¹ ¿Yang ba pri apiasna ki? ¿ Yang ba apastil kum apiasna ki? ¿Yang wan Dawan Jisas Kraist ba kaikras na ki? Man nani ba yang mihti warka nani apias ma ki Dawan ra ? ² Yang na Apastil kum apia na ki wala nani ba mapa ra, sakuna man nani manpara lika yang na apastil kumsna. Kan man nani lika yang apastilki warka nani ba witniskasma Dawan ra. ³ Naha na sika yang kaini kahbaika sa baha wala nani yang ra aisi aikaiki ba: ⁴ Yawan nani na sin wan raitka apusa ki piaia bara diaia ? ⁵ ¿Yawan nani na sin wan raitka apusa ki wan maia mairin Kristian kum briaia, sim pali apastil wala nani an wan muihni nani Dawan uplika an Cifas? ⁶ Bernabe an yang na baman wal lika wark nani brisna ki? ⁷ ¿Ya wark takisa suldadu kum baku silp aiwarka dukia ra? ¿Ya insla kum maki sa an baha wina ma saki piras ki? ¿Apia kaka ya ship dakni kum mainka kaiki tialka laia diras ki? ⁸ ¿Naha na yang aisina upla wan raitka bakat? ¿Sakuna la ba sin baku aisisa apaia ki? ⁹ Baku ulban sa apia ki Muisis laka bara: TASBA BAIKAIKA KIAMILKA KUM RA UNA MANKAIKA MANGPARA MA, ¿Baha ba sika kasak pali baha nani kiamilka sika Dawan mita main kaiki brisa? ¹⁰ ¿Dia witin yawan dukia ra aisaras ki? Naha sika pat ulban kan yawan nani dukia ra, kan ani ba tasba baiki sa kaka tasba babaikra kaia sa bila kaikanka ra. Bara ani uplika ma saki ba ma wahbi yua ra ma yaiabra kum sa. ¹¹ Yawan nani sin Spirit ra ma mangbia kaka man nani tilam ra ¿uba ailal pali brinka brisa kabia sa man nani tilam ra wan mihta warka wahbia kaka? ¹² Wala nani naha raitka na daukan man nani dukiam ra ¿Yawan nani kau aitani apusa? Baha mita yawan nani naha dukia ra sip aisaras. Baha watlika ra, yawan nani naha raitka dukia ra aisaras baha watlika ra, diara sut ba dukia upla ra nais muni sa Kraist Gospilka ba dukia ra. ¹³ ¿Man nani nuapiasma ki ani uplika altar ra smalki ba altar ba wina aikuki shir muni piaia sa? ¹⁴ Baku sin natkara, Dawan ba bui, bak saki swin sa, baha nani God kaspilka swalki sa kaka, witin ka ba Gad kaspilka ba wina iwaia sa. ¹⁵ Sakuna yang lika, naha raitka ba dukia ra diara kum sin aisaras. Naha na ulbras na yang nitki ba dukia ra dia ra kun daukbia. Yang maipara kau kan ra yamni sa ban pruaia wih ba raitki ba dukia pliki tauki kaia. ¹⁶ Sakuna sip apiasna ki naha yamni ka na dukia kupi aiska ni aisaia, kan yang dia mata naha na daukaia. ¡Kan yang sip apiasna yang Gad kaspilka ba sualkras na taim! ¹⁷ Kan yang nahana kupiaiska daukisna kaka, yang maina kum brisna. Ban sakuna kupi aiska daukrasna kaka, yang ban winira luki kaikaia naha nani warka dukia ra luki kaikaia. ¹⁸ ¿Ban sa kaka ani pali ba sa ki yang maina ba? Yang smalkri taim, yang Gad kaspilka ba mana luha ni, baku lika yang sip apia katna yang silp raitki ba dukia ra yus munras kapri. ¹⁹ Ban, sakuna yang na pri palisni diara sut ba wina, sakuna yang na ban upla su albaia takri sa, ban baku upla ailal sulka win takaia dukiara, ²⁰ Ju nani ra auna taim Ju nani bakusna. Baku ban Ju nani win takaia dukia ra, baha nani la bununtara ba dukiara yang sin la bunta ra bawisna. baku sip kamna Ju nani uplika la muntara mawiba rayaka ba win takaia dukia ra, yang naha na daukri ban sakuna yang lika la mununtara apiasni. ²¹ Baha nani uplika la ba wibna klaia ra ba mapara, yang sin la ba wina klaia baku takri, kan yang wini pali na lika Dawan laka ba wina snaia ra apiasni, yang lika Jisas Kraist laka bunun taras ni. yang naha sut na daukri baha nani la wina klaia ra bawiba win takaia dukia ra, suapni ba mapara suapni takri, baku lika yang sip kamna suapni nani ba win takaia. ²² Yang diara sut daukri diara sut ba dukia ra, baku lika yang sipkapri ban kum pan suaki sakaia. ²³ Yang Gad Kaspilka ba dukiara diara, baku lika yang sip kamna aiblisinka ba briaia. ²⁴ ¿Man nani nu apiasma ki upla kum plapi win takaia dukia ra plapi sa kaka? Sakuna win takan dukia ba lika kumi baman bruisa. ²⁵ Ban kaka witin nani plapisa aiplapanka ba win takaia dukia ra. Plaplapra uplika kum ba aiwina ra diara sut ba alki takaski sa, wini win takaia dukia ra. ²⁶ Witin nani lika baku daukisa ban tasba kraunka kum win takaia dukia ra. sakuna yawan lika wan plapanka ba lika plaplisa kraun sukras kum win takaia dukia ra. ²⁷ Baha mita yang ban lustiwaia dukia ra plapras. an ban sin ban pasara bahki dukia ra plaplaras, wini na sakripais munisna bara alba kum baku pat takisna, baku lika wala nani ra smalki lumna ninkara, baku ban yang lustiuras kaia ba dukia ra.