¹ Lriajii waminalri lriijalramiita lriiajii yacoti Israel nainacu, apada lriijalramitanda lriajii wamiinalrii, lriiajiiio iimacaiiteto lrii Eno njite lricada lriipocodanao lriajii jiipai, njite lrinaitjatsaca inaikii espritoniwa iofacaope atsia naco. ² Icaokeeé wadepjiena nómaca nopadametaca lriiaji Jerusalén apana paiirracarroapasho, nafiocarroatsa najii inaikii yofacape lriicodapii, caitsacaotsa nonaitaca norso najii iwaopiacape matsi Judá icoete. ³ Lridaotsa, nonaitaotsa liipada jamiiñadalri lriaji Jerusalén piomii narso najii inaiki lriajii yomacadata jiirretaca lriaji jiipada, aimaotsa njedacao, njite piomi najii yacalre macacoepe yofacape ajii jipairrico njerretacacaotsa lricoete lriaji yacalre. ⁴ Lridaotsa, lricaiteotsa lriajii waminalri; noñaotsa najii caballo nafiocarroa, niite tanjiawatsa lriicapaca lriicapaca lriiaji yofacada lrinaco. Njite matsiawatsa nocada matjica naji nacaballoni najii lricoema. ⁵ Njiteotsa najii napiiyawalrenai Judárricoperri nacaiteotsa nacaolrerico: "Najji yofacape ajii Jerusalénrrico catsaotsa faiidaoca waminalrri naco lriiajii tsolro daonai IDiote. ⁶ Lridaotsa, nonaitjaotsa najii Judá yapiyawalrenai caijii tiiyena yemensho kerradalrii, njite kerracaotsa nja caiji camarraitasho, ima nja nawaya quetaotsa piomi naji inaiki lricodapiperrii lriiyekemjete perri niite lriipatolriemeteperri tsaca. Njite lriajii Jerusalén lriofatsenaca atsa ajii lriofalritsa ninji. ⁷ Waminalrii imanacocaotsa Judá yofacarroda lrinita, wade matsiapaca David ipaneta yacona njite najii yofacape ajii Jerusalénrrico, wadee nawada marsiapjaca nja Judá ⁸ iitepemii nacoiitjeperri ioyo Lriidawatsa lriajii waminalri lriidanataotsa najii yofacape ajii Jerusalénrrico, njite ninicada mjaidaperri nainai caicaotsa njajii Davidsho, njite Diosho caotsa lriajii David iipana caijii apada ángel waminalri icadunda napjeyalre. ⁹ Lriidawatsa noiinitaotsa nowayaketaca najii jiipai inócapeotsa jiipondata Jerusalén. ¹⁰ Mitsa nomenacaotsa David iipaneta irso, njite norso tsaca najii yofacape ajii Jerusalénrrico apada espírito matsiadalrri nacapacarrowatsa norso njua njayapalrii njite naiiyacaotsa nopoamii, caijii apada iiyacapiisho lrienipe apadadalritsa. Coyolreotsa naiyaca lriipoami, caiiji nacayosho najii iyacape mayancadanaco nainitanda nenipeca. ¹¹ Lridawatsa njaiyaca najii Jerusalénrricoperri caijii lriiyacapisho pia lriiajii Hadad Rimón, Meguido imalritsiapjirrico ¹² Naiiyacaotsa najii yofacape ajii jipairrico nacoetewaca: David niite lriipaneta, mitsa tecolretsa najii naninai, caitsaca najii Natán ipaneta, njite najii naninai tecolretsaca naoya najii atsianai. ¹³ Caitsaca najii Leví ipaneta njenitacao naoyawaca, naninai tecolretsa naoya najii atsianai, caitsaca najii Simei tecolretsaca naoyawaca, najii naninai tecolretsaca atsianai ioya. ¹⁴ Caitsakja najii apanapena iitepén njenitacatsacao naoyawaca, naninai tecolretsa naoya najii atsianai.