¹ Guatshak kuibuldu Jeldiko julduneñki muldetua agayone za na noxa. Ekiki ni me akzuxaitazhaldiamak ni me juldunazhaldiamak. Guatshakgaba isayelkue zhée kakzukui na eki aldoxa. ² Gatshakna JATEJA eki Jusuék eki akbeya: " jeldikoki au mige guanugue, aji kaukshixa alde kama akuekue juizhiñga. ³ Gualdini ma, miji suldaukue juizhi ai kuibulduk niuwi neyauxa atshua ibatek noshuñga tezhuwa ldiuwi miyatshaldixa. ⁴ Guatshake kugua nas muldigaba nagaskaitshixakueki, nasga "maiñ na ishkualdiñga izhikugue naklda " guaka bauldi jana nek aksaja, ezua ezua aldahauxa kalneldutshi katshu na aldeyaldixa. gualdinik kuguak zegatshak zunake ai kalneldutshi katshu kaultshi, kuibuldu kugua juizha iyabatexaldixa. ⁵ Gualdini nas muldigaba nagaskaitshixakueja ai katshu kaultshate maldukaldiak zunake ubañga saldiñga kuibulduk kama akualdi juldañ kauldakue makbeyaldi. guatshake jakshizha kuibulduk ibekue nuk tinaldixa, gualdiake ubañ kaukshal mijuldunaldixa." ⁶ Guñguake Jusuéja jatek muldigaba agasketshixakue kajuizhakuñgueni eki kakbeya: "jateja maiñ na ishkualdiñga izhokuge naklda guaka bauldi jana ne jatetshiñga zhiksha xaldeki kalneldutshi katshu na neyaldixa izhgakugakue". ⁷ Guñgueniki saldiñga kuibuldukue eki niuwi kagé: "maiñki kuibuldu iyabategakue, guatshak, kaukshaldixakueki jateja " maiñ na ishkualdiñga izhokuge naklda" guaka bauldi jana ne aksaja aldeyaldixa. ⁸ Eki Jusuéja saldiñga kuibulduk kakbeñguake, ai kugua jatek muldigaba agaskaitshixakue, kalneldutshi katshu axaultshi, jateja "maiñ na ishkualdiñga izhokuge naklda" guaka bauldi jana ne jatetshiga aksaja aldeyalda. ⁹ guatshake sigikue kaukshixakueki jatek muldigaba axaultshi aldeyatshak, aksaja, guatshake jiak anuñkakueki jateja " maiñ ma izhkualdiñga izhikuge naklda " guaka bauldi jana nek axapa. ¹⁰ Ekigana JUSUÉJA kuibuldu eki kakbejiñga eki kakbeya : " zuñja mineyaldi , nesga na jiak mitsak kauldakue miñmeyaldikue , atshakna miñkauldaldixa " . ¹¹ Eki JUSUÉ atshijiñgana JATESHI bauldi jana ne kuibuldu xezhak ezua ldiuwañ . guñguenik ai sezuñ shikasekui aldeyatogueñka ajuldu aiga axabaxalda . ¹² Guñgueni JUSUÉKI muñzhak zhe meñga zhigate guñguake jate axazauñkakuejañki JATETSHI bauldi jana ne shikasha . ¹³ Kugua jate axazakuakakue bauldi uldeyatukakuejañgana jiak kugua tata kugua katshú kalneldu jatetshi bauldi jana ne kakzaja , na awaldeyatoshi tata agazajuishi guatshak suldau kaukshixakueki kaksaja na aldeyatoxa , jiak ezua tuañki aldiwañ jatetshi bauldi jana ne na aldagatoxa , guatshak tata zunake amakga azabeñshi na awaldagatoxa . ¹⁴ Ekiga mutiuwiñ zeguake kuibuldu xazhak se aldéñ aldiwañga zhikazekualdieñka se alde eki ajanashiji teshualdiuwi na zexa . ¹⁵ Guñguenik kuguak zunake niuwi nañka meñga ishkaldagueniki mokue ajanashiji aldagatonamakga kuibuldu iyabatek: Guatshak Ai niuwañ zunak kugua juizha iyabatek. ¹⁶ guñgueni kugua juizha iyabateshi züxa jatetshi muldigaba zuxaitshixakueja kalneldutshi katshu akbaja naldaki axaultshatogueñga, Jusuéja eki isasyelkuañ eki niuwi kage: " kaulwíñ, auñ jeñjie kuibuldu miñge na gú ". ¹⁷ Guatshak Ai kuibuldu Jeldikoki Jatek agueshiñga na, eni jika axalde, enbi jika zhekuaxa juizhi nuk akldañgashakue, naldaldixa jinake naldaki. Jatejañga eki guakue niuwi guene nak. Gatshake ezuañgaba Muñzhi abua nabesaxa, Aldahap za na ajuk mitsa zhekualdaldi ake za iyakualdaldixa. ¹⁸ Akbiñgaki aldeñ nawijikue exa zutual nenekue nalgue ajuk ajuk ketshuaksha, numañ katuwi guane nak. Guatshak jika naldaksañshakue na naldaldixakue guxa guabinaldi, eki miñgualdiake Ai be zhinik na miñzhekueñka migisalda ishkuldashi guaminegak. ¹⁹ Jika niuva, azhi jika kuamalde sezheklde nahauxañki nuk jateshi nek guane nakna, eñki jatetshi niuvagaba abegalde megakue. ²⁰ Guñguake amak saldiñga kuibuldu kalneldutshi katshu axaultshate aldukatshakna muldetua kama kakuhauxa axaulda. Eki axauldatshake jeldikotshi muldayaki nuk tinatshake, saldiñga isayelkue nuk eni kuibulduldi ajulduni nuk iyapana. ²¹ Guatshak saldiñga kuibuldu shizha mushtabañga nuk atiñgua. sigi, muñzhi,awawakue,duebajue, buekue,jubeju,buldukue juizhi. ²² Guenik Jusuéja mozhua sigi kagi tunanekuek eki akbeya: " muñzhi aqbua naba izhgisaxa tshuxa mineyaldi. Muñzhiki akzuxetshi ai zhinik saldiñga jikakue nañga, maiñ miatshaldixa akbeminamak miatshaldi." ²⁴ Guñguake amak nakuakue kagi tuñkakue ajuldeni aldahapki agazaxetsha. ajate, ajaba, akajakue saldiñga é sanakueki nuk na kakzuxaitshá, kakzuxaitshinik Isayel agajue zaldi nuk kauldeñ. ²³ Guñguenik kuibukduki nuk ayoxa jika axaldaldauxa nañga nuk ayoxa. guatshake ezuañgaba, nuba sana agatsekue za nuxa na jatetshi niubagaba abegaldi nuk abexa. ²⁵ Guake Jusuéja Aldahap abua nabaizhgisaxa naldek eki niuwi age, mijate tshuke saldiñga jika axaldahuxaki, izhogakuega kagatse guak. eki zhinikna é shitukuakueki keiga jiaga isayel asheñga nakldok jinake naldaki é muñzhijana jusuéja Jeldiku tuwal gaxanekue mexanane nak. ²⁶ Guñguenik jusuéja ubañga eki axa kakildashi eki kakbeya " jate nugueñ eki miñkaldeku mejañki jejie kuibuldu mokue gauwaka akldexaldiak guiyaba tuwi izhogakue agatsaldadixa, soma kasak zaldaki kukaldiake kuama zeñ me sha nogakue agatsaldadixa aldiwañne zunake jugatezhak me, shuigakue agatsaldadixa. ²⁷ JATEKI Jusuéna izhogueñ zhinikna kagik jiaga jate me ne kakwashek guanane.