¹ ¡Icapa! A papia watsa jalredaoca Dio imenacaotsa ikjaolre njaji jitalriotsa ioya njaji inaani njite naacaotsa narsowacana icapatsa. ² Nowaketaotsa nacoami njaji jiipai macacoepe nainoacá-carro Jerosalén ikjoete njite njamaotsa njaji Jerosalén lricoperri. Nadee watsa iipana lrikjoite pjiomi inaani njite njepacaotsa matsicalri ricó njaji ininai nadakitá-carro naapiya. Nadee watsa preso pamoyoa lrinaikitena, mitsa njaji netepem namacaji corriotsa nayamitá carrona lrioya jliaji yacaalre. ³ Mitsa jliaji IMINALRITI lrimotoatsa lrinaitjácarro oowi nakjoete njaji yacaalre macacoepe cayotsaji Lrinaitjacajitsa mana oowi nakjoete. ⁴ Jliada watsa jecoapi Lrioca caotsa Lriemawa lrinaco jliaji Jiipana Olivo, jliaji yemalriwa Jerosalén icodapi jérri imotokema nakjoite. Lrimjecoaca caotsa yamemawa jliaji Jiipana Olivo, pema jérri imotokena nacojle njite pema Jérri shewalri nirse njite macaitecaotsa lrimjecoaca cawa jliaji jiipai lrioyawacadalri njite lripamoyoaca nakjoite jliaji Jiipana lriemacaotsa jérri iparrema nacojle atsialriema jle njite inarroema jle tsakja. ⁵ Njite sha ipito caotsa na pamoyoaca lrico, napecolrico njaji Iminalriti jiipanate ipecolrico, ima jliaji pacoacaitacawa jiipai naoyawaca-dalri lriocacaotsawa Azal nacojle. Cayoatsa ipitocawa ipito caojli pia canani caojli pia jiipai Uzia jiawajli pia, Judá itakricana. Ikena Lrinocaotsa JLIAJI IMINALRITI NO-DIOTE njite nanoca lriinai pjiomi njaji lrinaikite Matsiaperri Lriinai. ⁶ Corriotsa jérri icaná carroca jliadá, corri tsakjaotsa japecani, njiyte corrin tsakjaotsa pacapa coca caotsa icana. ⁷ Jliada jécoapi, icamitsa yajirrica inaco jliaji IMINALRITI, corri natsaotsa pacapá carroca jalrewerrico padadalri corrin tsakjaotsa pacapá carroca deepi, ima dainoma nacojle kjaida tsakjaotsa jliaji camarrai. ⁸ Jliada watsa jécoapi ooni cafídalri imotocaotsa Jerosalén lrikjoite. Njite pamoyoa lrinakjoite shecoatsawa Manoa nacojle jérri shewalri nirse, njite pamoyoa lrinakjoite shecoatsawa jérri shewalri nirse, camoi cádanaco njite oonia cádanaco. ⁹ Jliaji IMINALRITI, Jlia tsaotsa italricanataca anjí jalredaoca lrico. Njite Jliaji IMINALRITI, Padatsa Dio cani, njite Apadatsa Jliaji Lriipitana. ¹⁰ Cayoatsa pjiomi jliaji jiipai Arabá sho, Gueba nakjoite Rimón nacojle, atsialriema nacojle Jerosalén irso. Njite yenonrse catsaotsa jliaji Jerosalén. Lriemacawa lriema carrojitsa, Benjamín Ipananoma nakjoite, teeco jlinaa lrinacojle jliaji pantinoma nainitanda nanaitjaca, njite lriocawa lrionaco jliaji Pantinoma yacaalre iwai Itojiwi nacoda, njite yenondalri nakjoite Jananael nakjoite, teeco nanaitjacawa talricanati iipaneta irraope. ¹¹ Naofawatsa njaji inaiki Jerosalén lrico njite corrinatsaotsa DIo iwayaketá carrocana. Namaodaca caotsa naofacawa njaji Jerosalén lricoperri. ¹² Cayoatsa Dio jirrapitetacaotsa pjiomi njaji inaiki inaitjalri oowi Jerosalén ikjoete: Népe ipa caotsawa, napa tsakjaotsa njaji yemacapetsa. Corriotsa natji ipá carroca njewida naco, njite neenene ípacaotsa nanoma lricotsa. ¹³ Jliada watsa jécoapi Jliaji IMINALRITI Lricadaotsa nafiocawa pekirritsa. Njite naomaotsa nakitsinda ikitsindatacana, njite nakitsinda jinico caotsa nakitsinda ikjoete. ¹⁴ Judá tsakjaotsa inoacawa Jerosalén okjoete. Naniwa caotsa nanaani cacaoadaperri naoya pjiomi njaji apacoa jiipai nacope iofacape nawaida naco, nawirrote, napalratani, natsayan matsiaperri aimadalri. ¹⁵ Njite nja pana matsiperri jiwacaotsa nanaco njaji caballo njite mula nacó tsakja, camello naco njite borro nacó tsakja, nacoanamio njaji maaficalri iofacape naofacawa lrico njerrapita tsakjaotsa jliaminitsa jirrapitakjeti. ¹⁶ Njite pjiomi njaji inaiki namacalji iofacape nanco njaji jiipai macacoepe nanakjoite njaji ialriwa Jerosalén ikjoete, naawatsa pawalria icoami nácarro ná matsiadalri Dio irso, Natalricana njaji Tsolrodaonai aimadan lrikjaidatá carroatsa njaji nacatima taaca carroa lrico naofa cádanaco napana poco lrico. ¹⁷ Ima corri cadaotsa naawa pjiomiwa njaji inaiki jalredaoca lricoperri Jerosalén lricojle nácarro ná matsiadalri Dio irso, Tsolrodaonai aimadan Italricanaa, corriotsa Lricadaa carroca íyao jiwacawa nanaco jliaji Tsolrodaonai Italricanaa. ¹⁸ Njite corri cadaotsa náno Jerosalén lricojle njaji Egipto lricoperri, corriotsa iyácarroca nanaco. Jliaji IMINALRITI inocaotsa pjiomi njaji jalredaoca lricoperri corriperri iawa nirse, corrin tsakjaotsa nacatima taaca carroa nanaitja cádanaco Napana poco Naofacarrodawa. ¹⁹ Cayoatsa Egipto jirrapitaca njite pjiomi njaji apacoape yacaalre macacoepe corriperri iawa nacatima taaca carroa nanaitja cádanaco Napana poco Naofa carrodawa. ²⁰ Mitsa jliada jécoapi, cayontjaotsa nacaiteca njaji kjemaperri irrolriwa caballo jiipa naco: ''Pjienitaacawa Dio irso,'' njite njaji palanganapipe Dio iipana lricoperri poncherapipe shocana altar irso. ²¹ Niiniotsa pjiomi njaji narrodape Jerosalén lricope njite Judá lricope tsakja njenitacaotsana Lriso Jliaji IMINALRITI jliaji Tsolrodaonai Aimadan Italricanaa njite nacoanaa njaji iinocape maaficalri nayana caotsa naiñja carroatsa nanakjoite. Jliada watsa jécoapi njaji comerciantenai corrin natsaotsa pacapá carrocana Lriipana lrico Jliaji Tsolrodaonai Aimadan Italricana.