¹ Jria jaledaoca ljinitacadanaco liaji onia lrimecaocawatsa lisro ljiaji lipana ljiaji David njite narso njaji iofacape Jerusalenrico, lrima ljiaji namatsicana njite naopjitjá. ² Lriada jalredoca, lcatsa licaiteri ljiaji WAMINALI natalicana njaji owinai, nini njoa noawatsa nodalrenka njaji nepinatana njaji idolonai lriricodape ljiaji jipai na carowatsa coriwatsa nadecaro naawaipjiakerico. njoa tsacaotsa noaawatsa nodanata njaji inoparotacape caashaperi ljiaji nácaolre caopjitjádali lriacaro rioya ljiaji jipai. ³ Ninicada coamdalicatsa lridoa, njaji ideecapeni nashotsa nacaiteca lrirso: "¡Pjia coriwatsa caafica nini pjia cacoca ishatisho lipitananaco ljiaji WAMINALI!" Njite watsa pjiniri njite pjidoatsaca njaji idecape pjia nacadawatsa namjecoca ljinoparotacadana cowatsa. ⁴ Lriada jaledaoca nacoami njaji inoparotacape narsotsa capaimanikana linaco ljiaji nacaiteri nainitjacadanaco nanaoarotaca. Njaji inaparotacupe coriwatsa napieta nanacoca naroda meeyudaki namanetashopa njaji inaiki. ⁵ Nini njacoami padape nacaitewatsa: ¡Njoa coritsa inaparotacadaca njoa! Njoa pada ashia idenjicadaka jipai, nini ljiaji jipai opi licada njode njicaroni lempeticadanaco toa njoa". ⁶ Mitsa pada icaitewatsa lrisro: "¿Coca njaji pjiyaoni napeculica njaji pjicapi?" Njite lria lriepawatsa kaayaonicanjoa ljipanalico ljiaji nokitsinda". ⁷ "¡Macheta! pjicafia lricaete ljiaji iwapjacaitanjoa, ljiaji ashia tsomiritsa njooya, icatsa licaiteri ljiaji WAMINALI njaji owinai. Pjiña ljiaji iwapacaita njite njaji liwapanipe njawatsa njacoetewaka ¡Nini njoa njoawatsa nocapi nacuete njaji kenaperi. ⁸ Niniwatsa ljiyapawatsa ljia piomi lriricada ljiaji jipai, icatsa ljicaiterica ljiaji WAMINALI, ¡Nini yamapjia watsa lripamuyoaca jná njayoacaotsa! Njá inaiki nawayacaotsa; mitsa masalridashopa lripamoyoaca naofawatsa nini. ⁹ Njoa njoawatsa nodee njaji madalidashopa ripamoyoaca lrisho ljiaji tiyee njite nomjaitacaotsana cayo pamjaitacapisho palrata tiyeerico; Njoa nowiwatsani njá cayo pawicapisho ljiaji owiro. Njá nawanawatsa noipitana njite njoa njoawatsa njoepana njite nacaite: "¡Njatsa njaji nunaikite!" njite njá nacaitewatsa: "¡ LJIAJI WAMINALI lriatsa waDiote!"