¹ Guatshak JATEJA saki nina Juldañ agabatexaladaiamak zʉk akañguane sahaldaki sañkaldaki akldé akzekue Amuldeyutshi, nina Juldañtshi niuwizhishkuañ stiuwi mual zhekualdekueldi jiaga alduka. Ekiga na sañkalda akldé akzekue Kananeyukuetshija jiaga alduka. Guatshakna saki Isayelkue nina Juldañ zʉ k zeñ kasam agabatekldekue, aldukatshakna, atemajañ zhée kakzeshi na Isayelkuekaugakshazuñ kakzek . ² Guñgueni atshak baxañga na, JATEJA, eki Jusuék akbeya: "shatsukuakue muldetua jawaxaldeki mokue mutshuane isayelkue nauwa kabeñgua guwa". ³ Guñguake Jusué amak shatsukuakue izhgijauñgueniki Jateja akbenalguamak saldiñga Isayel zalda sigikueki kaxatsha. Guatshak aiki ezua gaxa aksha ze aldaldatoxa axezhogueñka na eki atsha. ⁴ Guatshak jeki zhinik na eki abuak nawa abeñgua: Saldiñga sigikue suldau negakuka guanekue Egiptuxa zhinik akzuxaitanekueki sʉk zaldiñga Aú nuk ashuizha guane nalguak. ⁵ Saldiñga sigi Egiptuxa zhinik akzʉxaitanauxa neki abuak nawa abeñguakuegaba nane, guñgueni agazuxaitiñgueniki zʉk zaldi kukanekue zunake nawa abeñguazhanekue. ⁶ Guñgueni Isayelkue zʉk zaldi aldé aldoshiñga 40 kagi zegatshake saldiñga sigikue suldáu negakuka guanekue. Egiptuxa zhinik nakldekueki nuk ashuizha guane, jinake naldaki. JATEK amak axajanashaki aldalguak shalda na.aldeñga kagi jañtshagatse, eñkaki alditsha, jatsía jiki jue naldazheñka, jika auxaga nahéñka kajuldukshaldixa axeltenalguama kakuane. ⁷ guñguakna jusuéja Ai zhawakue na, abuak nawa kabeñgua. akbiñgaki kagi kagaxexaldieñka aldé aldogatshake amak antshá guashi zegazha guane nalguak. ⁸ Eki abuak nawa kabeñgua kakuñguake saldiñga siguikue Ai ashenanalgueñ ishakasekuiñga jéñ se kakzek. ⁹ Guñgueni JATEJA eki jusuek akbeya: kaiga na egiptuxa nashi nogueñka zhekuaminane jiwaba nuk miñguxaldatshakna aiki ezua jagi kaktabak zabamak Au zabi nigu". Ai zhinik na exaki gilgal kalga yo axezhuka na nalda. ¹⁰ Guatshak isayelkue Gilgal, jeldikotshi guiyaxa ne zeñka azhenane aldogueñga na ai niwi yaldaxalda , saxa ezua , niwi 14 nek ,zegatshak jateja sañ kagixa shinik kakzuxeitshanane be izhgisekui gakue axa . ¹¹ Ai azaxaitsha meñga na abakualdikue pan izhkitshixa akjiukualdagalde xalda , ekiga na jika zulda jana agatse gakue , ayoxane ai kagikga aldekshane jiaga axa . ¹² Guatshake ai ldiwiañga, gakue jekaldali zaldaki au aktsinakza . Guñguake isaielkue ai gakue akldé galga nogakue kagatsaldaksa , guatshake egaba kanañgs gakue kagik shinik neklde za axalda nagua . JUSUÉ ezua sigi jalduxa aksui akldabine ¹³ Atiwiñ zalgueñ , JUSUÉ kuibuldiu JELDIKÓ tezhak izhogueñ , jeki stuatshake ezua sigi jaduxa aksui akte tu . Guake JUSUÉJA axaldaxeniki eki aklduka : ¿ meñki me shi malda ?¿ nazuñ na migatse eizhi nazuñ na migatsaldagalde? ¹⁴ Guake akiyo : " ni ezua ni ezua naldazhuge nzha . JATETSHI suldau ekuetshi sañkalda na naku" . Guake JUSUÉJA aklde akzamakga akzukuí axabeti izhgajie axatsha . Gueni eki akbeya ; " Guake naji sañkaladaja , saki shi aji nashi axazauñkak atshakue akbé " . ¹⁵ Guake jatetshi suldau axaldekaja eki akiyo : " Sapatu jana ne zhikldu guwa. jinake naldaki , tuai makldogeñki akzé naklda ." Guake JUSUÉJA axaldexamak na atsha .