¹ ji̧na̧a̧ tti̧mi̧ huȩyu̧tu̧ fi̧ȩcuä̧mi̧nä̧ huȩyu̧ti̧nä̧tu̧mä̧: Nehemias, Hacalias i̧tti̧, ru̧hua̧ ippeyänä hueö, ja̧hua̧ta̧nö̧ Saserdotestö̧ firma päinä̧tö̧mä̧ ji̧na̧a̧ Sedequias i̧nä̧, ² Seraías i̧nä̧, Azarías i̧nä̧, Jeremias ³ i̧nä̧, i̧nä̧, Amarías i̧nä̧, Malquías i̧nä̧, ⁴ Hatús i̧nä̧, Sebanías i̧nä̧, Maluc i̧nä̧, ⁵ Harim i̧nä̧, Meremot i̧nä̧, Obadías i̧nä̧, ⁶ Daniel i̧nä̧, Ginetón i̧nä̧, Baruc i̧nä̧, ⁷ Mesulam i̧nä̧, Abías i̧nä̧, Mijamín i̧nä̧, ⁸ Maazías i̧nä̧, Bilgaí i̧nä̧, ja̧hua̧ta̧nö̧ Semaías i̧nä̧. Saserdotestö̧mä̧ pitu ji̧na̧a̧. ⁹ Levitastö̧mä̧ ji̧na̧a̧: Jesúa, Azanías i̧tti̧, Binúi, Henadad ahuarihuä ttö̧ja̧, Cadmiel i̧nä̧; ¹⁰ ja̧hua̧ta̧nö̧ Levitas ttö̧ja̧ ippeyänä ahuaruhuä, Sebanías i̧nä̧, Hodías i̧nä̧, Kelita i̧nä̧, Pelaias i̧nä̧, Hana̧n i̧na̧, ¹¹ Micaia i̧nä̧, Rehob i̧nä̧, Hasabías i̧nä̧, ¹² Zacur i̧nä̧, Serebías i̧nä̧, Sebanias i̧nä̧, ¹³ Hodías i̧nä̧, Baní i̧nä̧ ja̧hua̧ta̧nö̧ Beninu i̧nä̧. ¹⁴ juȩnȩ ötahuiyänä hueätumä ji̧na̧a̧: Paros i̧nä̧ Phat i̧nä̧, Moab i̧nä̧, Elam i̧nä̧, Zatu i̧nä̧, Bani i̧nä̧, ¹⁵ Buni i̧nä̧, Asgad i̧nä̧, Bebai i̧nä̧, ¹⁶ Adonias i̧nä̧, Bigvai i̧nä̧, Adín i̧nä̧, ¹⁷ Ater, Ezequías i̧nä̧, Azur i̧nä̧, ¹⁸ Hodias i̧nä̧, Hasum i̧nä̧, Bezai i̧nä̧, ¹⁹ Harif i̧nä̧, Anatot i̧nä̧, Nebai i̧nä̧, ²⁰ Magpias i̧nä̧, Mesulam i̧nä̧, Hezir, ²¹ Mesezabeel, Sadoc, Jadúa, ²² Pelatias i̧nä̧, Hanán i̧nä̧, Ananías ²³ Oseas i̧nä̧, Hananías i̧nä̧, Hasub i̧nä̧, ²⁴ Halohes i̧nä̧, Pilha i̧nä̧, Sobec i̧nä̧, ²⁵ Rehum, i̧nä̧, Hasabna i̧nä̧, Maasías i̧nä̧, ²⁶ Ahías, Hanán i̧nä̧, ²⁷ Maluc i̧nä̧, Harim i̧nä̧ ja̧hua̧ta̧nö̧ Baana i̧nä̧ ²⁸ ja̧hua̧ta̧nö̧ utahuiyä dö̧ja̧ ka̧cui̧pä̧jä̧tö̧ Saserdote ju̧nä̧ huotu i̧nä̧, Levitas i̧nä̧, apate a'ca tta̧hua̧rä̧cuä̧huä̧ ttö̧ja̧ i̧nä̧, ra̧huä̧huä̧ ttö̧ja̧ i̧nä̧, templonä̧ adicuä ttö̧ja̧ i̧nä̧, ja̧hua̧ta̧nö̧ o'catoinä̧ 'ca̧i̧cha̧ja̧tö̧ i̧nä̧ ippeyänä utahuiyättö ja̧hua̧ta̧nö̧ Diosrö ucuo teäu tti̧ja̧pe päinä̧tö̧ i̧nä̧, ttirȩca̧mö̧ i̧nä̧, tti̧tti̧mö̧ttö̧ tti̧tti̧mö̧ i̧nä̧, o'catoinä̧ ttö̧ttȩpä̧rö̧nä̧ huotu i̧nä̧, ²⁹ tti̧ja̧hua̧tu̧cu̧ ca̧ca̧cu̧ pa̧ma̧ni̧nä̧tö̧, ruhuonä ka̧cuä̧tu̧ i̧nä̧ ja̧hua̧ta̧nö̧ jȩpu̧ku̧ni̧nä̧tö̧ yorätecuäunä surojunä päö Dios u̧mä̧nä̧nä̧ tti̧'cha̧päö to̧pä̧ru̧ka̧nö̧ i̧nä̧ hueähuä huȩnȩ Tu̧ä̧nä̧hua̧ Dios u̧mu̧ä̧ya̧ Moisesrö iyinu̧nä̧ tti̧'cha̧ päö, hueinö i̧nä̧ yurutä adihuapäö i̧nä̧. ³⁰ ujutumä pääu ku̧ni̧nä̧tu̧jä̧ ti̧tti̧mö̧mö̧ nä̧turu̧ tiyiyape ttidepiyu rȩjȩ pääturu ujutu i̧nä̧, tȩmi̧yape ji̧na̧a̧ tti̧tti̧mö̧ nä̧tu̧ru̧ ti̧tti̧mu̧ru̧ tiyapemä. ³¹ pa̧a̧nö̧nä̧ päuku̧ni̧nä̧tu̧ juätu utahuiyä ttö̧ja̧ korojue mitu iyähuä i̧nä̧ korojue cuäcuähuä 'cuäächiu descansa päähuä mo̧ro̧ tti'cächuttumä, tȩma̧pemä juiya päö koro Ro̧u̧ mo̧ro̧ i̧nä̧ ȩmo̧co̧tu̧jä̧ päö ji̧tähi̧nä̧ö̧. Septimo año ju̧ta̧nö̧ korojue tu̧ju̧nä̧ji̧ descansa pääpe cäädutu̧ju̧nä̧cuo̧tujä̧ ja̧hua̧ta̧nö̧ Judios ttu̧ja̧ ttimippotu mituticuäcuotujä. ³² ja̧hua̧ta̧nö̧ i̧nä̧, a̧ päintu̧jä̧ platattö 4 gramo jo̧mȩnä̧ Tu̧ä̧nä̧hua̧ Dios oju isodenä̧ tiyape yaate a̧'ȩ ju̧ta̧nö̧ korojueunä̧ ppäädipapäö, ³³ pan tu̧ju̧na̧pe I̧jo̧mȩ i̧nä̧, ofrendanä̧ beipujuiyunä̧ ttiyu cuäcuähuä o̧nu̧ju i̧nä̧, 'cuäächiu pa̧cua̧hua̧ mo̧ro̧ kuicu iyähuä i̧nä̧, yodo kä̧hua̧ järea räopa pä'cäri i̧nä̧ pä'cäri i̧nä̧, ja̧hua̧ta̧nö̧ pä̧tȩtö̧ ku̧nä̧huä̧ pä'cari i̧nä̧, suroju juiyu kuicu iyähuä i̧nä̧, ja̧hua̧ta̧nö̧ suroju jȩtu̧ ttoepuu̧ju̧na̧ päu kuicu iyähuä jȩta̧päu Israel ttö̧ja̧ tti̧mi̧nä̧, o'cajuiyunä̧ yoräteunä̧ Tu̧ä̧nä̧hua̧ Dios ojuisodenä̧ ttaitäjäiyu. ³⁴ ja̧hua̧ta̧nö̧ sacerdotestu̧ i̧nä̧, Levitas ttu̧ja̧ i̧nä̧ ja̧hua̧ta̧nö̧ utahuiyä ttu̧ja̧ i̧nä̧ iso'qui icuinä̧tö̧ dauisodä kuicuiyähuodä ttiyape. iso'qui o'quiyumä pojopuku̧na̧pȩji̧na̧ yitute tahuäruhuättu dauisodä tti'cächäcuoturu tuä̧nä̧hua̧ Dios ojuisodera̧ yaate a̧'ȩ pa̧tȩtu̧ta̧nö̧. duisodämä kuicuiyahuapeji̧na̧a̧ tu̧a̧nä̧huä̧ iäre kuicu iyähuä'canä̧, hueähuä huȩnȩ huȩyu̧cua̧pu̧ta̧nö̧. ³⁵ päuku̧ni̧nä̧tu̧jä̧ Tu̧a̧nä̧hua̧ Dios ojuisodenä̧ ti'cachape a'canä tuju̧nä̧huä̧ cuähuättö, ja̧hua̧ta̧nö̧ a'canä̧ cuähuä iyu o'cajuiyunä̧ dauttö yaaate a̧'ȩ ju̧ta̧nö̧. ³⁶ ja̧hua̧ta̧nö̧ yotä hueähuähuȩnä̧ huȩyu̧cua̧ pu̧ta̧nö̧, ujutumä a̧ päinä̧tu̧ja̧ Tu̧ä̧nä̧huä̧ DIOS ojuisodenä̧ ja̧hua̧ta̧nö̧, Saserdotestö̧ juaa ja̧cuä aditäturui̧nä̧, ti̧tti̧mö̧ a'canä ttiarettö i̧nä̧ ja̧hua̧ta̧nö̧, ta̧ji̧mö̧ ovejastu̧ttu̧ i̧na̧. ³⁷ ujutu ja̧a̧ a'canä ti'cachäcuotumä tiäre trigo isahuanö̧ ya̧ca̧hua̧ ja̧hua̧ta̧nö̧ tiäre iyähuä cuäcuähuä o̧nö̧ju̧ i̧nä, dauttu cuähuä iyu o'cajuiyunä̧ i̧nä̧, vino järeö i̧nä̧ ja̧hua̧ta̧nö̧ aceite i̧nä̧ i'cächötiyäcuotujä sacerdotestö̧rö̧, tua̧nä̧hua̧ Dios ojuisode jacuä huaadö ku̧nä̧huo̧mȩ. levitas ttu̧ja̧rö̧ i'cächutiyäcuotujä diezmo tiare rȩjȩ jähuä juätu levitastö̧mä̧ a̧tȩcuä̧nä̧ diezmo ca̧ca̧cuä̧ ttö̧ja̧ ja̧a̧ttö̧ o'cajuiyu rȩjȩ tadi̧tä̧jä̧nä̧. ³⁸ ya̧tȩ sacerdote ttö̧ja̧i̧sa̧, Aarón isotu i̧sa̧ttö̧, i̧ja̧pe ja̧a̧to levitas ttu̧ja̧ diezmos ttȩmo̧mȩ. Levitas ttö̧ja̧mä̧ tti'cächape ja̧a̧to to̧mu̧rȩ jähuä diezmo jähuättö Tu̧ä̧nä̧hua̧ Dios ojuisode jacua micuaujähua huaadö kö̧nä̧huo̧mȩ. ³⁹ Israel ttu̧ja̧ i̧nä̧ ja̧hua̧ta̧nö̧ levi ttu̧ja̧ isotu i̧nä̧ tti'capechape ja̧a̧ttö̧ cuäcuähuä o̧nu̧ju̧ tu̧ju̧nä̧yu̧ttö̧, vino järeu i̧nä̧, ja̧hua̧ta̧nö̧ aceite inä̧, korojue dahuähuä oba i̧nä̧ ahuähua o̧'ta̧ ro̧u̧ja̧huä huaadö ku̧nä̧huo̧mȩ ja̧hua̧ta̧nö̧ Saredotestö̧ aitö tti̧jo̧mȩ i̧nä̧, apate tta̧a̧rä̧cuä̧huä̧ ttu̧ja̧ i̧nä̧ ja̧hua̧ta̧nö̧ ra̧huä̧huä̧ ttö̧ja̧ i̧nä̧ ka̧cui̧pä̧tö̧. surojunä̧mä̧ ku̧ni̧po̧co̧tu̧jä̧ Tuä̧nä̧hua̧ Dios ojuisodemä̧.