¹ Muihki nani, yang wantsna man nani nu takma, yawan wan aisika nani ba kasbrika mununtak bara baku sin kabu pauni bak luwi wi mawan. ² Bara baha nani sut ra sin tahbi daukankan kabrika bara kabu mitilka bak, ³ Bara witin nani sut ba sin baha Spirit pata ba wina pih mawan, ⁴ Bara sin sin Spirit laya wina di mawan, kan witin nani sut ba baha walpika wina nina bliki dih mawan, an bara baha walpika sika Kraist ba. ⁵ Sakuna Dawan ba uya yamni lukras kan witin nani ailal ba tila, bara witin nani pruan dusa ba plis sat sar ra takas kan baha upla iuras tasbaia ra. ⁶ Nanara lika yawan nani mapara naha nani dukia sut ba sampil kum baku swin sa. baku ban witin nani baku yawan sin saurka laka bara dimbia ra dukia ra. ⁷ Aidul kira kapara ma, sim witin nani tila kata baku, naha sika ulban ba baku sa: "UPLA NANI BA IWIBAGWAN DIAIA BARA PIAIA, BARA BAKU SIN BUIBAGWAN PULAYA". ⁸ Yawan nani ban wina brinka saura bara dimpara ma, sim pali witin nani ailal tila wina daukata baku, yua kum bilara ( 23 mil) twinti tri tausin upla ba pruan. ⁹ Bara ban sin Jisas Kraist ra traika kaipara ma, kan witin nani ailal ba daukan bara piuta nani bui sami ikan. ¹⁰ Baku sin mapa babura kapara ma, kan witin nani ailal ba baku daukan bara prura insal ka ba mita sut ra sauki tikan. ¹¹ Nanara, naha dukia sut nani witin nani ra takan baku yawan nani ra sampil kabia dukia ra, baku bak saki ulban sa yawan nani lantakbia dukia ra, kan yawan nani mapara taimka ba balan sa. ¹² baha mita ani uplika luki sa witin ban bapi buisa kaka, witin ban bapi bui kabia kauras kira. ¹³ Man nani wipara ma traika kaikan kum sin man ra balras kabia apia upla baku, sakuna Dawan ba kasak sa. witin bui ban maiswibia apia dia sip katsma ba wina kau maiswika triakam kaikbia ra, traika kaikan bara. Witin ka bui sika karnika maiki mawi kabia dahki muni baha wina plapi swakwaia, baku lika man nani sip aitani kama pura lalura kaia traika kaikan ba mapa ra. ¹⁴ Baha mita laituankira nani, aidul ba wina plaps. Yang aisisna upla kum baku luki kaiki, baku lika sip kama la tanka bakat laki kaikaia. ¹⁵ Baha blisin kapka yawan nani blis muni ba wal. ¹⁶ ¿Baku ban bahki pali apia sa Jisas Kraist talia ba? baha bridka yawan pana pana piba ra, ¿ban sin Jisas Kraist wina ba pana pana bri sa bara? Kan baha britka ba tara kumi ba wina , kan, ¹⁷ Yawan nani sin ailal pali sa, sakuna wina ku mi sa. Yawan nani baha britka tara kumi ba wina brisa. ¹⁸ Israel uplika nani ra, kaiks, witin nani sakripais wina pisa kaka, sip apia sa Dawan altar kara wark daukaia, ban kaka ¹⁹ ¿Dia maiwisna man nani ra? ¿Aidul kum ba diara kum sa? Apia kaka baha pata aidulra sacripais yabi ba? ²⁰ Sakuna yang maiwisna upla yantil aidulkira nani sakripais dauki ba, witin nani sika naha dukia nani ba bak saki sitan insal ka nani ra yabi sa, sakuna Dawan ra lika apia. ¡Baku ban yawan want apiasna man nani sin sitan insal ka wal kumi prawi naha daukma! ²¹ Man nani sip apia sa Dawan kapka ba disi baha sim taimka ra sitan insalka nani kapka diaia, man nani sip apiasma Dawan tibilkara iwisi bara sitan insalka nani tibilkara iwaia. Ban kaka ¿yawan bui Dawan wani na buki sa? ²² ¿Yawan nani ba kau karna sa lukisma ki, witin ba wal? ²³ Yang maipara diara sut ba sip sa, sakuna diara sut ba aitani apia sa, bara baku sin diara sut ba sip sa, sakuna, diara sut ba mita upla ra bangkras sa. ²⁴ Upla kumi sin silp aipainka baman dukia ra plikras, baha watlikara witin aiwal ka painka dukiara plikaia sa. ²⁵ Man nani sipsma diara nani atkaika watlara atki ba wina piaia, makabi walan lukanka apuni. ²⁶ Kan, TASBA NA DAWAN DUKIA SA, BARA WITIN BILARA PASKAN KA BARA SUT. ²⁷ Upla lukras kum ban plun piaia mai paiubia kaka, bara man aitani lukisma waia, was, bara dia kainamra mankbia ba sut pis makabi walan lukanka apu kira ni. ²⁸ Sakuna bankra upla kum bui maiwibia: naha pata na lukras aidulka kum ra sakripais daukan, pipara ma. baha lika pat baha uplika mita maisampakan ba mita. ²⁹ An ban sin lukankam ba mita, yang man nani lukan kam ba dukia ra aisaras, sakuna upla wala lukanka aisawai ba dukia ra aisisna ³⁰ ¿Kan upla nani ba mita wan brika laka ba kaiki wan laka aisi sa. sakuna yang baha pata ra tinki kira ni pimna kaka, ban kaka witin ka pata aikan uplikatinki wisat na ba bui daira saura aisabia? ³¹ Baha mita pi maka apaia kaka di maka, man nani sut ba Dawanra mayunra atia dauks. ³² Man nani Ju apia kaka Grik nani ra swira pas para ma ban Dawan churkska ra sin. yang traimunisna painka laka baman daukaia upla sut ra diara sur ra. ³³ Yang yakan dukira baman lukras sakuna upla sut dukia ra lukisna. Naha na daukisna kan witin nani suaki sakan laka ba bribia ba dukia ra.