¹ Majjuaje naetajuta jjüa wajatujjanenü kajunaejitsia Elías katuata ita bojjo jawabetsia, Elías, Eliseo beje wekua pitsapa beje Gilgal tomara. ² Elías jumeitsi Eliseo jawabelia: "Nakopare jota, pejjania kuenia itsiata kawajutatsi, tsipaji raja waja tujjanenü nitoroba Betel jawabelia." Eliseo jumeitsi: "Pakuenia waja tujjanenü ponapona, pakuenia jjamü ata ponaponamü, jjanü apo kakopatsitsanetsi." Baja rá pakuenia pona bejé Betel jawabelia. ³ Pejji Dioso jume liwaisi paebiwi pamonae ikani jinawanopa Betel tomara jawata poneka Eliseo jawabelia jumeitsi aradonü: ¿Yapütanemü baja ajena peka wekua kaponaenejja nijatujjanenü? "Eliseo jumeitsi" yaputanejü, itsiata arajjüa yabara apo kueikueijanü." ⁴ Elías jumeitsi araponü jawalía: "Eliseo ewere jota, pejjania kuenia kawajutatsi, tsipáji raja wajá tujjanenü ne itoroba Jericó tomara belia." Jjukujinae Eliseo jumeitsi: "Depa kuenia wajatujjanenü ponapona, jjamü depa kuenia ponaponanü, jjanü apo kakopatsitsanetsi." Baja rá pakuenia pamonae poneka Jericó tomara belia. ⁵ Nejjata pijji Dioso pejumeliwaisi peubiwi pamonae poneka Jericó tomara belia, parena Eliseo jawaberena jumeitsitsi ara ponü jawalia: "¿Yapütamenü baja ajena waja tujjanenü peka wekua kaponaenejja nija tujjanenü? kueikueijanü." Eliseo jumeitsi: "Yaputanejü, itsiata arajjüa yabara apo ⁶ Jjukujinae Eliseo aaponü jawalia jumeitsi: "waja tujjanenü ponapona, jjamü ponaponamü, jjanü apo kakopatsitsanetsi." Baja rá pakuenia dajjitanü beje nasaüta beje. ⁷ Bejjüa kujinae, cincuenta (50) pejji jiwi beje Dioso pejume liwaisi paebiwi yajuno nubena otjopa tajüyo pita barata baja rá pamonae, piaja mujjenene pijinia najuanü beje nuka jopa beje Jordán jawata. ⁸ Elías pita pija penamata akatsijawa, baja rá jjüata rajuta mera. Mene baja jjukujinae dajjita nakua jawa yakopia pata mera, natupa tsata, baja rá jjuata ponü beje nikaba beje mene pe ira tsewijawa. ⁹ Baja rá jjüa naya pütane, pe nikabi kujinaebeje mene araponübeje, jjüa Elías jumeitsi Eliseo jawalia: "Neya nijobare de itsinü tsane jjamü yabara, peka wekua pitsi wajjünaeya." Eliseo jume kanabieta: "pejjania kuenia kawajütatsi najua kuenia beje niaja Espíritu pepatsi jawa jjanü jawa berena." ¹⁰ Elias jume pita: "jjanü bitso wajukame pe ayapübeje kuene jawa, itsiata, ne taename pakujinae jjanü ne waitabiana jjamü wekua, baja rá jjamü ata kaetsane, itsa jume ajibi tsane." ¹¹ Pekueikueijai tsanu benaponae jawata, jemata tsita nae itajutatsi carro isotomo, caballo isotonü anü, baja rá pakuenia najua pebi beje nawekua tsata tsibeje. Elías baja rá pakuenia juna atjübüabitsia katuata. ¹² Eliseo tane, wawajai: "¡tajja, tajja, Israel piaja carro anü, piajivi caballota dona!" mata wüjüa baja ara ponü apotae Elías; pijama pana pita jjukujinae titina najua pana beje kuenia. ¹³ Araponü pita pemata akatsi pana Elías, pe wekua jopae jawatatsi, pena nawietsi jawata Jordán mene itapa jawata nukajopa. ¹⁴ Ara ponü mene kuanita jjuaba Elías pija pewekua jopae panatatsi, jumeitsi: "¿Ikaa waja tujjanenü, Elías piaja Dioso?" pakujinae mene kuanita jjüaba, baja rá pa mene na tsana dajjita nakuaya, baja rá pa kuenia Eliseo nikaba mene. ¹⁵ Jjua pejjí Dioso jume liwaisi paebiwi nubena, Jericó jawata, taenuta itsa panabelia, jumeitsi: "Piaja Espíritu Elías, juya tsijunuatsi Eliseo. Baja rá pakuenia kajjitjarabatsi araponü, jjukujinae pita bara yaareka araponü pemata bakabüta nubena. ¹⁶ Baja rá pamonae jumeitsitsi ara ponü: "Taema, ma jotaje cincuenta (50) pa pebibeje pe akuenebejebi, niajivi tutujota. kopare jema ponae, paka wajutatsi, pa jaire pa niajanü, itsa pitatsi piaja Espíritu waja tujjanenü itsa jume meta jjuabanutatsi unuta itsajume meta jjuabanutatsi itsa tusatuabelia. Eliseo jumeitsi: "Jume, pa itorobi jitsipame." ¹⁷ Itsiata baja rá pamonae a jumesaü, Eliseo na uraba, jumeitsi: "itorobare." Jjukujinae cincuenta (50) pa pebibeje, yapüjaitsi ejjanatsi akueyabi pa mata kabibeje, itsiata apo kajjitajarabi. ¹⁸ Baja rá pamonae nabiaba Eliseo jawalia, penukae jawata Jericó tomarata, ara ponü baja rá pamonae jawalia jumeitsi: "¿apo paka jumeitsitsi." pütsa paponame? ¹⁹ Toma rá piaja pebi jiwi, Eliseo jumeitsi: "Taema, pakatsitaüjütatsi ma jjuaje, pejjania jawata bitso tomara Eeka, baja rá pakuenia waja tujjanenü nae kota, mera kaijawa abeje ira apo rajutsi waja ubinejja. ²⁰ Eliseo jumeitsi: "Paneto kaponaremena pejana wajji yajo pa otjonare baja rá pa unüta." Baja rá pakuenia ara pamonae to kapatatsi. ²¹ Eliseo nejjata pona pejjania itaranae mera jawa reka jjukujinae tsita itsi yajo, nejjata ara ponü jumetsi: "Waja tujjanenü raja jumeitsi: "Jjanü raja mapa mera jjanepanaya ejjanajü. Ma baja jjukujinae tsaneje, baja apo tüpae tsane pane ubijawa, ira baja paka rajutsiana pane ubijawa. ²² Nejjata pa matakabitaje mera nü jjanepana, Eliseo pakuenia jumaitsi. ²³ Jjukujinae baja Eliseo junaponaya Betel tomara jawabetsia, namuto jawa tomara piaja pejanawi bitsaüto, kapokaponatsi, aibatsi, araponü, baja rá pamonae jumeitsitsi ara ponü. "Taima, junare, jjamü pe amatama jiwinü!" Junare jjamü pe amatama jibinü!" ²⁴ Eliseo napü naekota nejjata tane: Baja rá ponü wajatujjanenü pewünüta pebisia jume jumeitsi. Jjukujinae najua pesorowato tsonübeje pitsapa beje unujawa wetsina yajuno sinetsi cuarenta y dos (42) ponü beje. ²⁵ Jjukujinae Eliseo baja rá jota kujinae pona Carmelo unuabelia, baja rá jota kujinae nabiata Samaria jawabelia.