jȩ'cui̧na̧mä̧ jitä pi̧yȩ mo̧ro̧bötä ka̧'a̧
11 ja̧hua̧nö̧ ja̧'a̧mä̧,ucumä aje rioto'inä 'kä̧'epö̧ icuinöjä juätö tti'ä'camettö,rȩjȩ jometä 'cuättopä pä'ö aje rioto kä'conä juätö 'kuättopa pä'ö,ja̧hua̧ta̧nö̧ jitu ru̧ärȩi̧nä̧tu̧rö̧mä̧ täcuometä kä'ö a̧'ȩpö̧ cuicui̧näö̧,inäyö ämäcäyö jȩi̧nö̧'a̧nö̧tä̧ aje täcuome ma̧'a̧cha̧ pä'ö 12 Mo̧ro̧mä̧ ajiya isoppa i̧sä̧ma̧nä̧ o'ipinö̧jä̧ ja̧'hua̧ta̧'a̧nö̧ yodomä ocurä cuo̧ä̧ma̧nä̧ o'ipinöjä̧, mä̧nä̧nä̧ tejädönä ja̧'hua̧nö̧ tejäda'anä mä̧nä̧nä̧ tti̧'cha̧ pä'ö. 13 Sinaí möä'cattö mȩyȩhui̧nö̧jä̧ ja̧'hua̧ta̧'a̧nö̧ jahuätucu mo̧ro̧jä̧ra̧'a̧ttö̧ ucuocuinö̧jä̧, adihuo̧mȩnä̧ jȩä̧cuä̧huä̧ iyinö̧jä̧, juhua'atäcu isopäi'önä hueähuä huȩnȩ'i̧nä̧, adihuomenä ppädönä hueähuä'inä ja̧'hua̧ta̧'a̧nö̧ hueähuä huȩnȩ'i̧nä̧. 14 ttu̧huo̧juä̧chi̧'önä jȩpi̧nö̧jä̧ cuaditähuä kä'ädö huirochi'ö cuö̧ji̧nö̧ ro̧ö̧ mo̧ro̧,ja̧hua̧ta̧nö̧ hueähuä huȩnȩ'i̧nä̧ cuiyinäö̧,pä'ö cu̧ju̧ninö̧'inä̧,ja̧hua̧ta̧nö̧ cu̧mu̧huä̧ya̧ Moisesnä kä̧nö̧ iyinöjä ji̧yȩtȩ hueähuä huȩnȩ. 15 ttucua ppäi juiya pä'ö pan mo̧ro̧jä̧ttö̧ iyinujä,ja̧hua̧ta̧nö̧ ttahua a̧di̧ri̧jo̧mȩnä̧mä̧ inähuättö ajiya rä'epö iyinöjä,ja̧hua̧ta̧nö̧ jiähuinöjä rȩjȩ chi̧yä̧cua̧sä̧ päcuinä̧jä̧mä 16 ja̧hua̧nö̧ ja̧'a̧nä̧ juätumä ja̧hua̧ta̧nö̧ tä̧do̧tu̧mi̧nä̧ ucuotäcuhuä̧ juiyönä jȩpi̧nä̧tö̧,ja̧hua̧ta̧nö̧ jarode'u jȩpi̧nä̧tö̧,huehuä huȩnȩ cuiyinömä ä̧ji̧cuo̧co̧töpinätö. 17 juätömä ttä̧ji̧cua̧ pä'ocotupinätö̧ ,ja̧hua̧ta̧nö̧ juätumä amöcuädocotupinätu ttö̧ja̧ ttieru juei jȩ'cui̧nö̧nä̧ ttö̧'quȩtȩ jo̧mȩttö̧,ja̧hua̧nö̧ jo̧ca̧ jarodutä jȩpi̧nä̧tö̧,ja̧hua̧ta̧nö̧ ja̧u̧ jarodä'chö jȩpu̧ kä̧nö̧mä̧ ya̧tȩ ttu̧ru̧hua̧rö̧ ku̧ni̧nä̧tö̧ huettanä jȩpu̧ kä̧nö̧ ppa̧yttä̧cha̧ pä'ö.ja̧hua̧nö̧tä̧ ja̧'a̧nä̧ ucumä Tö̧ä̧nä̧hua̧ Dios reri̧jö̧ riä̧nä̧ ku̧nä̧rö̧jä̧,adihuä isäjä̧ ja̧hua̧ta̧nö̧ cua̧'cua̧pu̧nu̧ jȩpu̧jä̧,cui̧'ä̧i̧cu̧mä̧ 'co̧pa̧nu̧tä̧ hua̧jä̧,ja̧hua̧ta̧nö̧ repeäcuähuäcumä jueipötä riänä̧ ku̧nä̧rö̧jä̧.icuipocupinöjä̧ ucumä. 18 ucumä icuipocupinöjä̧ ya'atecutä ji̧yȩnö̧ päcäyä a̧'u̧cuä̧ coräu jähuänä du'unä da'u jȩtti̧nö̧'i̧nä̧,ja̧hua̧ta̧nö̧ pä'inätö:"pide ja̧'a̧ cu̧ä̧nä̧huä̧ dios Egipto rȩjȩttö̧ rä'epö icuinömä,"juätu Ucuru ri̧ä̧nä̧ suronä pä'ä'chö jȩtta̧nä̧'inä̧. 19 Ucumä,re rö̧jö̧nä̧ toäcuähuäsa̧ cuattumä, meje'cattumä icuipocupinöjä.mo̧ro̧mä̧ ya'atecutä icuipocana mo̧ro̧jä̧ttö mȩyȩdoppamä mä̧nä̧nä̧ tti̧'cho̧mȩnä̧mä̧,ja̧hua̧ta̧nö̧ yodomä ocuränä 'chi̧nö̧jä̧ mä̧nä̧ tti̧'cho̧mȩ jö̧ta̧nö̧ cuitejädappä'ö.
20 Ucumä adihuä i̧sa̧ cua̧'cua̧ rö̧hua̧rö̧ ji̧ä̧huä̧rä̧ pä'ö iyinöjä, ja̧hua̧ta̧nö̧ maná cuiyinö'inä ttättömä 'cho'ipocupinöjä,ttahua a̧di̧ri̧jo̧mȩnä̧mä̧ ajiya iyinöjä. 21 Ucumä cuarentanö a̧'ȩ jo̧mȩnä̧mä̧ meje'cattumä cuiyinäö̧ ya'ate'inä recuä rö̧jö̧ juiyunä. ttö̧'ca̧tä̧huä̧ti̧yö̧mä̧ beipocana ,ja̧hua̧ta̧nö̧ ji̧ä̧mö̧ca̧na̧ tti̧jä̧pi̧yö̧mä̧. 22 tturuhuo'inä cuiyinä̧ö̧,ja̧hua̧ta̧nö̧ otahuiyä'inä ja̧hua̧nö̧tä̧ rȩjȩ'inä̧ cuiyinäö̧ otopiyä jä̧'chö̧nä̧ yȩnȩtepönä jäyä jö̧ta̧'a̧nö̧.ja̧hua̧nö̧ ja̧'a̧ttö̧ jitötä Sehón rȩjȩmä̧ tti̧rȩjä̧ päiönä ȩmi̧nä̧tö̧,Hesbón rö̧hua̧rö̧' inä,ja̧hua̧ta̧nö̧ Og rȩjȩ'inä,Basan rö̧hua̧rö̧ . 23 Ucumä tti̧tti̧mö̧rö̧'inä̧ pa̧ja̧cuä̧ juiyönä mo̧ro̧jä̧ siri'co jȩi̧ya̧nö̧ jȩpi̧nö̧jä̧,ja̧hua̧ta̧nö̧ rȩjȩ päcuinä̧jä̧ra̧ i'cächö cu̧ju̧ni̧nä̧ö̧.ttä̧dotu̧mi̧nä̧rö̧ ji'äö ku̧ni̧nö̧jä̧ dottächäcuotu päö ,ja̧hua̧ta̧nö̧ ttö̧ja̧cuäcuotupä'ö. 24 ja̧hua̧nö̧ ja̧'a̧ttö̧ 'chi̧nä̧tö̧ ttö̧ja̧mä̧,ja̧hua̧ta̧nö̧ rȩjȩnä̧ ka̧cui̧nä̧tö̧,ja̧hua̧ta̧nö̧ Ucumä huecuinä̧ö̧ juäturumä juä̧jä̧ rȩjȩ ttö̧jä̧ ttiä'camä,Cananeos ttö̧ja̧,Ucumä ttu̧mu̧nä̧ iyinöjä̧,tturuhuoturu'inä ja̧hua̧ta̧nö̧ juä̧jä̧ rȩjȩ ttö̧jä̧rö̧'inä,Israel ttö̧ja̧ jiturutä pä̧huä̧ rö̧jo̧mȩnä̧ jȩtta̧ pä'ö. 25 Jahuätömä ötahuiyä 'quiyönä aditö ku̧nä̧huo̧mȩ'i̧nä̧ ja̧'hua̧ta̧'a̧nö̧ cuähuä ku̧nä̧huo̧mȩ'i̧nä̧ 'cho'ipinä̧tö̧ jjuhua'atäcu odehuiyä jare rö̧ä̧nä̧ ka̧cu̧ odehuiyä'inä, rejuhuiyä sahuähuä oju'inä, cuähuä ka̧cuo̧mȩ'i̧nä̧ ja̧'hua̧ta̧'a̧nö̧ olivo ku̧nä̧hua̧'a̧ ka̧cuo̧mȩ'i̧nä̧ juhua'atäcu u̧huä̧ju̧ cuäcuäjhuä dauhuiyä rö̧ä̧nä̧ ka̧cuo̧mȩ'i̧nä̧ 'cho'ipinä̧tö̧. Ja̧'hua̧nö̧ ja̧'a̧ttö̧ cuinätö̧ su'ädi'ö ja̧ro̧ pätti'ome jubö päi'önä, ja̧'hua̧nö̧ jȩpö̧tä̧ ucu re ku̧ju̧nä̧mä̧ eseäcuähuinä̧tö̧. 26 ja̧hua̧nö̧ ja̧'a̧mä̧ juätumä jarode'utä juo'ächinätö,ja̧hua̧ta̧nö̧ to'icutä jȩpu̧ jarode'inätö ucuru.cuiäre huähuä huȩnȩ cuiyinömä ttabo jäyäcutä ku̧ni̧pi̧nä̧tö̧.cui̧huȩnȩ jiäcuähuä soturu cuä'ö icuinätu juätumä,ucuru ppä̧ttä̧cha pä'ö pä̧i̧cunä̧nö̧ ji'ähuinäturu,juätumä ri̧ä̧nä̧ to'icutä jȩpi̧nä̧tö̧. 27 ja̧hua̧nö̧ ja̧'a̧ttö̧ ucumä ttaboyotu ttu̧mu̧nä̧ cuiyinä̧ö̧ usurä ttȩmä̧hö̧nä̧ jȩpi̧nä̧turu̧.ja̧hua̧ta̧nö̧ usurä ȩmä̧hö̧ ttö̧ju̧ pä̧nä̧mä̧ juätumä ucuru jä'ȩpä̧rö̧nö̧ ajacuähuinätö ja̧hua̧nö̧ ja̧'a̧ttö̧ mo̧ro̧jä̧ra̧ttö̧ a̧ju̧cui̧nö̧jä̧ Ucumä ja̧hua̧ta̧nö̧ ucumä ri̧ä̧nä̧ re rö̧jö̧ toäcuahuänätä ttaboyotu ttu̧mö̧ttö̧nä̧ ppäcuädinä̧hö̧ ri̧ä̧nä̧ pönä. 28 ja̧hua̧nö̧ ja̧'a̧nä̧ 'cuä'ächi'ö tti̧'ä̧mädäji o'ca ucu cui'ä'camettö pä'itanu suronä jȩpi̧nä̧tö̧,ja̧hua̧nö̧ ja̧'a̧ttö̧ Ucumä ttaboyotu ttu̧mu̧nä̧ ja̧'a̧tä̧ cuicuipi̧nä̧ö̧,ja̧hua̧nö̧ ja̧'a̧ttö̧ juäturumä ttaboyotutä huettinä̧ö̧.ja̧hua̧nö̧ ja̧'a̧nä̧ juätu ppa̧'a̧chinä'cotumä Ucuru ajacuä̧huinätu,mo̧ro̧jä̧ra̧ttu̧ ka̧nö̧ cuä̧ju̧cui̧nä̧ö̧ ja̧hua̧ta̧nö̧ ri̧ä̧nä̧ pönämä repeäcuähuä cu̧ju̧nä̧ra̧ttö̧ ppäcuädinä̧ö̧. 29 Ucumä jicuähuinä̧ö̧ hueähuä huȩnȩ cuiyinö ppa̧ttä̧cha̧ pä'ö jȩtta̧pe.ja̧hua̧nö̧ ja̧'a̧nä̧ re juiyönä jȩpi̧nä̧tö̧ ja̧hua̧ta̧nö̧ cuiäre hue'ö cu̧ju̧ni̧nö̧nä̧ ä̧jucuo̧cotupinätu. juätumä pä'ö cu̧ju̧ni̧nö̧cö̧nä̧ imicunä suronä jȩpi̧nä̧tu,ja̧u̧mä̧ kä̧cu̧ä̧huä̧ iyö eseturumä.esetocotu pinätu juätumä,ja̧hua̧nö jo̧ca̧ adiu ttä̧ju̧cuo̧catä jȩpi̧nä̧tö̧ ja̧hua̧ta̧nö̧ ttä̧ju̧cuocatä jȩpi̧nä̧tïö̧ juätumä. 30 ucumä cuami 'qui'inöjä̧ ri̧ä̧nä̧ a̧'ȩ jo̧mȩnä̧ ,ja̧hua̧ta̧nö̧ adihuä cua̧'cua̧rö̧hua̧nä̧ ji'ähuinöjä cui̧huȩnȩ jiäcuähuä ttö̧ja̧nä̧ kä̧nö̧.ja̧hua̧nö̧ ja̧'a̧nä̧ ä̧ju̧cuocotupinätu juätumä.ja̧hua̧nö̧ ja̧'a̧ttö̧ pä̧tȩcuä̧nö̧ otahuiyä ttö̧ja̧ ttö̧mö̧nä̧ cuiyinä̧ö̧. 31 ja̧hua̧nö̧ ja̧'a̧nä̧ o'catoinärumä be'epö icuocu pinöjä re rö̧jö̧ toäcuähuä ri̧ä̧nä̧ cu̧ju̧nä̧ra̧ttö̧,ucumä Dios cua̧'cua̧pu̧nu̧ kö̧cuattumä icuipocupinöjä ja̧hua̧ta̧nö̧ re rö̧jö̧ toäcuähuäsa̧cuattumä. 32 ja̧hua̧nö̧ ja̧'a̧ jitämä,Tö̧änä̧hua̧ Dios, buo,ju̧ru̧hua̧,ja̧hua̧ta̧nö̧ Dios ttesetiyunä jö̧ jȩpö̧, esecuinö'inä päinometä kö̧,ja̧hua̧ta̧nö̧ repeäcuähuä'inä 'cuäopunätä kö̧nä̧rö̧,ja̧'a̧tä̧mä̧ cuicuipätö pi̧yȩ o'cajuiyönä usurä ȩmä̧cuähuä ujuturu ichinömä,turuhuoturu'inä,ruhuotu tti̧tti̧mö̧'inä,sacerdotes huotu'inä,cui̧huȩnȩ jiäcuähuä ttö̧jä'inä;ja̧hua̧ta̧nö̧ ujutu tä̧dotuminärö̧'inä,ja̧hua̧ta̧nö̧ o'catoinä cuahuäruhuä Asiria rȩjȩ ruhuotu huettinö pänättö jitä mö̧rö̧ jubö,ucu cuiä'camettömä micuäpocotu 'cua̧ru̧nä̧ ttö̧ja̧nä̧. 33 o'cajuiyönä ujuturu icheiyunänä ucumä adihuäsa̧jä̧,ja̧hua̧nö̧tä̧ ja̧'a̧nä̧ Ucumä jueötä jȩpei̧yö̧jä̧,ja̧hua̧ta̧nö̧ suronätä jȩpȩiyätujä ujutumä. 34 turuhuotu'inä,ruhuotu tti̧tti̧mö̧'inä,ja̧hua̧ta̧nö̧ sacerdotes huotu'inä,ja̧hua̧ta̧nö̧ tä̧dotumi̧nä̧'inä hueähuä huȩnȩ cuiyinömä jȩpocotu peiyätu,huecuipinu'inä ttä̧jicua̧ pä'ömä jȩpocotu peiyätu ja̧hua̧ta̧nö̧ esecu pä'ö cu̧juni̧nö̧'inä jicuähuina̧'anä̧. 35 jitutä tturuhuo hue'ö ttu̧jo̧mȩttö̧'inä.jiturutä cuiäre adihuä juäi cuiyinunä̧ kä̧nö̧ ttesehua'anä,ri̧ä̧nä̧ jähuä ,ja̧hua̧tnö̧ jitutä tti'ä'came rȩjȩ ppuruhuä̧jä̧ cuiyinanä,ucurumä ucuo te'ähuocotupinätu suronä jȩpö̧ ttö̧jo̧mȩ mä̧nä̧ttö̧nä̧ ppa̧'a̧chocotupinätu. 36 huettanä kä̧tö̧tä̧ huotujä jitämä,tä̧do̧tu̧mi̧nä̧rö cuiyinä̧jä̧ rȩjȩttö adihuä juei cuiyinuttu,ja̧hua̧ta̧nö̧ cuähuä u̧huä̧ju̧ cu̧ä̧nö̧ ttesehua pä'ö,¡ juä̧jä̧ttutä huettanä kä̧tötä juo'ächinätöjä̧ jitämä! 37 ti̧rȩjä̧ttö ri̧ä̧nä̧ taditu ri̧'ä̧chumä ruhuoturutä 'cha̧'a̧ suronä jȩti̧nö micuä jähuänä ujuturu huetta pä'ö cu̧ju̧ni̧nä̧hö̧.ujututä tidepänä'inä hue'ätu juätumä,ja̧hua̧ta̧nö̧ tä̧ji̧mö̧rö̧'inä jiturutä pä̧huä̧ ru̧ja̧cu̧. ri̧ä̧nä̧ ta̧'cua̧ juiyächi'atä kä̧tu̧jä̧. 38 pi̧yȩ o'cahuiyunä jähuänämä,ujutumä esecu huȩyu̧tu̧ rutu jueunä tö̧ja̧ pä'ö jȩpi̧nä̧tö̧jä̧.jua'a uppepu rötähua cuyärunämä turuhuotu tti̧mi̧ räopa,levita sutu'inä,ja̧hua̧ta̧nö̧ sacerdotes huotu'inä.