¹ Naamán, ra kajena wajabitsaü matabokotonü peyanakua ewetsinütsi Aram, bitso kajena peyaiyataenütsi, piajatu jjanenü pitabarata baja rá ponü peja matabükueneto, Diosonü kuene kaüjüpaeejjanatsi pekueyawi piamoneya binejja Aram. Baja rá kajena peakuenesaünü pitatsakanünüa baitsijane petsabanaenü. ² Arameoswi tsimajjüpona kaebitsaüto kanakujjitsia natsanaya, baja rá pamonae nejjata waetaba kaewa pejanawa Israel nakua pijiwa. Bajarapowa nejjata piaja pianiwa Naamán pijawa. ³ Pejanowa nejjata jumaitsi piajatujjanewa jawabelia. "¡Jjanü jitsipaejitsipajü taja tujanenü penükaejawa profeta jawata Samaria jawata peponaponaenü!" Nejjaata baja rá ponü jumeyabijitsipatsi tajatujjanenü petsabonaejami." ⁴ Nejjata, Naamán joneya peyanakua ewetsinutsi jawalia petsipaebinejja jjüa tsipaebatsi Israel nakua pijiwa. ⁵ Nejjaata Aram nakua pewetsinü jumaitsi: "Kaewe baja kajena ponare, jjanünejjata to itorobianajü tato yaquinaebajjüto Israel nakua pewetsinu." Naamán nejjata pona, yajawa kapona diez (10) jjuabeje palata, seis mil (6.000) jjuabeje oro pijinia diez (10) jjuabeje penajjatatsijawa . ⁶ Baja rá ponü to kapona peyaquinaebajjüto Israel nakua pewetsini ma jujmaitsije: "Itsa jjamüjabelia ma payaquinaebajjuto kato kaponaelia jjamüjawabelia, jjmü rabaja taename Naamán taitorobijawalia Naamán tajajiwitonü, jjamüjawabelia, nejumeyabinejja peperabü tsabanaejawa. ⁷ Pakujinae janebaja leba peyanakua ewetsinü Israel peto yaquinaebajjütotsi, penajjatatsijawa titinajjuaba, jumaitsi: "¿Jjunü tsaja Diosonünü, tabeya jjüabinajja, ta asaüya ejjanaenejja , maaponü jitsipaje tatojumeyabijawa peperabü ttsbanaejawa? mabaitsi ponüje tajjüjjüabaje patanaítayajawabejeje." ⁸ Pakujinae Eliseo jumetane, Dioso piaja jiwitonü Israel nakua pewetsinü pena jumajjatatsijawa pe ti tinojjuabijawa, nejjata najume itorobalia ma jumaitsi pakueniaje: "Dejjuajitsia nenajjata tsijawa titikame Jema baja rena jjanüjaberena wekae, nejjata baja rá ponü yapütaena profetanü pe pona ponaejawa Israel nakuata. ⁹ Nejjata Naamán rena piaja caballonüta piaja carronü yajawa, nejjata nücojopa Eliseo piajabo baüpata. ¹⁰ Eliseo kaenü itorobalia pejumeliwaisi kaponaenutsi pejumaitsinejja mapakueniaje: Liamüre najabütsianame Jordán meneta siete (7) jjüabeje, nejjata rabaja perabü namata jüpaename, anekonijibimübaja tsane. ¹¹ Baitsijane Naamán anaepana nejjaata baja pona jumaitsinua: "Taem, jjanü jamataabü jumaitsinü mapakueniaje jjanü jawaberena meta patsiana jamatabü janü, taita barata nükaena, nejjata piaja Diosonü wünüjonaena, pekobeta nejjata neperabü ikikaena ta tsabanaejawa. ¹² ¿Apo Abaná, Farfar ata, Damasco piaja menianü, pejjania nene dajjita menianü matatojjenetsia Israel menianü? ¿Nejjata itsa nawaejitsipajü baja rá pa menetabeje apo jümenü tsipae? Nejjata anaepana, pona baja ya anaeya. ¹³ Baja rá jjüakujinae piajiwi Naamán imojjorenatsi nejjata barükuikuijai baja rá ponü." Ajja ika itsa profetanü kaitiribijipa piaya pübejekuene nejjanaenejja, ¿Apo itsimü tsipae peka itorobikuenia? ¿Biji kaitoroba peypüjjane panaekuene kajumaitsi: Najabure jumemü bajatsame?" ¹⁴ Nejjata baja rá ponü runareka meniareka najabüta siete (7) jjuabeje Jordán meneta, jumekowünütsiaya Dioso piajiwitonü pitorobikueniatsi. Nejjata baja rá jota perabü namatajüpareka ikatsia,penkueto perabü jüpataba, baja rá ´ponübaja jume. ¹⁵ Naamán nejjata nawialia Dioso piajiwitonü jabelia, baja rá ponü dajjita pebarü ponapaewi yajawa pakujinae palía pitabarata nüka baja rá ponü. "Baja rá ponü jumaitsi: "Baja rá jané yapütaniji Dioso apo ponaponae dajjita iranakuajawa, Israel jawata rajane ponapona Dioso. Nejjata pejjaniakuene nejjanare, aja takobekowüjawa karajutatsi niajitonü jjaenü." ¹⁶ Baitsi jane Eliseo jume pita. "Ponapona ra Diosonü, baja rá ponü maje pitabarata nukajüje. Jjanü apopitsinü tsane itsakuenejawa atja. "Naamán pikani jitsipa perajutanükaejawa pekobekowü pitsijawatsi Eliseo. Itsiata baitsijame baja rá ponü jume jai. ¹⁷ Nejjata Naamán jumaitsi. "Nejjata kawajütatsi niajiwitonü anija mulabeje atsa pekaponaenübeje, mobaja aekonojjae kujianae, niajiwitonü dajübi apo rajutsinü tsane, apo tajuitsia ejjanaenü atja baja tsane itsa wiria dioso wijawabelia, kaenü baja rajütsianajü pepo Disonü. ¹⁸ Majjuayo jamatabukuenejep petujjanenü nesiwa jamatakuene kaeware niajiwitonünü, pakujinae liatsane taneyanakuaewetsinü Rimón piajaboyabelia pewajütsinejjo Dioso jawabelia baja rá pabota, baja rá ponü nekobe waetabiana pena saütsinejja nejjata janü tamatabakabuta nukaenajü Rimón piajabota, petujjanenü nesiwajamatabukuenekaeware niajiwitonü majjüa jamatabukueneje. ¹⁹ Eliseo nejjata jumaitsi baja rá ponüjawabelia: "Ponare jamatejema." ²⁰ Baja rá ponü baja pepua najetarukae tajüyo kaenü pakujinae Geizi, Eliseo piajiwitanü, Dioso piajiwitanü, baja rá ponü najumaitsi mapakueniaje: "Taema tajatujanenü rabaja napujioba Naamán wekua, arameonü apo pepitsijjae peto kaponaejawatsi baja rá ponü. Diosonü ponapona, kujinaeponaenajü jjanü pebewübelia pitsianajü itsakuenejawa peyajawünü kaponejawa. ²¹ Newünü nejjata janebaja Giezi pona peowuwelia Naamán. Pekujinae Naamán tane itsajiwiyo pekujinaejiniewa pekowüwelia, baja rá ponü runajopa piaja carrowekua pekajitajarabinejja jumaitsi: "¿Dajjita abajjü itsiata jjanepana?" ²² Giezi jumaitsi: "Dajjita rabaja itsiata jjanepona, jjanü tajatujjanenü nitorobarena jumaitsirena: "Taename aeconojjae jjanüjawaberena Efreínwünü unujawowerena peponae pewüjutabeje profetawi pejji yayawünübeje. Pejjaniakuene neto ejjanare, netorajure kaetalento platajawa anija najjatatsi jawabeje pijinia. ²³ Naamán jume kanowiata: "Bitso jamatabükuenebaruyanü takoratjutsijjae anija talentobeje." Naamán nejjata pitsiaejjana Giezi, nejjata yaküta anijatalentobeje platajawabeje anija dorotabeje, anija najjatatsi beje yajawa pa derobeje rajuta Giezi piajiwitonubeje jawabelia, baja rá ponübeje kanajetarukabeje Giezi pemujjüneta. ²⁴ Pakujinae Geizi pata petsutuabelia, piaja ponajiwitonübeje petokaponaejawatsi pita dajjita, nejjata bajarajjua maatayata piajabota, baja rá ponü itoroba piajiwi tonubeje tajü, baja rä ponü beje nejjata baja ponabeje. ²⁵ Pakujinae Giezi piaja tujjanenü piajaboyalia joneya piaja tujjanenü pitabarata nukojopa, Eliseo jumaitsi baja rá ponüjawabelia: "Dewerena ponaeme, Geizi?" Baja rá ponü jumepita: "Niajiwito kajena apa ponae itsojawabelia ." ²⁶ Eliseo jumaitsi Geizi jawabelia: "¿Jjamjuta kajena aponalia taja espíritu, pakajinae bajarapona nowiateka piaja carroto peka kajjitajarabinejja? ¿Matsapamatakabita jjanepana wajajejaatawa platawaja pitsineja penajjatabijawa atja naekui atja, pewiatsiwi atja oveja wajejiwitiwanü, wajajiwitonüanüatja waja ejjanaenejja?". ²⁷ Baja nejjata Naamán piaje tsabanaedomaemi kotsijopaena jjamü nijamanae yajawa dajjita matakabinajja. "Nejjata Geizi pone bejaraponuwekua, perabatsebanaeja niejaireka be eana tsükübo.