¹ Ja̧'hua̧nö̧ ja̧'a̧ ucumä ajau ra̧huä̧huä̧ to'ija̧'a̧cu̧ ra̧'i̧ Israel ttö̧ja̧ tturuhuotörö ² ja̧'hua̧ta̧'a̧nö̧ pä'itö: ¿Ucu cua̧ju̧mä̧ di ji̧nä̧ttö̧? Mö yahui isaju, jahuäjumä mö yahui i̧tti̧mä̧cu̧ ki̧nä̧ju̧, mö yä̧hui̧tö̧ möäyotö ttö̧'cä̧tȩ jo̧mȩ kä̧nö̧ jahuäjumä ki̧tti̧mö̧rö̧ pöttädinäju̧. ³ Ja̧'hua̧nö̧ ja̧'a̧ ki̧tti̧mö̧ttö̧ ya̧tȩrö̧mä̧ pöttädinäju̧ mö̧ä̧ya̧ juoächönä ja̧u̧ mö̧ä̧ya̧mä̧ ö̧'o̧ya̧rö̧ cuähuä huo̧jui̧pi̧nö̧. Ja̧u̧mä̧ ttö̧ja̧sa̧rö̧ cui'i'inö. ⁴ Ja̧u̧nu̧ o'ca'a ttö̧ja̧mä̧ ja̧u̧ ötö'cö ä̧ju̧cui̧nä̧tö̧. Ja̧u̧mä̧ a̧tȩcuä̧ jȩpö̧ ku̧nä̧huo̧mȩ ma̧'ä̧mi̧nä̧ ja̧'a̧hua̧nö̧ ja̧'a̧ isobönä nö'cä'cotö Egipto rȩjȩra̧'a̧ tti'cächinäcu̧. ⁵ Ja̧'hua̧nö̧ ja̧'a̧ jahuäjumä ppa̧huä̧chä̧cua̧cö̧ pä'ö to̧pä̧rö̧ tta̧ja̧ro̧mȩnä̧ toäcuamä juhua'a yabonömä tta̧'a̧ro̧co̧ju̧ pinäju̧, ja̧'hua̧nö̧ jä̧cua̧ ki̧tti̧ ka̧ra̧rö̧ ȩmo̧po̧'ö̧ mö̧ä̧ya̧ juhuome jubö päi'önä pöttädinä̧ju̧. ⁶ Pide mö yähui mö̧ä̧ya̧mä̧ ja̧'a̧tä̧ cue'ächinö mö yä̧hui̧tö̧ ttö̧'cä̧tȩnä̧. ja̧u̧ mö yähuimä möäya̧ pinö ja̧'hua̧nö̧ ja̧'a̧ ö̧'o̧ya̧rö̧ a̧bo̧cuä̧'i̧nä̧ huo̧jui̧pi̧nö̧, ja̧u̧mä̧ ttö̧ja̧rö̧'i̧nä̧ cui'i'inö. ⁷ Ja̧'hua̧nö̧ ja̧'a̧ ja̧u̧mä̧ rȩcua̧mö̧rö̧ suronä jȩpä̧'chi̧nö̧ ja̧'hua̧ta̧'a̧nö̧ ötahuiyä ttö̧ja̧rö̧'i̧nä̧ tottepächönä jȩpi̧nö̧. Rȩjȩmä̧ jä̧ttä̧jä̧tä̧ ttö̧ja̧mä̧ tti̧cui̧pi̧nä̧jä̧ döröa a̧ju̧cu̧. ⁸ Ja̧'hua̧nö̧ ja̧'a̧nä̧ ja̧huä̧jä̧ ttö̧ja̧mä̧ ja̧u̧cu̧ rohuähuinätö̧, juä̧nä̧ sobucuächönä ka̧cuä̧tö̧mä̧; jahuätömä ttumapayä ja̧u̧rö̧ setädinä̧tö̧. Ja̧u̧mä̧ ja̧u̧ ma'ayänä ȩqui̧pi̧nö̧. ⁹ jahuätömä iso̧ca̧nä̧ isobönä nu'cö ttutinäcu̧ ja̧'hua̧nö̧ rötö ru̧hua̧ ö̧jo̧mȩ Babiloniara̧'a̧ ti'cächinäcu. Jahuätömä ja̧u̧ ö̧ja̧'a̧cu̧ i'cächömä 'quiyönä tto'epö icuähuome möä'canä i̧huȩnȩ'i̧nä̧ ttä̧ju̧cu̧ juiyäcua'anö Israel ttö̧ja̧ jahuä'canä ka̧cuä̧tö̧'inä. ¹⁰ Ucu cua̧ju̧mä̧ ajiya ppeyä cucuojanä po'tä cu̧nä̧huo'tä jä̧'i̧nö̧'a̧nö̧ huinäju̧, jahuäju ku̧huä̧ju̧mä̧ rö̧ä̧nä̧ huȩji̧na̧'a̧ ä̧na̧jui̧ynä̧mä̧ rö̧ä̧nä̧tä̧ ajiya rö̧ä̧nä̧ acuomettö̧. ¹¹ Juäi äna̧juȩ adiyä 'quiyö ademä ruhuo hue'ätö ttötta'ca jö̧nä̧ ji̧na̧'a̧ ja̧'hua̧ta̧'a̧nö̧ öotomä koro dauhuiyä ä̧na̧juȩ adiyättö'inä u̧huä̧mȩnä̧ päi'önä böo juoina'a. ¹² Ja̧'hua̧nö̧ ja̧'a̧nä̧ po'tämä ra̧huä̧ri̧pö̧ que'opö tticuino'tä ja̧'hua̧nö̧ jȩpö̧ rȩjȩ tticuino'tä ja̧'hua̧nö̧ jo̧mȩnä̧ kä̧ru̧'coppa kä̧hua̧ räopa'acuttu ichoppamä u̧huä̧ju̧ jo'ädö icuina'a. Ä̧na̧jui̧yä̧ adiya juruhuäji'inä 'toruhuächömä joi'ina'a; ocurätä kuhuö icuinö. ¹³ Ja̧'hua̧nö̧ ja̧'a̧ttö̧ jitämä juäimä de'a jui̧yä̧jä̧nä̧ ku̧nä̧hua̧'a̧ rȩjȩ joächächinä̧jä̧nä̧'inä ja̧'hua̧ta̧'a̧nö̧ ajiya jo̧ä̧jä̧nä̧'inä. ¹⁴ Ja̧'hua̧nö̧ ja̧'a̧, ä̧na̧jui̧yä̧ bäreuttö ocurä rȩdȩcuä̧chö̧ u̧huä̧ju̧mä̧ cuo'u icuina'a, juäi ä̧na̧juȩ adiyämä 'quiyömä juiya'a, ruhuo hue'ätö ttitta'ca'inä juiya'a. Pi̧yȩ ja̧'a̧ ajahuäcuähuämä ja̧'hua̧ta̧'a̧nö̧ ajahuäcuähuä jö̧nä̧ ra̧ttä̧cuȩ ja̧'a̧."