¹ Saldiñga kaguba nina juldañ agabatega togueñ, Jateja Jusúek eki akbeyá; ² "Ugua mozhua sigi kuibulduk aguxa guwa, ezua sigi ldaxc nahauxa. ³ Makualdinik jalde atshakve kabakbeyaldi: igua mozhua nina juldañ aguxa, zük zeñ Jate muldigaba agasketshixakue akldogeñ, naldiniki mixabaxaldienka miuldeyaldi. ⁴ Guenik Jusúeja ugua mozhua sigi Isayel zaldakue ldaxe nahuaxa aguxanekue nalde saldi kexualda, ezua sigi ldaxa nahauxa. ⁵ Guanik Jusúeja eki kakboyá: maiñ misha jateja maiñ na ishkualdiñga izhukuge naklda quaka bauldi janagatse mimijatetshik aksajañga agasketsiwi. ezua idaxe minahauxa mimiji gukubak jagi zhikldashi eki agasketsiwiñ. Isayel zaldakue ezuak idaye zhikldoshi minijshigamak. ⁶ Jalde atshaminaldixana ezua jantshizhe ajanashate atuguakamak ajanashare atuwi aldaldaldixa, eki atshaminaldixana atiuwiñ zaldíeñ mimiji sukuaja eki miñnukaldixa: "¿Ji guashi shi jejie jagikuc mankiguak mildaka na?". ⁷ Miñnukaldiak eki mikiyokualdixa: nina Juldáñ muañ miakbcxaldixa zhikbananane. Jateja maiñana ishkualdiñga izhukuge nakilda bauldi janagetse awaldeyakogueñ eki zekldane nina Juldáñ eki zegatshakna, niña Joldañki muañ muañ hikbenane. Eki zhinikna jejie jagikuchi Isayel zaldakue jate jika akiyayushi za aldogueñ nak za. ⁸ Guñguake JUSUÉJA kuibuldu isayelkue kakbenalguamakna ai sigikueja guake amak kazabouzhua jagi juldañ mitakuañ akuxa , JATEJA JUSUÉ atshakue akbenalguamak atsha . Guake amak kuibuldu isayel zaldakue ldaxe zhikldogamakna asheñgua . ⁹ Guenik JUSUÉJA kazabouzhua jagi juldañ mitakuañ na zheñgua , JATETSHI muldigaba agasketshixakueja , " MAIÑ NA IZHKUALDIÑGA IZHOKUGE NAKLDA " guaka bauldi jana agatse na kaksha neyatukakuetshi kasakna asheñgua , jejieki jate jika akiayogeñ noshiñga kega yo teñga nakldok. ¹⁰ Jate muldigaba agasketshixajañki bauldi janagatse kakte na juldañ mitakuañ saldi axate , JATEJA JUSUÉ kuibuldukue akbeyakue akbenauxa nuk atsha . Saki MUESEJA JUSUÉK atshakue abenalguamakna nuk atsha guatshakga aklde mija na agasaxetapaná , akbiñgaki agabateshi kaksaldiñka naldak . ¹¹ Eki ze.ldi kagubakue akbategatshake JATETSHI BAULDI janagatse jate muldigaba agaskaitshixakue kuibuldu tezhakna . ¹² Aldubeñ ldaxe , gad ldaxe , manasé ldaxe muañki suldaukue zunake kuibulu isayelga agasketá akbenalguamak na ajanashá . ¹³ guatshake 40.000 kaguba naldashi na se aldeyapana , naldekuena JATEK akualdi JELDIKÓKUE guiyaxak axaukshal na aldeya . ¹⁴ Atshak ldiwiañgana JATEJA JUSUÉ isayelkueja tuetogueñga , aklde kama age na gua . Niwi neyoxa saki muesek axabetsi iyazhonamakgana axabetapana na akua . ¹⁵ Guenik Jateja Josué axasguak: ¹⁶ “Jate muldigaba axasketshixakue Jateja maiñ na ishkualdiñga izhukugue naklda guaka Bauldi janagatse awaldiatukakuek Juldañ zhinik agazaxeta shi gui” ¹⁷ Guñguake, Jusúeja Jate muldigaba agasketshixakuek eki kaxaldeki" Juldañ zhinik akzuxeta guwiñ ¹⁸ Guakna Jate muldigaba agasketshixakue Jateja maiñ na ishkualdiñga izhukuge naklda guaka Bauldi janagatse awaldeyatoxekue amak Juldañ mitakuañ zhinik ayazaxtá" guatshak kagik zɄk zeñ azatana. Guatshake nina Juldán mokue izhgayoxalda axañga makeiwa ldiuwixa zanamak mokue zexalda. ¹⁹ Kasakne saxa agua idiuwi zegatshak nuk kaguba agazaxeti alde, aldeji Gingalxa alde, eñki jeldikótshi gaulkaxa mual stuwi na noxa. ²⁰ Uguamoshua jagi Juldañ mitakuañ zhinik axakuxané nalde, Jusueja gilgalka nuk ulde. ²¹ Guenik kuibuldo Isayel zaldakuek eki kakbeya: “mimitukuakueja kawijatek eki agaldukaka: ¿Jejie, jagikue ji guashi naldaka shi na?" ²² Gualdiak mimiji sukuak ekí miakbeyaldixa: “Jainan Isayelkue nina juldañ zɄk zekldenalgueñ agabategatoneñ nakza” ²³ Jate mimiji sañkaldaja nina Juldañ akañguanane enki miji eki atshaname; ma jiaga magasketaldiamak, nibuni tsushik akbategakualdiamak akangu atshanamakbeñga ²⁴ Ekiki, Jate mitsa kama axalde kagajienaldiamak, maiñ jiaga aklde akzamakga akzukui za mizhekualdaldiamak"