¹ Profetanü pekopena yajuwunuba nueponarena Eliseo jawaberena jumaitsi tomona rabaja itapa baja rá ponü bitso Dioso ypata amoneyabiwibeje baja najaetarubena peka ponae nejatsibeje petona kuenebineja moneyakuenia. ² Nejjata Eliseo jumaitsi baja rá po wajawabelia de nejatá itsinü tsane, dejua nejjata jainame nijabota nijajibitowa jaina kae aceite buyo. ³ Eliseo jumaitsi baja rá powa jawabelia natatsiya liamure nakowaeremelia ponemujunenia enaewijababelia aceite wumarabuanü pabubeje jaina pijaboto. ⁴ Nejjata bo arü jonemeya nejuntobeje yajawa ynayobaupajatare nejata kaebükonakujitsia wanutaponaename saikaya nütta ponaename newunétsibü. ⁵ Nejjata baja rá powa burujoneya pejünattobeje bóunualianayabaupa jatata pewanubineja aceie buanü. ⁶ Nejjata baja dajjita bujii wunuba pejunto jumaitsitsi ajibi baja pesabuanú nejjata pepitsapae jawami ajibi bajo tsipaji dajjita baja wunüba. ⁷ Nejjata baja rá powa pitsaporena jumaitsi Eliseo jawabelia wunubajubaja dajjita: "Nejjata Eliseo Jumaitsi kanajere y matamore neamoneyabiwi y juakato nakopatsiana barü jaeponaponaename nejjunto beje. ⁸ Nejjata Eliseo pona Sunem jawabelia baja rá jotalia ponapona pettiriwa bitso peyaputaewa dajjita kuene baja rá powa junatatsi Eliseo penajjoeneja nejjata Eliseo jejay. ⁹ Nejjata baja rá powa jumaitsi pamona jawabelia maponü juaya najetanukabiaba Dioso pejajiwi tonü. ¹⁰ Nejjata pakujinae najetarukaena tokopatsianatsi beje kae tajjunaeyo pemajitsineja kae kamayo kaemesayo kae lámpara buyo. ¹¹ Pakujjinae Eliseo najaetaruka ekatsia junatatsi baja pena ponaponaenejja. ¹² Eliseo jumaitsi pijajiwitonü jawabelia Giezi nejjata Giezi jejay junata. Sunamita nejjata bara powa rena baja ráponü jawaberena pitabarato nukajunua. ¹³ Eliiseo jumaitsi Giezi jawabelia: "Jamu jumaitsimure baja rá powajawabelia. Jamú natsi jainame liwaisi pataneewetsi jaemubeje. Denejeta pajumaitsinu beje tsane keynu jawabelia o wajabitsaü tujanenü baja rá powa jumaitsi taja jiwita ponaponajü ¹⁴ Eliseo nejjata jumaiatsi jawabelia dejua yawenonaenatsi beje Giezi nejjata jumaitsi: "Baja rá powa pexi apojainae y pomona baja peruju nuyo baja. ¹⁵ Eliseo jumaitsi Giezi jawabelia netto junare baja rá powa nejjata baja rá powa rena baupatá n´juka. ¹⁶ Eliseo jumaitsi baja rá powa jawabelia janü kayawenonaenatsi jamü nakojjiitsianame mapawaitaje. Jamu Dioso pija jiwitonümü pütsa najume tseentame. jay baja rá .powa ¹⁷ Baja rá juakujianae nakojjita nejjata itajata pebinuyo pakuenia jumaitsi Eliseo baja rá powa jawabelia. ¹⁸ Tsiquirinüyo baja witsabá ayainuyo baja pajja püyanta penaküenebinü. ¹⁹ Nejjata tsiquirinuyo jumaitsi papa amatatanenü jaii nejjata perujunü jumaitsi neto punajjualiamure pena jawabeia ²⁰ Itsa baja kapaliatsi pijaboyabelia pena itsa pitatsi baja rá pakaniwiyo baja tupá tsiquirimuyo. ²¹ Nejjata nantapuna pebuatsineja petüpaenuyo pakamata Eliseo majjitabiaba nejjata pitsaparena y yabaupa jatatta buata. ²² Baja rá powa lia pamona jawabelia jumaitsi neto itorobare nijajiwitonu. Buroyo tá taneto junatsi nejja Eliseo y najatsiyo nawia tabijitsarena. ²³ Pamona nejjata jumaitsi: "¿Detsa jjüa jitsia ponae jitsiamü baja rá ponü tawabelia? Abajjü ra pejana juameto apo ekaetsika apo sábado ata. Baja rá powa jumaitsi. Jamatejemamure apo itsakujenunu ra tsane. ²⁴ Baja rá powa burro juma küba silla nejjata piaja pianinüta jumaitsi. Bitsijinaeya ya najaetarukaenatsi beje pütso be ajjayo ya najaetarukatsibeje jjanu yabara motapania itsa jjanü kajjumaitsi isanetsi. ²⁵ Nejjata baja ra´powa Dioso piaija jiwitonü Monte Carmelo jawabelia. Itsa Dioso piaja jiwitonu tane baja rá powa tajü jawawerena peyo najaetarukaejawa piaja pianinu jawabelia jumaitsi. ²⁶ Taema naja etaruka Sunamitawa. Pejjania kuene neejjanare liamure baja rá powa jawabelia: Jumaitsimüre baja rá powa. "¿Dajjita tsaja pa jamatejemamü nejjunatonuyo amona ata?" Baja rá powa jume kanawiata, "Dajjitayo pa jamatejenamu." ²⁷ Pakujinae baja rá powa pata Dioso piaja jiwitonu jawabelia. Baja rá powa nuka pemato boka büta.Giezi kujitabarena baja rá powa petijitsinejja itsiata Eliseo jumaitsi: "Pütsa baja rá pakuenia itsimü, tsipaji bitso jamatabü kuene butai, waja tujjanenü jjanu ata apo netsibaebi jjua yabara jamatabü kuene bujai . ²⁸ Nejjata baja rá powa jumaitsi: "¿taja tujanenü jjanü tsaja kawajütatsi penakueto tajjainae nejja?" jjanü jume kajaitsi. ²⁹ Nejjata Eliseo jumaitsi Giezi jawabelia: "Najjatare neponaenejja kaponaename tajanaebo yajawa. Mapowaje piaja boyabelia ponaename. Itsa jiwi namajjünaename pütsa bajakobame, itsa kabajakoba jiwi pütsa jume kanawiatame. Itsa patsiaremelia taja naebo tsi itabara buatsianame pejewajjinü. ³⁰ Pejewajjinü pena jumaitsi: "Pakuenia petujjanenü ponapona, jjamü ata ponponame, jjanu ata apo kayatu kopatsi tsanetsi." Eliso bja nejjata napona baja rá powa pepüta. ³¹ Giezi pewajünae baja rá pajiwibeje namata jainatabalia, itso bajo palia pejewajjinuyo tsi-itabara büata naebo, baja rá pakuenia itsi ata pejewajinüyo apo naliwaisitsi, apo jume tae ata nejjata Giezi nawiarena pe kajjitajorabinejja Eliseo, pe tsipaebi nejja pejewajjinü apo penaukotsi jawa. ³² Pakujjinae Eliseo palia bayabelia, pejewajjinuyo abajü bakeka petupae nuyo kamata. ³³ Eliseo joneya bayalia baja rá jjüa kujinae baüpa jjatata pewajjutsi nejja Dioso jawabelia. ³⁴ Eliseo pejewajjinü pemipabü jawawereka, boka, nakuibo rajutsiaya boka, itajjüto naükotsiaya boka, kobe waetabiaya boka pejewajjinu jawabelia, matapania baja rá pakuenia pejewajjinu aperabü tajü reka. ³⁵ Baja rá jjua kujinae Eliseo wekua nanatapuna kuarto jawata nuka najanajoeba, jjua kujinae ikatsia Eliseo tsimipabü boka pejewajjinü narowitsiaya, peje wajjinü büjjü büjjü jai tsajjabi siete (7) jjuabeje, baja rá jjüa kujinae naukota baja. ³⁶ Eliseo junata Geizi pejumaitsinejja mapakueniaje: "junare Sumanitawa." jejai Giezi junatabalia, itsa parena baja rá pa kuarto jawaberena, Eliseo baja rá jane ma nejjünato nuyoje, jai. ³⁷ Nejjata baja rá powa nuka pematabaka büta nuka irabelia baja rá jjüa kujinae barupona baja pejjünato nüyo. ³⁸ Baja rá jjua kujinae Eliseo baja nawiarena ikatsia Gilgal jawaberena. Pakujinae janibo baja rá panakuata baja rá panakuata Eliseo yajawa ponapona profetawi pejji. Eliseo jumaitsi: Giezi: jawabelia: Wajji pire pejjaejawa ne setsi nejjja pejjae nejja profetawi. ³⁹ Profetawi yajüwününü naropotaba pemata jürüabai jawajji nejja penotsinü. wayafuabelia. Bajarabelia kajitajaraba. ⁴⁰ Nejjata baja kajuka pejjae nejja baja rá pamonae Bejjuayo kujinae, pejjae yenae jawata, baja rá pamonae wawajay jumaitsi mapakakueniaje: "Dioso piajiwi putsa pajjaneme baja rá pa wajji piajawa pane wüna tüpae yaniwa" nejjata baja apo jjae. ⁴¹ Itsiatao Eliseo jumaitsi: "Paneto kaponaremena harina benoyo" Baja rá ponü otjonalia pesetsi wajji jawalia, nejjata jumaitsi: Kajukare pejae nejja baja rá pamonae tsipaji baja jjanepana pejjae nejja. ⁴² Jiwitonü najaetaruka Baal salisa jawawerena Dioso piaja jiwi jawaberena kanajaetaruka veinte pa cebada pan bübeje, copiaya piji penotsijawa,yajawa kapona pejana notsi trigo rujji baja rá ponü jumatisi. "Rajure baja rá pamonae pejjae nejja." ⁴³ Piaja pianinü jumaitsi: "Detsa pakuenia to tsanenajjü pa ciien (100) ponü bejeje? Eliseo jujmaitsi: "Rajure peaje nejja baja rá pamonae. Tsipaje ra jumaiatsi waja tujjanenü jjae ata tsane baja rá pamonae yayüwünü jai baitsi kajena waja tujjanenü. ⁴⁴ Nejjata baja Giezi to tsana bajara pamonae, baja rá pamonae baja jjane, jjae, ata yajawünü nakopata baja rá pa pejjaejawa pakuenia jumaitsi petujjanenü.