¹ Ji̧mu̧tȩ ta'arenö a̧'ȩ päi'omenä, kä̧hua̧ttö̧mä̧ to̧mu̧rȩ ja̧'a̧ ji̧mu̧tȩ mo̧ro̧ pai'omenä, Israelttö tä̧mu̧ jö̧nä̧ ka̧cuä̧tö̧, ichinätö TU̧RU̧HUA̧ ötö'cö jäe'pö ä̧ju̧cu̧ ttieru'unä jä̧u̧ ja'huätö pȩjä̧mi̧nä̧tö̧ chä'cajome. ² Ja̧'hua̧nö̧ ja̧'a̧ CHU̧RU̧HUA̧ ttörö ucuocu pä'inö: ³ "pi̧jä̧ ttö̧ja̧sa̧ i̧tti̧, huäjunä ji'ähui Israel ötahuiyättö tä̧mö̧rö̧mä̧, pa̧'a̧nö̧ pä'ittö: TU̧RU̧HA̧ TÖ̧Ä̧NÄ̧HUA̧MÄ̧ pa̧'a̧nö̧ pä'ö: ¿Ucutu ja̧'a̧ TTÖRÖ ja'epö ichäjätömä? TTö cha̧'cua̧rä̧i̧mä̧, ¡ucututtumä ya̧tȩ'i̧nä̧ jäepa pä'ömä jui̧'a̧sä̧! Pa̧'a̧nö̧tä̧ pä'ö CU̧RU̧HUA̧ CU̧'Ä̧NÄ̧HUA̧TU̧CU̧MÄ̧.' ⁴ ¿Ro̧ȩpö̧'a̧nö̧ ja̧'a̧? ¿Ro̧cuȩpö̧'a̧nö̧ ja̧'a̧ ucu pi̧jä̧ ttö̧ja̧sa̧ i̧tti̧ma̧? TTu̧huo̧jua̧ ji'ähuittö surojönä jȩtti̧nö̧ ttä̧'o̧ttö̧. ⁵ Pa̧'a̧nö̧ pa'itö: TU̧RU̧HUA̧ TÖ̧Ä̧NÄ̧HUA̧MÄ̧ pa̧'a̧nö̧ pä'ö: Ji̧yȩnö̧ mo̧ro̧ Israel jä̧cua̧'a̧ pä'ö chu̧mu̧ cä'epö ppä̧dä̧dä̧cua̧sä̧ pä'inösa̧ Jacob ahuaruhuä o'cotörö, ttu̧huo̧ju̧nä̧ i̧jȩcui̧nö̧sä̧ Egipto rȩjȩttö̧mä̧, jahuätö ttu̧huo̧ju̧nä̧ chu̧mu̧ cä'epö ppä̧da̧da̧cua̧sä̧ pa'inösä̧. Ttömä pä'inäsa̧: "TÖTÄSÄ CU̧RU̧HUA̧ CUÄ̧NÄ̧HUA̧TU̧CU̧MÄ̧"- ⁶ Ji̧yȩnö̧ ji̧nö̧mä̧ chu̧mu̧ cä'epinösä̧ ja'huätörö ppä̧da̧da̧cua̧sä̧ Egipto rȩjȩttö̧ koromecu̧ rä'epö icu TTÖTÄ rȩjȩ chi̧yä̧cua̧sä̧ pä̧di̧nä̧jä̧cu̧, ja'huätörömä ttu̧huȩcuä̧nä̧. Ju̧huȩnȩmä̧ adiunätä̧ isotö ttatateja'inä ja̧'hua̧ta̧'a̧nö̧ maya'inä iyäcuome; ju̧huȩnȩmä̧ korome rȩjȩttö̧'i̧nä̧ abonänö adihuinome. ⁷ TTÖ pä̧di̧nä̧u̧: "O'catoi'önä u̧mä̧tö̧ ka̧cuä̧tö̧mä̧ rä'epö icuätucui tocu'ätucuomenä suronä jö̧mä̧ ja̧'hua̧ta̧'a̧nö̧ Egiptottö yapare cu̧'ä̧nä̧hua̧tu̧cu̧'ca'i̧nä̧. Tä'cö pi̧jä̧ jähuämä jȩcu̧'ä̧tu̧cuä̧; "TÖTÄSÄ CU̧RU̧HUA̧ CUÄ̧NÄ̧HUA̧TU̧CU̧MÄ̧" ⁸ Ja̧'hua̧nö̧ ja̧'a̧nä̧ ttörötä surojönä amucuädinätö̧jä̧ äjucu'inä cuä̧ju̧cua̧ pä'ocotö pinätö̧jä̧, ya̧cu̧pö̧nä̧mä̧ rä'epö'inä rä'epocotö pi̧nä̧tö̧jä̧ surojö ko̧cua̧'a̧ tocu'ätucua'anä unichi'ö'inä unichi'ocotö pinätöjä Egiptottö rapare cu̧'ä̧nä̧hua̧tu̧cu̧'ca̧'i̧nä̧, ja̧'hua̧nö̧ ji̧ycu̧ chö̧'ä̧i̧ huerädinösä̧ jahuätörö ja̧hua̧nä̧ jo̧mȩnä̧tä̧ chö̧'ä̧i̧ esehuina'a jahuätönä Egipto rȩjȩ jacuättömä. ⁹ Jua'amä jȩpi̧nö̧sä̧ chu̧mu̧huäyotöttö surojönä pi̧jä̧ o'cajuiyönä rä̧mi̧pa̧'a̧cu̧ pä'ö. TTu̧huo̧ju̧nä̧ i̧jȩcui̧nö̧sä̧ jahuätörö, tottönä, rä'epö'inä chi̧cui̧nä̧u̧ Ȩgi̧pto̧ rȩjȩttö̧. ¹⁰ Hue'ö chicuinä̧u̧ Egipto rȩjȩttö̧'i̧nä̧ kara'acu ja̧'hua̧nö̧tä̧ chȩpi̧nä̧u̧ rȩjȩ de'a jui̧yä̧jä̧cu̧. ¹¹ Ja̧hua̧nö̧ ja̧'a̧ttö̧ jahuätörö iyinösä hue'ähuä huȩnȩ pä'ö ta̧'a̧nö̧ jȩpö̧ ttö̧ja̧ pä'ö, ya̧tȩ hueähuä huȩnȩ päöta'anä kö̧tä̧ ö̧ja̧ pä'ö. ¹² Ja̧hua̧ta̧'a̧nö̧ ja̧'a̧nä̧'i̧nä̧ iyinösä 'cuättächä̧cuä̧ mo̧ro̧'i̧nä̧ jua'amä i̧jȩcuä̧ päi'önä jahuätö ttucu todeunä ka̧cuä̧tö̧ pä'ö, ttu̧huo̧juä̧chi̧'a̧ pä'ö TÖTÄSÄ CU̧RU̧HUA̧TU̧CU̧MÄ̧ surojö'inä jȩpö̧'icumä. ¹³ Ja̧'hua̧nö̧ ja̧'a̧nä̧ Israel ttö̧ja̧ de'a jui̧yä̧jä̧ttö̧mä̧ Ttörö ra̧huä̧ri̧nä̧tö̧. Jahuätömä Ttö huedinö'anömä 'cho̧co̧tö̧ pinätö̧; tti̧'cha̧ jueimä Ttö huedinö huȩnȩmä̧ ya'acuinätö̧ ucuotätörö a̧'cua̧rö̧ ttö̧jö̧'a̧nö̧ jö̧mä̧. Chu̧mo̧ro̧ 'cuä'ächi'ö pä̧dä̧cuä̧huä̧ mo̧ro̧'i̧nä̧ ucuotocotö pinä̧tö̧, ja̧'hua̧nö̧ ja̧'a̧ttö̧ chu̧'ä̧i̧mä̧ dadepä̧cua̧sä̧ jahuätörö de'a jui̧yä̧jä̧ttö̧ totte'ächa pä'ö. ¹⁴ Ja̧'hua̧nö̧ ja̧'a̧nä̧ Ttö chimi adihuomenä jä̧cua̧'a̧nö̧ ttö̧ja̧ tti̧rȩjä̧nä̧ ka̧cuä̧tö̧ Egipto ötahuiyättö rä'epö chicua'a topinätö ucuotocotöjä̧ pättö juiyäcua'anö̧. ¹⁵ Ja̧'hua̧ta̧'a̧nö̧ chumö'inä cä'epinö̧sä̧ ja̧'hua̧nö̧ cä'epö de'a jui̧yä̧jä̧ttö̧ ya̧tȩ i̧mi̧nä̧ huȩnȩtö̧ pä'inösä̧ rȩjȩ chiya pädinäjä̧ chiyöjuiya pä'ömä, rȩjȩ atateja'inä maya'inä rö̧ȩnä̧ ka̧cuä̧jä̧, korojä̧ rȩjȩttö̧'i̧nä̧ abonänö adihuäjä̧mä̧. ¹⁶ Ya̧tȩ i̧mi̧nä̧ huȩnȩtö̧ pä'inösä juhua'amä Ttö huedinö yattocuiniyä̧cu̧ ja̧'hua̧ta̧'a̧nö̧ ja̧u̧ hueähuä huȩnȩ päö'anö jȩtto̧co̧mȩttö̧ juhua'atäcu jahuätömä Chu̧mo̧ro̧ 'cuä'ächi'ö pä̧dä̧cuä̧huä̧ mo̧ro̧'i̧nä̧ ttucuotocomettö̧, tta̧mi̧so'quittö kä̧mä̧dö̧ ttö̧ä̧nä̧huo̧tö̧ tätähuä o'ca tto'ca'anä tti̧'cho̧mȩttö̧. ¹⁷ Ja̧'hua̧nö̧ jȩchi̧na̧'a̧nä̧ chi'äremä rȩrö̧jö̧nä̧ topö si'epumä icuoca'a ji̧na̧'a̧, ja̧'hua̧nö̧ ja̧'a̧ttö̧ de'a jui̧yä̧jä̧ttö̧mä̧ si'epömä chi̧cuo̧co̧u̧ pinätö. ¹⁸ De'a juyä̧jä̧ttö̧mä̧ pä'inösä̧ cui̧tti̧mö̧tö̧cu̧ u̧mätö̧rö̧'i̧nä̧ nä̧tö̧rö̧'i̧nä̧: "cui̧'chä̧tu̧cu̧ä̧ cuä̧so̧tö̧ pättina̧'a̧cu̧mä̧, 'quiyönämä 'chu̧cuä̧rä̧cuä̧huä̧tu̧cuä̧ pä'ö ttu̧ju̧ni̧nö̧mä̧ ja̧'hua̧ta̧'a̧nö̧ suro juocuecuätöcuä yapare ttö̧ä̧nä̧huä̧'canämä. ¹⁹ Ttötäsä CU̧Ä̧NÄ̧HU̧STU̧CU̧ Diosmä, Ttö huedunätä̧ tätucui; Ja̧'hua̧ta̧nö̧ Ttö huedötä ucuotätucui. ²⁰ Ttö chumo̧ro̧ cuä'ächi'ö pä̧mä̧dä̧cuä̧huä̧ mo̧ro̧ 'cä̧'ȩpu̧ ku̧nä̧huä̧ mo̧ro̧mä̧ 'quiyönä̧ kä̧tu̧cui̧ ja̧'hua̧ta̧nö̧ Ttö'inä ucutu'inä cu̧'cä̧tȩtu̧cu̧ jo̧mȩttö̧ jahuätömä i̧jȩcuä̧ jö̧nä̧tä̧ huinätö̧, ja̧hua̧no̧ jo̧mȩnä̧tä̧ Ttötä ja̧'a̧ TÖ̧Ä̧NÖÄ̧HUA̧ Diosmä pä'ö to̧huo̧juä̧cuo̧tö̧." ²¹ Ja̧'hua̧nö̧ ja̧'a̧nä̧ cui̧tti̧mö̧ u̧mä̧ttö̧'i̧nä̧ nä̧ttö̧'i̧nä̧ ttö̧ra̧huä̧ri̧cu̧sä̧. Ja̧'hua̧ta̧nö̧ ja̧huätömä Ttö pädinönämä 'cho̧co̧tö̧ pi̧nä̧tö̧ ja̧'hua̧ta̧nö̧ huedinömä ucuotocotö pi̧nä̧tö̧, Ttö̧ja̧sa̧ ja̧u̧ ucuotöttömä ö̧jö̧'a̧nö̧ jö̧mä̧. Jahuätömä chumo̧ro̧ 'cuä'ächi'ö pä̧mä̧dä̧cuä̧huä̧ mo̧ro̧'inä ucuotocotö pinätö̧ ja̧'hua̧nö̧ ja̧'a̧ttö̧ chu̧'ä̧i̧ jahuätörö dadepa pä'ö amöcuädijisä juhua'a yabonö chö̧ra̧huä̧rö̧ juiyäcua'anö jahuätörö de'a juiyäjä̧ttö̧ chu̧ra̧huä̧rä̧ji̧mä̧, ²² Ja̧'hua̧nö̧ ja̧'a̧nä̧ Ttömä juorö rä'opächinö̧sä̧ ja̧'hua̧nö̧ rä'opächö Ttö chimi adihuomenä jä̧cua̧'a̧nö̧ jȩpi̧nö̧sä̧ ttö̧ja̧ tti̧rȩjä̧nä̧ ka̧cuä̧tö̧ Egipto ötahuiyättö rä'epö chicua'a topinätö ucuotocotöjä̧ pättö juiyäcua'anö̧. ²³ TTÖ de'a juiyä̧jä̧tö chumu 'cäepu pädömä jȩ̈chä̧cuä̧sä̧, o'catoinä ttö̧jo̧cu̧ o̧du̧nä 'kȩ'ȩpä̧chö chi̧cua̧cua̧sä̧ pi̧jä̧ o'cajuiyönä ttipperehuachapäö. ²⁴ Pi̧yȩ jȩcha̧ja̧ päösä jahuätö TTÖ huedö ttöaroda'attö, jahuajöta'anötä̧ kö'cotöpinätö̧ TTÖ hueö chu̧ju̧ninöji̧nö'i̧nä TTÖRÖ amuhuädö cuä'ächö pä̧cuä̧cuä̧ mo̧ro̧ínä̧ ucuo juiyönä jȩpi̧nätö. TTiäriyämä pi̧na'a̧ ttädo̧tö̧ minä amonä ttiänä̧huo̧ ttä'ca jo̧mȩta̧ ²⁵ Ja̧hua̧ja̧tö̧ TTÖTÄ iyö huedinä̧u̧ adiunä jo̧cö̧tä̧ jahuätö jȩttö̧ juiyö'anö jö̧tä̧. ²⁶ TTÖ jȩchi̧nä̧u̧ surojötä ja̧'a̧cua̧ pä'ö jahuätö ttiäre iyähuämä tti̧tti̧mutö äcuomenä i̧sotörö ku icu ocurä ttuta pä'ö. ¡Piyȩmä jȩpi̧nösä̧ jahuätö ye'ehuächiö ttamucuädapäö iso päi'önä TU̧RU̧HUA̧ TTÖÄNÄ̧HUA̧TÄ̧ ja̧'a̧ pä'ö. ²⁷ Ja̧'hua̧nö̧ ja̧'a̧nä̧, pi̧jä̧ ttö̧ja̧sa̧ i̧tti̧mä̧, ucuocui Israel ttö̧ja̧rö̧mä̧ pa̧'a̧nö̧ pa'itö: TU̧RU̧HUA̧ TÖ̧Ä̧NÄ̧HUA̧MÄ̧ pa̧'a̧nö̧ pä'ö: Ja̧hua̧nö̧tä̧ ucutu cuä̧'o̧tu̧cu̧ttu̧'i̧nä̧ ttö̧romä surojönätä ucuocuinätö pädö'inä jȩo̧pco̧tö̧ pinätö̧. ²⁸ Rȩjȩ chi̧yä̧cusä̧ pä̧di̧nä̧jä̧ra̧'a̧ chi'chächomenämä, o,cajuiyönä muä'quiyu ja̧'hui̧a̧ta̧'a̧nö̧ dauhuiyä oadihuä topu, i̧sa̧rö̧ 'cu'icu iyähguä jȩpi̧nä̧tö̧, ja̧'hua̧nö̧ jȩpö̧ chö̧ro̧huä̧ri̧'ö̧nä̧ jȩpi̧nä̧tö̧, juorötä a̧mȩu̧huäi 'cu'inätö, ja̧hua̧ta̧'a̧nö̧ rö̧'ä̧nä̧ totopö a'u mippo'önä iyähuä iyätöjä pä'inätö̧. ²⁹ Ja̧'hua̧nö̧ ji̧yä̧cu̧ pä'inö̧sä̧: ¿Däje jo̧mȩjä̧ttö̧ pȩnȩmä̧ ja̧'hua̧nö̧ mippounä iyähua cuȩpä̧tu̧cuo̧mȩmä̧?" Ja̧'hua̧nö̧ jo̧ttö̧mä̧ Bama ja̧'a̧ jitä moro jubumä.' ³⁰ Ja̧'hua̧nö̧ jo̧ttö̧mä̧ ji'ähui Israel ttö̧ja̧rö̧mä̧: TU̧RU̧HUA̧ TÖ̧Ä̧NÄ̧HUA̧MÄ̧ pa̧'a̧nö̧ pä'ö ¿Tta̧'a̧nö̧ pä'ö surojötä jȩcu̧'ä̧tu̧cua̧'a̧ttö̧ cuä̧'o̧tö̧ jȩtti̧nö̧ta̧'a̧nö̧mä̧?¿Tta̧'a̧nö̧ pä'ö kidepä iyä'chäcuähuaju jä̧'i̧nö̧'a̧nö̧ jȩcu̧'ä̧tu̧cua̧'a̧ jä̧ttö̧, ttu̧su̧ro̧tö̧tä̧ usu? ³¹ Ja̧'hua̧nö̧ jȩpö̧ mippoönä iyähuä iyätöjä päcuätucumä ja̧'hua̧ta̧'a̧nö̧ cui̧tti̧mu̧rö̧ ocurä huä̧me huä̧nö̧ jȩcu̧'ä̧tu̧cuo̧mȩnä̧, ja̧u̧nu̧ mo̧ro̧ttö̧ kä̧mä̧dö̧ surojötä juo'ächätöjä yapare cu̧'ä̧nä̧hua̧'catu̧cu̧'inä. Ja̧'hua̧nö̧ ja̧'a̧ttö̧ ¿Tta̧'a̧nö̧ pä'ö ja̧'a̧tä̧ tocha'ajä̧ttö̧, Israel ttö̧ja̧ro̧mä̧? TTömä Kö̧sä̧, pa̧'a̧nö̧tä̧ pa'ö TU̧RU̧HUA̧ TÖ̧Ä̧NÄ̧HUA̧MÄ̧, jarodätörömä ja̧'a̧tä̧mä̧ jaropo'cösä. ³² Jitötä ttamucuädö'anömä 'cuäopöjuiyäcua'a. Ucutu pa'attöjä: "Ja̧'a̧tä̧ topitö ujutu koromettö ttö̧jö̧'a̧nö̧ tö̧ja̧'a̧nä̧, korotömä ka̧cuä̧tö̧ yapare ttö̧ä̧nä̧hua̧'ca dauttu ja̧'hua̧ta̧'a̧nö̧ inähättö̧ adihua'a ucuotö." ³³ TTömä Kö̧sä̧, pa̧'a̧nö̧tä̧ pa'ö TU̧RU̧HUA̧ TÖ̧Ä̧NÄ̧HUA̧MÄ̧, Isopäi'önätä ucuturumä huȩdä̧cua̧sä̧ chujurucu, chöjohuiyä cä'epönö ja̧'hua̧ta̧'a̧no̧ chö'äimä ucuturu dahuipäcua'a. ³⁴ Koro ötahuiyättö i'chächö ji̧nä̧ yo̧mȩtȩ pätti'önä jȩchä̧cua̧sä̧ korome ötahuiyänä pperecuächinätö̧rö̧'i̧nä̧. Pomä yȩchä̧cua̧sä̧ chujuru chö̧'ä̧i̧u̧cu̧. ³⁵ Ja̧'hua̧nö̧ ja̧'a̧ttö̧ jahuätörömä o̧di̧pä̧cua̧sä̧ ötahuiyättö'inä de'a juiyomenä, juorötä o'catoi'önä tottäcuähuomettö ro̧dȩpä̧cua̧sä̧. ³⁶ Cuä̧'o̧tö̧ mi̧nä̧ Egipto rȩjȩ de'a jui̧yä̧jä̧ttö̧ ro̧dȩpi̧nä̧ta'anö ucuturu'inä rodepäcuasä pä'ö huäjuetö icu ji'äu TÖ̧Ä̧NÄ̧HUA̧MÄ̧. ³⁷ Chötta'ca dȩa̧'a̧nä̧ 'cuäcuopö jȩchä̧cua̧jä̧ ja̧'hua̧ta̧'a̧nö̧ esecuäcuähuära̧'a̧ ppädipö cucuotönä jȩchä̧cua̧jä̧. ³⁸ Ucuturumä jarodäcuähuä ttö̧ja̧ ttö̧'cä̧tȩttö̧mä̧ 'cä̧'ȩpö̧ chi̧cuä̧cua̧sä̧ ja̧'hua̧ta̧'a̧nö̧ jitö Ttörö ra̧huä̧ri̧nä̧tö̧ttö̧mä̧. Ttömä ja̧huä̧jä̧ttö̧mä̧ hue'ö chi̧cuä̧cuä̧u̧, cue'ächätö ttö̧ja̧ jö̧nä̧ ttöjacuäjättömä, ja̧'hua̧nö̧ ja̧'a̧nä̧ jahuätömä Israel ttö̧ja̧ tti̧rȩjä̧ra̧'a̧mä̧ dodepocotö ttäcuotö. Ja̧'hua̧nö̧ jome ucutumä cu̧huo̧juä̧cuo̧tö̧jä̧ Ttötä ja̧'a̧' CU̧Ä̧NÄ̧HUA̧TU̧CU̧MÄ̧ pä'ö. ³⁹ Ucutu Israel ttö̧ja̧, TÖ̧Ä̧NÄ̧HUA̧ Diosmä̧ pa̧'a̧nö pä'ö: ya̧cu̧pu̧nä ucutu yapare cu̧ä̧nähua̧'catucunä tätucui. Ucuo te'ähuätucui ä̧ju̧cu̧mä yattocuäcuotö, Ja̧'hua̧nö̧ ja̧'a̧nä̧ yabonömä Ttö chimi adihuäjueinämä ucuomä te'ähuocotö ttäcuotö mipponä iyäcuanä'inä ttö̧ä̧nä̧huä'ca̧nä̧'inä. ⁴⁰ Ja'hua̧nö̧ ja̧'a̧ mu̧ä̧'cä Ttö 'cä̧'ȩpu̧ chu̧ju̧ni̧nä̧'cänä israel ttö̧ja̧ ttö̧ja̧cuä'ca muä'ca huä̧me, Pa̧'a̧nö̧tä̧ TÖ̧Ä̧NÄ̧HUA̧ Diosmä̧ huäjuetö icu, O'catoi'önä Israel ttö̧ja̧rö̧mä̧ ja̧'hua̧nö̧ ja̧'a̧ttö̧ ja̧hua̧nö̧tä̧ ucuo tȩttä̧huä̧cua̧sä̧ juä̧jä̧ rȩjȩttö̧mä̧. Mipponä iyahuä tti'cächomenämä chesehuäcua̧sä̧ Juorömä, ja̧'hua̧ta̧nö̧ o'cajuiyönä 'cä̧'ȩpö̧ ku̧nä̧huä̧ttö̧ ä̧cuo̧menä jahuä'inä. ⁴¹ Ttomä chemäcua̧sä̧ incienso a̧mȩu̧ jä̧'nö̧'a̧nö̧ jö̧nä̧ ttö̧ja̧ ttö̧'cä̧tȩ cu̧jä̧tu̧cuo̧mȩttö̧ rä'epö chicuomenämä ja̧'hua̧ta̧nö̧ cuipperecuächinätö̧cuä̧jä̧ttö̧ ca̧ca̧cu̧ cu̧'ä̧tu̧cuo̧mȩnä̧mä̧. Ucutu cu̧'cä̧tȩtu̧cu̧ttö̧mä̧ ttö̧ja̧ tottäcua'anö Ttömä imicunä hua̧sä̧ pä'ö chi̧jȩcuä̧cua̧sä̧. ⁴² Ja̧'hua̧nö̧ ja̧'a̧, Irael rȩjȩ ra̧'a̧cu̧ pä'äjita'anö dodädomenämä, juȩnȩ rȩjȩ ji̧na̧'a̧ cuä̧do̧tö̧mi̧nä̧rö̧ ppä̧dä̧dä̧cua̧sä̧ pä'ö chu̧mu̧ cädipina'amä, ucutumä ja̧u̧nu̧tä̧ cu̧huo̧juä̧chi̧'ä̧cuo̧tö̧jä̧, Ttötäsä CURUHUA̧TU̧CU̧MÄ̧. ⁴³ Ja̧'hua̧nö̧tä̧ cuamucuädäcuotöjä surojönä jȩcu̧'ä̧tu̧cu̧mä̧, o'cajuiyönä jȩcu'ä̧tu̧cu̧mä̧ surojötä ja̧'a̧, ja̧'hua̧ta̧'a̧nö̧ cua̧mo̧nä̧ jȩcuä̧ijätu̧cu̧ topö cuju'cö juiyönä tocu'äcuotöjä. ⁴⁴ Ja̧'hua̧nö̧ ja̧'a̧ topötä cu̧huo̧juä̧chi̧'ä̧cuo̧tö̧jä̧ Ttötäsä CURUHUA̧TU̧CU̧MÄ̧ jua'amä TTÖ chi̧mi̧ surojuoächa'acu pä'ö, surojomenä cui̧'chä̧tu̧cua̧'a̧ttö̧mä̧'cö̧ ja̧'hua̧ta̧'a̧nö̧ jȩcu̧'a̧tu̧cu̧ sura'attömä'cö̧, Israel ttö̧ja̧rö̧mä̧, pa̧'a̧nö̧ pä'ö CU̧RU̧HUA̧ CUÄ̧HUA̧TU̧CU̧MÄ̧." ⁴⁵ Ja̧'hua̧nö̧ jo̧mȩnä̧ TU̧RU̧HUA̧ i̧huȩnȩ ttörö rä̧bȩhui̧na̧'a̧, pa̧'a̧nö̧ pä'ö: ⁴⁶ "Ttö̧ja̧sa̧ i̧tti̧, kärächiö topi rȩjȩ kä̧hua̧ räöpa'acu, kä̧hua̧ räöpa'acu kä̧cuä̧tö̧rö̧ ucuocuäji; 'cuäopä̧cuä̧ ji'ähuäji Nerguev rȩjȩra̧'a̧. ⁴⁷ Nerguev de'ara̧'a̧mä̧ ji'ähuaji: Pa̧'a̧nö̧ pä'ö TU̧RU̧HUA̧MÄ̧, TU̧RU̧HUÄ̧ TÖ̧Ä̧NÄ̧HUA̧NÄ̧ pa̧'a̧nö̧ pä'ö: Ttötä ocurä chö̧rä̧tȩtä̧cua̧sä̧ ucututtu. Cuo'ö icuäcua'a dau jareäi ja̧hua̧ta̧'a̧nö̧ dau hua'ö icuinäi'inä ucutu cu̧'cä̧tȩtu̧cu̧ttö̧. Ocurämä na'i̧'ö̧'i̧nä̧ nä̧hui̧'ö̧juiyäcua'a; Ya̧cu̧pu̧nä̧ tti'ä kä̧hua̧ räopa'a kä̧hua̧ mo̧ä̧cha̧'a̧cu̧ttu̧'i̧nä̧ cuo'ö tticuäcuättö. ⁴⁸ Ja̧'hua̧nö̧ ja̧'a̧ttö̧ o'catoi'önä ttidepä ku̧nä̧rä̧tö̧mä̧ tottäcuotö Ttö churuhuo Ocurä rȩdȩcuä̧cho̧mȩnä̧tä̧, ja̧'hua̧ta̧'a̧nö̧ yoröisotä nahui̧pocarä jäcuarä. ⁴⁹ Ja̧'hua̧nö̧ ji̧yä̧cu̧ pä'inösä̧: ¡Ah! TU̧RU̧HUA̧ Dios, jahuätömä pä'ätö ¿Ja̧u̧mä̧ ji̧yȩ'ä̧cuä̧tä̧ pa̧ja̧cuä̧ i̧sa̧ korojuäi huä̧nȩtö̧ pähuätä?