wan lakra marin kum waitna lukras kum wal briaia lukisa kaka, bara waitnika sin aitani lukisa kaka, marit mairin ba aimaia waitna bara diburs munaia apia sa. ¹⁴ Kan maia waitna Kristian apia ba suhnuki ra kulkan sa maritka mairin taka ba mita, an baku sin marit mairin Kristian apia ba suhnukira kulkan sa maritka waitna taka ba mita. Ban wibia kaka luhpia nani ba taski kira sika, ban sakuna hulikira nani kulkan kabia. ¹⁵ Sakuna witin ka panika Kristian apia ba swisuia kaka, swis wabia, ba natkara muihni ba sapa wan lakra ba sapa ba priskan apia sika ai pramiska bara, kan Dawan pri laka ra iwikaia wan winan sa. ¹⁶ Kan, ¿man mairin nahki nukama ki maian waitna ra swuahki sakma ba? ¿Man waitna nahki nukama maiam mairin ra swuaki sakma ba? ¹⁷ Upla kumi bani ba nahki kat airaia ka Dawan nahki kat yang bakat, upla kumi bani ba Dawan naki kat winan baku, naha na yan laki sika asla takan watla sut ra ¹⁸ ¿Upla kun aisa sainka ai wina ra brikan ki Dawan witin ra kasak lukbia winan piuwa ra? Witin sip yukuaia apia sa aisa sainka apu ba dukia ra ¿Ban sin aisa sainka apu bara sa ki kasak lukan ra winan piuwa ra? Witin ba aisa sainka bri kum baku kulkaia apia sa. ¹⁹ kan aisa sainka bri ba mita apia kaka aisa sainka apu ba mita aitani kulkan kabia apia sika, aitani kulkan ba lika Dawan bila ra iwaia sa. ²⁰ Upla kumi bani ba Dawan bui winan ba bakat kasak luki baha ka iwikaia sa, ²¹ ¿kaina pyua ra lika man nani ba alba kaprm sakuna Dawan mai paiwan? Baha mita baha dukia ra lukpara ma. Kan man nani prikaya watsma kaka sipsma prikaia. ²² Ani uplika Dawan mita ai albaya kaia wisi winan kaka, witin lika upla kum Dawan mita pri pali sakan sa. Baku sin natka ra sin ani uplika pri kan Dawan mita winan kasak lukaia baha ba Kraist albika sa. ²³ Man nani sika mana tara kum wal maiatkan sa, baha mita man nani upla nani albaya kaparama. ²⁴ Muhki nani, raiaka yawan kum brikata ba wina wan paiwansa kasak lukaya, bara yawan nani kaisa ban bapi buikaia. ²⁵ Nanara baha nani marit takras kan nani bara, yang Dawan laka ba wina apusna dia wiyaia, sakuna yang upla kum baku wisni Dawan latwanka kasak ba mita. ²⁶ Baha mita, pat nani aihni wan bruiba mita kan ra yamni sa upla ba baku yakan kabia nahki bakat. ²⁷ Man mairin kum wal wilkram sa kaka? witin wina dakwi takaia plikpara ma. ¿Bara baku sin mayam mairin kum apusma kaka? Mairin plikpara ma briaia. ²⁸ Bara marit takuma man saura kumi sin daukras ma, bara mairin mayas kum marit takuya kaka, witin lika saura kumi sin daukras sa. Baha mita ani uplika aimaia brisa kaka witin lika trabil nani uya wal praubia kau raya ba piuwa ra. Baha mita yang lika naha tanka na wina britakaya watsna. ²⁹ Sakuna naha na maiwisni muihki nani: pyu ba kunku sa, naha yua wina aitaura, baha nani aimaya mairin bri nani ba raya iwikabia aimaya kumi sin apu baku. ³⁰ Baha nani ini bagwiba inras baku kabia; bara baha nani lilia taki nani ba sin lilia takras bakukabia; bara baku sin ya diara uya atki brikabia sin diara apu baku kabia. ³¹ Bara baku sin ani uplka tasba dukia uya yus muni kaka. Witin nani uya brinka bri kabiara baha sut yus munika ia, kan naha tasba lukanka ba klata kum ra aula sa. ³² Yang brinki pali sa man nani ba pri pali kama pat nani wina. kan waitna kum mayas ba lika Dawan warka nani bara baman lukisa, Dawan kupia laka daukaia baman luki sa. ³³ Sakuna waitna kum aimaya briba lika naha tasba dukiara luki sa, an nahki muni aimaya mairin ba kupia laka daukaia luki sa. ³⁴ Witin kaba baku baiki sakansa. ani mairka kau marit takras ba, apia kaka kau waitna kaikras ba witin lika Dawan dukia ra baman luki sa. Bara aiwina ba an aispitka ba bak sakan sa Dawan dukia ra. Sakuna mairin aimaya waitna bri nani ba lika witin nani ba uya luki sa tasba dukia bara, nahki aimaia waitna bara kupia laka daukaia. ³⁵ Yang naha na wisna man nani winam ba dukia ra, sakuna man nani ra daukma apia dukia ra apia. Yang naha na maiwisna diara raitba dukia ra, baku lika sip kama diara kumi sin snaya ra mailakbia ra sakuna Dawan tanka nani bakat kama. ³⁶ Sakuna upla kum mapara ailupia mairin kum ba waitna kaikras bara ban sin lukisa piuwa lubiara dukiara yaka marit takaia kaka pain daukisa , baha ba saurka apia sika, bara marit takbia. ³⁷ Sakuna ban witin aikupia wal bapi buisa kaka baha ba sin pain daukisa, ai luhpia mairin ba mayas swihka ban kabia bara baha ailuhpia mairin ba waitna kaikras kabia, baha sin pain sa. ³⁸ Bakusa wal sut ba pain sa ailuhpia mairin marit sakbia ba pain sa, apia kaka ailuhpia mairin ba mayas swihbia kaka baha lika kau pain dauki sa. ³⁹ Marin kum ba aimaya waitna ba kau raya piua ra asla kaya sa, sakuna maya waitna ba prubia kaka, witin kaba pri pali sa kli aimaya waitna kum briyaia, sakuna Dawan ra baman. ⁴⁰ Baha nita yang maipara lika kaukan ra yamni sa witin dia baku yakan mayaskabia ba. An yang sin kasak lukisna yangna sin Dawan Spiritka ba brisna.