¹ Baja rá poepatota, dieciovho (18) pawaibeje jawata Josafat, Judá naewa ewetsinü, Joram pejjünato Acab, tajjüjjüaba peyanakua ewetsijawa Israelitawi Samaparia nakua ewetsinü yanakua eweta doce (12) pawaibeje. ² Baja rá ponü pibisiakuene ejjana petujjanenü pitabarata, baitsi apo kuene jipae pikani pajja pena; tsipaji baja rá ponü tijjita bepiaja tujjanenü Baal pajja pena kuenebinü. ³ Baitsijane, baja rá ponü bitso ejjana pibisiakuene be Roboam, pejjinato Nabal, pajiwi Israelitawi pibisiakuene ejjanae ejjana: Baja rá ponü apo natajayotsi baja rá pamonae wekua. ⁴ Baja rá pae patota, mesa, Moab nakua ewetsinü pejjainaenü bitso oveja baja rá ponü perajutsinejja tsirukatsi Israel peyanakua ewetsinü cien mil (100.000) pa ovejas beje yajawa pena putatonü cien mil (100.000) pa ovejas nübeje kuenia. ⁵ Baitsi baja Acab itsatüpa, Moab nakua peewetsinü bara anaepana Israel nakua peewetsinü. ⁶ Nejjata, nakua ewetsinü Joram pitsapa Samaria nakua wekua baja rá pamata kabita peka ponaenejja Israelitawi penawabitsaitsi nejja. ⁷ Baja rá ponü tonajume itoraba Josafat, jawabelia Judá nakua ewetsinü jumaitsi: "Moab nakua ewetsinü nebaraanaeta jjanüjawaberena." "¿Jjamü neyanatsianame tabari nabejawata Moabitawi?" Josafat jumaitisi ponaenajjü jjanü rabaja bejjamünü, tajajiwi be nija jiwi tajo caballo benija caballo." ⁸ Nejjata ponaponü jumaitsi: "¿Detsa ponamutua tsimajji ponaenatsi wajjaetsi?" Josafat jumaitsi: "Baitsi panamuto nakua tusato jawalia ruka Edom jawabelia. ⁹ Nejjata nakua ewetsiwi Israel, Judá, Edom ponabaja natoyoro napuataponaeya siete (7) pamata kabibeje kuenia apo namatajjinae mera perajjutsineja piajo jiwi wajabitsai, baja rá pakuenia perajutsinejja piaja caballos itsa dajubi ato. ¹⁰ Nejjata Israel nakua ewetsinü jumaitsi: "¿Detsa Itsinü?" "¿Junatatsi tsaja petujjanenü akueyabi ponübeje nakua ewetsiwi pekobeyabelia perajutsinejjatsi Moabitawi. ¹¹ Baitsi Josafat jumaitsi: "¿ajibiraeto jota petujanenü piaja profetanü, waja yanijjobinejja petujjanenü peliwaisi baja rá ponüta?" Itsanü yajawününü Israel nakua ewetsinü jumaitsi: Eliseo pejjünato Safat ponapona jotaje baja rá ponü peyawenonabiabinü mera tokaponabioba Elías. ¹² Josafat jumaitsi: "Baja rá ponü rabaja yapütane petujjanenü peliwaisi." Nejjata nakuanewetsiwi Israel, Josafat, Edom nakua ewetsinü pona baja rá ponü jawabereka. ¹³ Eliseo jumaitsi Israel nakua ewetsinü jawabelia: "¿Detsa pitsijawa takato ejjanaejawa jitsipame?" Taema ponare ajja, Ena piaja profetawi jawabelia. "Nejjato Israel nakua ewetsinü jumaitsi baja rá ponü jawabelia: Jume kajena petujjanenü itorobatsi paakueyabi ponü beje nakua ewetsiwi pekobeyaberena tokopatsi. ¹⁴ Eliseo jumepita "Pakuenia wajabütsaü tujjanenü ponapona, pita barata nukajü jjaniajani itsa apoyaiyataenü tsipae penajetarukaejjae Josafat, Judá nakua ewetsinü jjamü apo kayawenonaetsi paetsi, apo kanaikotsi ata tsipaetsi. ¹⁵ Baja rá baitsijane neto karenamire penajjüanaenü "Isabaja maitjiba arpa winijawa, jayatatsi rajanebaja petujjanenü pekobeta Eliseo. ¹⁶ Baja rá ponü jumaitsi: "Petujjanenü rabaja jumaitsi mera mütjianü baja pakueyejebare panakuatutsatotaje. ¹⁷ Nejjata petujjanenü jumaitsi majjuaje: "Pajamü apo potaemü tsane jowibo, ema ata, Itsiato ponakuatutsatoje winikaena mera, pajjamü papaenaeme, pajjamü panija vaca, dajjita dajubü ata. ¹⁸ Baja rá jjuajji raja petujjanenü nejja toyapüjjanepanatsi, baja rá ponü ata pakarajutsiana panekuene amoneyabü nejja Moabitawi. ¹⁹ Pajjamü pabarinabename penayakaranabi tomara jjanetonü pejjania tomara jjanetonü, pejjania naejawanü ata pauku babename pa akabianame mera mütjianü ata pabijianame, ira mujju pajji ata. ²⁰ Baja rá pakuenia imojoyota baja perajjutsinejja ofrenda penabejawanejja, nejetaruka mera Edoom kana kujitsiatsia, ira jawabaja mera winika. ²¹ Paepatota, jumetayabo tajji Moabitawi itsanakua peewetsiwi najetarubena pebarinabenejjatsi, baja rá pamonae dajjita nakaetuata dajjita pamonaekuene kajipatsi penajjatabinejja pedaó jai jawanü, baja rá pomonae nubena piaja ira jota itsa tokopiarukatsi. ²² Baja rá pamonae namatakoba bajaya kuma pemajitanubenoewi ikotia kotia waetoba merata itsa tane Moabitawi mera pewajinae werena baja rá pamonae tane bitso petsobiajawa be pejana. ²³ Baja rá pamonae najunawiaka: ¡Pejana baitsi! ¡Nakua ewetsinüanü metjbaja beyebatsi, itsa jame metabaja nabia! ¡Nejjata aekonojjae, Moabitawi dajjita pekobekowü wájawatsane. ²⁴ Itsa baja rá pamonae ponarena penubenae ira berena israelitawi, israelitamonae tsiyajemata baja rá jota barinabia moabitawi, nikipeka pekobe jjae israelitawi piaja wabitsaü kapona piaja ira jawabelia beyejeba. ²⁵ Israelitawi tobijiana piaja tomaranü, pejjanepanae ira jjumapaji, kaepebi kanakujitisa peneta ibotonü winita üibopananü pejjania iranümí, baja rá pamonae tajji mera mütjüanü tsewiata nikatejebanua pejjania naejawanü, kaetomara kir Hareset kopabejaba ibopananü pebobenae kuenia jane baitsi wajabitsaü. Sebu sebuta pekanamujjunitsiwi beyajeba dajjita to bijiano. ²⁶ Itsa baja nakuo ewetsinü mesa Moaba nakua ewetsinü itsa tane pekuene amoneya bijawatsi, baja rá panü junata setecientos (700) ponübe pekaponaewi espada pejuetsinejja pikani namuto nakua ewetsinü Edom jawabelia itsiata baitsi jone apo kuene kajipaetsi. ²⁷ Nejjata baja rá ponü waetobi ejjana pejjinato matapijinü, pikani pajja piaja tajjunaeta peekaeninejja, be ofrenda kuenia tajuita tomara peyakarünatsi jawatatsia. Nejjata baja rá jota anaepana israelitawi; israelitawi piaja wajabitsaü jjuabanutatsi nakua ewetsinü Mesa nawiaba baja piaja irabelia.