¹ Yang wina diara nani lantaks, kan simsat yang sin Kraist wina lantakisna. ² Yang bui manyunisni kan man nani ba yang dukia ra lukisma diara sut ra. ³ Mamyunisna kan man nani sika yang diara tanka mai smalkri ba pain ni alki brih mawisma dia pitka maikri bakat. nana ra yang watsna man nani tanka brima Jisas Kraist ba waitna sut lalka sa, bara waitna kum ba sin mairin kum lalka sa. Bara baku sin Dawan ba Kraist lalka sa. ⁴ Ani waitnika kum aipura suni apia kaka, witnis aisisa, ailal praki ni baha lika ailal bara swira dauki sa. ⁵ Sakuna mairin kum aipura suni apia kaka winis aisisa ailal prakras ni baha lika ailal bara swira dauki sa. Kan witin sika kuman sa ban kaka wibia kaka ailal ba wisban baku sa. ⁶ Kan mairin kum witin ailal ba prakras kaka, witin ba ailal ba klakan kaia sa kunku pali. Kan swira palisa mairin kum aitawa klakaia apia kaka ailal wisbaia ban kaka ailal ba prakbia. ⁷ Waitna kum ba aitani apia sa ailal ba praki brih tauki kaia. Kan witin sika Dawan lilka bara mayunra sa, sakuna mairin ba lika witin waitna mayunra sa. ⁸ Kan waitna ba mairin wina paskras sa. Ban sakuna mairin ba lika waitna wina paskan sa. ⁹ Bara ban sin witna ba marin ba dukia ra paskras sa, ban sakuna mairin ba lika waitna lahma paskan sa. ¹⁰ Baha mita mairin ba ailal pura ra tukin baku kum brikaia sa. kan Insal nani ba kaiki sa. ¹¹ Baha mita Dawan ra, waitna ba mairin apu diara takras sa, bara baku sin mairin ba sin waitna apu diara takras sa. ¹² Kan mairin ba waitna wina takan sa baku sin natkara, waitna ba sin mairin wina takan sa, kan diara sut ba Dawan wina aula sa. ¹⁵ Baha mita man nani silp lamka dauks: aitani kabia ki mairin kum ailal srunkras ai pura sunaia? ¹⁴ Kan wan laka nani ba mita param wan smalkisa kri man nani ra, ani waitna kum aitawa yaribrikaka, witihn aimapara aiswira kum sa. ¹³ Bara baku natkara sin wan laka ba mita param wan smalkras sa ki mairin kum aitawa yari brikaka baha ba aiprana kan aitawa ba yaban sa ailal prakaia dukia ra ¹⁶ Sakuna man nani tilam ra upla kum kra naha dukia ra aisi blawai sma kaka, yang nani lika naha daukanka sat wala apu maiwi sna, bara Dawan watla ba sin. ¹⁷ Maisampakisna naha smalkanka wala nani dukia ra, mayunras na. kan man nani aitani mawi sma ba dukiara asla taki kapara, sakuna kau saurasma ma dukia ra. ¹⁸ Kan pas taura walri man nani asla takan watla ra asla takisma taim, tarbaiwan laka bara sa man nani tilamra, an bara kasak lukisni naha na wiria kasak baku sa. ¹⁹ Sakuna man nani tilamra naha na takaia sa baku lika latankaikma man nani tilam ra raitpali Kristian bak sakan nani ba. ²⁰ Kan man nani asla takisma taim, Dawan tibilka laka pata ba pisma apia ki. ²¹ Kan man nani pisma bara, upla bani silp aipata pisa kau upla wala wih aipata piras kan taim , kan upla kum plun dauki kan, wala nani lika bla sut takisa. ²² Man nani dia wamtla nani apu ki baha ra plun piaia bara diaia? Baku dauki mawisma bara Dawan Church kaba bahki kulkisma bara baku sin diara apu uplika nani ras swira daukisma? naha dukia ra dia mai wimna bila kaiki banhwisma? Man nani ra mamyunaia sna ki? ¡Naha dukiara lika yang sip mamyunras ni! ²³ Kan yangna naha smalkanka na Dawan pali wina brisatna ba man nani ra maismalkisni, Dawan Jisas Kraist baha tamika ra aiwaihla mihta ra man kata ba tamika ra brit ba ai mihta ra brin. ²⁴ Bara Dawan ra tinki win, ninkara . brit ba krikan bara naku aisan: "Naha na bris bara pis kan man nani mampara naha na yang wini sa. Naha na yang ra luki dauki bas". ²⁵ Baku sin natkara, witin nani pata tara ba pin ningkara, kap ba aimihta ra brin bara wisata: naha kapka sika la raya daukan sa, yang tailia ni, aima bani man nani disma bara yang ra luki dauki bas. ²⁶ Baku bamna aima bani naha britka pima bara naha kapka dima bara, Dawan yang pruanki ba param aisi bahwi bas witin balbia bakat. ²⁷ Baku bamna ani uplika baha brit ka ba pi, kapka ba wina di, Dawan ra kulkras natkara bribia kaka, witin kaba baha Dawan wina tara ba mapara bara talia ba mapara patki ra kulkan kabia sa. ²⁸ Baku bamna upla kumi bani ba aiwina ra pas laki kaikaia sa kau britka ba piras bara, baku sin kapka ba kau diras bara. ²⁹ Kan ani uplika bawina pi bara di Dawan tanka ba pain kaikras sa kaka, baha lika aiwinara lawanka dinkaia dukia ra pisa bara disa, ³⁰ Baha ba mita man nani tilamra ailal ba suapnikira atia sa bara sikniskira nani atia sa. Tila nani sin pat yapisa. ³¹ Kan yawan nani bui silp wan tanka laki kaikbia kaka, wan laka daukan kabia apia sika. ³² Sakuna Dawan bui wan laka daukbia kaka, klala wangbia, bara ban sin pat ra wan lakan kabia apia taba uplika ai kuki. ³³ Baku bamna yang muihki nani, piaia asla taki banhwisma bara pana pana walkan nani bila kaiks aikuki piaia. ³⁴ Bara ani uplika plun pin daukisa kaka baha lika ai watlara piaia sa, bara baku lika man nani asla taki bauhma taim Dawan klalka briras kama. Diara wala nani dukia ra ai ulbram ba lika, yang bui man nani ra maikaikam na bara wapnika mangkam na.