¹ ttö̧ja̧mä̧ o'catoinä ya̧tȩ ttö̧jasa̧ 'cu̧a̧rö̧nä̧tä̧ ca̧ca̧cui̧nä̧tö̧ isarä kähue'chiome apate Agua pättome pä̧tȩ̈cuä̧nö̧.Esdras huȩyu̧cuä̧sa̧rö̧ jä'epinätö cuyäröba Moises i̧huȩyu̧ti̧nö̧ hueähuä huȩnȩ räopäba,juäbamä Israel ttö̧ja̧rö̧ Tö̧ä̧nä̧hua̧ iyinäba. ² ji̧mö̧tȩttö̧ ta'are kä̧hua̧nä̧ acuo̧mȩnä̧ mo̧ro̧,sacerdotes Esdrasmä hueähuä huȩnȩ ttö̧ja̧ ttö̧ca̧ca̧cuo̧mȩ i'cächö ichinö,nätö̧'inä̧ ö̧mä̧tö̧'i̧nä̧ ,ja̧hua̧ta̧nö̧ o'catoinä ttuȩpä̧rä̧chiu̧nö̧ aju̧cuä̧tö̧'i̧nä̧ . ³ ja̧u̧mä̧ Agua apate pättome pä̧tȩcuä̧nö̧ isare kähueächiome kä̧mä̧di̧nö̧,ja̧hua̧ta̧nö̧ ucuocuinö pä'i mo̧ro̧jattö kä̧mä̧domä̧ mo̧ro̧ kä'co jubö ö̧mä̧tö̧ ttiä'camettö,nä̧tö̧'inä,ja̧hua̧ta̧nö̧ ttuhuȩpä̧rö̧nä̧nö̧ huotö o'catoinärö.ja̧hua̧ta̧nö̧ ttö̧ja̧mä̧ o'catoinätä nö̧ä̧chipö̧nö huehuä huȩnȩ cuyäröba ä̧ju̧cuä̧ri̧nä̧tö̧. ⁴ ja̧hua̧ta̧nö̧ Esdras, huȩyu̧cuä̧ ttö̧ja̧ i̧sa̧, ä̧rä̧mi̧ö̧ kä̧cuä̧huä'canä̧ otoa'canä̧ ä̧rä̧mi̧i̧nö̧. juȩnȩtä̧ ippeyäme ä̧rä̧mi̧'cotö ki̧nä̧tö̧ Matatías i̧nä̧, Sema i̧nä̧, Anías i̧nä̧ , Urías i̧nä̧ Hilcías i̧nä̧ ja̧hua̧ta̧nö̧ Matatías i̧nä̧, Sema, Anias, Urias, Hilcías ja̧hua̧ta̧nö̧ Maasías, ö̧mu̧ u̧huo̧ja̧na̧ ä̧rä̧mi̧ä'cotu kä̧nö̧ ka̧cui̧nä̧tu̧ juätumä ja̧hua̧ta̧nö̧ Pedadías, Misael, Malquias, Hasum, Hasbadana, Zacarias ja̧hua̧ta̧nö̧ Mesulam ö̧mu̧ eruhuanä̧ ä̧rä̧mi̧aä'cotu kä̧nu̧ ka̧cui̧nä̧tö̧ juätumä̧, ⁵ Esdra ttö̧ja̧ ttia'camȩttö̧ baepinö̧ cuyäru'tä, juamä ttö̧jä̧ tti̧ja̧cuomȩttö̧nä̧ jo'tojunä̧nö̧ i̧ja̧ttö̧ ä̧rä̧mi̧i̧nä̧tö̧ ttö̧ja̧ o'catoinä̧ ⁶ Esdras Tu̧rhua̧rö̧ adihua pä'inö,chutä Diosrö,ja̧hua̧nö̧ ja̧'a̧ o'catoinä ttö̧ja̧ ttö̧mö̧ cä'epö ädätinätö:"!jąhuąnö̧tä̧ ja̧cua̧!"ja̧hua̧nö̧ ja̧'a̧ juätö tti'ä rȩjȩ becuächönä jȩpö̧ Tu̧ru̧hu̧a̧rö̧ ucuotunö esehuinätö. ⁷ ja̧hua̧ta̧nö̧ Jesúa'inä̧, Bani'inä,Serebias'inä,Jamin 'inä, Acub'inä,Sabetai'inä, Hodias'inä, Maasias'inä,Kelita'inä,Azarias'inä, Jozabed'inä,Hanan'inä,pelaias'inä,ja̧hua̧ta̧nö̧ levi sotu'inä ppä̧'ädärinätö̧ ttö̧ja̧rö̧ hueähuä huȩnȩ ttö̧ttȩpä̧rächi'önä,ttö̧ja̧mä̧ juȩnȩtä̧ ttö̧ja̧nä̧. ⁸ cuyärö'tä ucuocuinätö,Dios hueähuä huȩnȩ isä'tä,aeiu rä'epö icu ji'ähuinätö,ja̧hua̧ta̧nö̧ pa̧'a̧nö̧ ja̧'a̧to pä'ö ji'ähuinätö ttö̧ja̧ ttö̧ttȩpä̧rchi'a pä'ö. ⁹ Nehemias otahuiyähueähuä rö̧hua̧ ja̧hua̧ta̧nö̧ Esdras ttö̧ja̧ttö'inä Diosttö'inä kä'co päte adicuä rö̧hua̧,ja̧hua̧ta̧nö̧ huȩyu̧cuä̧ ttö̧ja̧sa̧'inä,ja̧hua̧ta̧nö̧ levitas 'inä ji̧na̧ otahuiyä ttö̧ja̧rö̧ ttö̧huo̧juä̧chi'önä jiähuinä̧tö̧mä̧,otahuiyä ttö̧ja̧rö̧ pä'inätö:"pi̧yȩ mo̧ro̧mä̧ Tu̧ru̧hua̧ Dios suroju jui̧'a̧ ö̧mo̧ro̧ ja̧'a̧.cua̧'cua̧ tta̧cuȩcuä̧tucuä ajau'inä cuauahuätucuä."otahuiyä ttö̧ja̧mä̧ ri̧ä̧nä̧ ajahuinätö hueähuä huȩnȩ jittähua ä̧jucu̧. ¹⁰ ja̧hua̧nö̧ ja̧'a̧ Nehemias pä'inö jahuätörö: tätucui,cu̧cuä̧ cuäjätucui a̧deu̧ttö ja̧hua̧ta̧nö̧ sa̧doya au kä̧nö̧ ,ja̧hua̧ta̧nö̧ ji̧'chicha̧nö̧ ttiyaja hue'ätucui ttu̧cuä̧ jo̧mȩnö̧ jȩpu̧ ku̧no̧co̧tö päjätöru,pi̧yȩ mo̧ro̧mä̧ täcu Tu̧ru̧hua̧ suroju jui̧'a̧ ö̧mo̧ro̧ ja̧'a̧ pä'ö.cua̧'cua̧ tta̧cuȩcuä̧tucuä,esehuäcuähuä'inä tujuru'in Tu̧ru̧hua̧nä̧tä̧ ka̧'a̧ ¹¹ ja̧hua̧nö̧ ja̧'a̧ levitamä otahuiyä ttö̧ja̧rö̧ ttö'coruchi'a pä'ö hue'inätö pä'ö kä̧nö̧:"¡'coruchi'ätucui!" jitä mo̧ro̧mä̧ Tu̧ru̧hua̧ suroju jui̧'a̧ ja̧'a̧ pä'ö,cua̧'cua̧ tta̧cuȩcuätucuä." ¹² o'catoinä otahuiyä ttö̧ja̧mä̧ i̧huinä̧tö̧ ttö̧mä̧nä̧ pönä ttu̧cuä̧ ttucua pä'ö,au'inä ttahua pä'ö,ttu̧cuä̧ cuä̧nö̧ eseu ji̧nä̧ yo̧mȩtȩ pä'iö ttesehua pä'ö ri̧ä̧nä̧ esehuinätö jittähuäji huȩnȩ ttu̧huo̧juä̧chi̧'a̧ttö̧. ¹³ todäre mo̧ro̧ päiomenä o'catoinä ttö̧ja̧ ttahuäröhuäpönä ttö̧tä̧mi̧nä̧ttö̧ tturuhuotö,sa erdotes huotö'inä,ja̧hua̧ta̧nö̧ levi sotu'inä,Esdrascö ji̧na̧ yo̧mȩtȩnä̧ ichinätö,huȩyu̧cuä̧ sa̧cö̧,hueähuä huȩnȩnä päö ttu̧huȩpä̧rä̧chiäcuähuä ttȩma̧pä'ö. ¹⁴ ja̧hua̧ta̧nö̧ huehuä huȩnȩnä̧ huȩyu̧cua̧ po̧cui̧pi̧nä̧tö̧ juätömä Tö̧ä̧nä̧huä̧ hueö ö̧jö̧ni̧nö̧ Moisesnä ji̧mö̧tȩttö ta̧'a̧re kä̧hua̧nä̧mä̧ Israel ttö̧ja̧mä̧ ttö̧ja̧cuanö ja̧'a̧ odehuiyänä pä'cäri pä̧nä̧mä̧. ¹⁵ jittähuanö ja̧'a̧ ttutahuiyäpönä o'cajuiyönä,ja̧hua̧ta̧nö̧ jerusalen nä'inä,pä'ö känö:"de'a tätucui ,ja̧hua̧ta̧nö̧ olivos ojiyä i'cächätucui ppa̧'a̧chö̧mä̧,de'a olivo'inä,ja̧hua̧ta̧nö̧ mirto'inä,ojiyä otou'inä ja̧hua̧ta̧nö̧ dauhuiyä ojiyä'inä,beome ttö̧ja̧pȩ 'tö̧tta̧ pä'ö,huȩyu̧cua̧ pö̧ta̧nö̧tä̧ ¹⁶ utahuiyättö̧ja̧ räopu ppa̧a̧china̧tö̧ ojiyäcu ja̧hua̧ta̧nö̧ ttoju isode aditnä̧tö̧ yitutäru ki̧a̧pe, isode hua̧mȩjähuä i̧nä̧ yitutä ttiarettö aditinä̧tö̧, ttoju isode i̧mi̧ i̧nä, Dios oju isode i̧mi̧huäosejo̧mȩ i̧nä̧, Ajiya apate pättome tu'cunä̧nö̧ ja̧hua̧ta̧nö̧ ttoju isodettö räopö pa̧cuä̧huo̧mȩ Efraín apate päö pättome i̧nä̧. ¹⁷ o'catoinä̧ ca̧ca̧cuä̧rö̧ ka̧cuȩi̧yä̧tu̧mä̧ kora rȩjȩttö̧ ppa̧a̧chä̧jä̧'cotu yotäcu doju isode tu̧u̧ aditu ka̧cui̧nä̧tö̧ ja̧u̧nä̧tä̧, Josue i̧ji̧nö̧ pä̧nä̧, Nun i̧tti̧, ja̧u̧nö̧ pä̧nä̧tä̧ paiunä, Israel ttö̧jä̧mä̧ piyȩ pä'cari esuottö̧ju̧no̧ca̧ji̧na̧a̧. ja̧hua̧ta̧nö̧ tteseömä̧ ri̧ä̧nä̧tä̧ ji̧na̧a̧ ¹⁸ ja̧hua̧ta̧nö̧ mo̧ro̧ jö̧ a̧'u̧cuä̧,ä̧cuo̧menä̧ mo̧ro̧ttö̧ kä̧mä̧dö̧ röji mo̧ro̧ jubö,Esdras ucuocuinö Dios. hueähuä huȩnȩ cuyärö'tä,ja̧hua̧ta̧nö̧ sietenö mo̧ro̧ jo̧mȩnä̧ pä'cäri ki̧na̧'a̧ octavo mo̧ro̧ päiomenä solemne ki̧na̧,pä'ö ttö̧jö̧ninö ucuotunö.