¹ Paniya yapaka jimi liumali likaiteka liaji waminali: " pienkukau nite pikaiteka liaji piyapali nasru naji jipana; pikada nemika piakuami naji jipanadape. ² yapaa jimi likaiteli inaku liaji waminali, tsa jipana, nite tsa napaite taraperi nemetakasruna. Matsi liaji iminaliti liuma likaiteka pada yakuti iyakalenaku, linuakakautsa aimaweriku ima liapiya liaji Israel. ³ Nuyakale, ¿kukanunaita piapiya?¿kuada keerua pjia nuapiya?¡ kuada kaku pjia nunaku! ⁴ Nukada pinu lipaitenakjuite liaji Egipto nite nutapia napanarikuite naji jiraapitakapepiasha. Numenaka pikaujle Moises, Aaron nite Miriam. ⁵ Nuyakale, piwaupia liumali linaita piaka liaji Balac, liminali liaji Moab , kaitsaka likayushu liaji Balaam, jlisri liaji Beor, liepakani liakadanakua liapuwariku liaji Sitim aaji Gilgalrikujle, liapakaru likapa limatsiaka liaji liminali. ⁶ ¿kukantanude lisru liaji numinali, nutatakadanaku linai liaji nudiote yuwakada yenonsre?¿Jnununta likjaule nudeninpe imalemitsayapiya, bakeni isrukada paada kamui? ⁷ ¿katimanta liaji numinali nudekadanta juure lisru carneros nudekanta diez mil liarukakja liaji mateka?¿ Nuakanta nuenipe nupadanale numepakan ikuada, nunaitanda ima nudakitsu? ⁸ likaiteka pisru, atsia, liaji matsiadali liumali pinai liaji waminali; pinaitaka matsia, pjipeyu pikitsindataka nite piemanikau kenadalitsu Dios iinai. ⁹ Jliaku liaji waminali jnemikenan aaji yakaleriku, paniya, liaji jnanikje jnemikjena liaji lipitana." Pjiapa pikapa lisru liaji jaikufi nite lisru liaji yemetakadan. ¹⁰ Juure jnanani napanariku naji yufakape matsidalinaku nite juuretsaka naji kuriperi papeyu pakapaka. ¹¹ ¿kapjanta nutaitaka jnupeyuka ape naiki ipeyukada iñaituetaka, jliñaituka jliwikasrunanaku? ¹² Naji atsianai kananipe pakankana matsidalitsu, nayakaleta napeyuka nakatsatetaka nite liaji jnenene pakankan iitsatishu. ¹³ Nini, paniya nuñapja pjia kaidapja jnukadapja kayuani pjia, jnukadaka kjena piufau pjinaitanda iima. ¹⁴ pjiñakadanaku kuriutsa pikuajlekan; mapakankaka pjia pidakiriku. Piwaketautsa pinaniu, kuriutsa pitaita pidanatakana, nite naji pidanatanipe, jnuakautsana matseta yapiya. ¹⁵ Piapanautsa, kurikadeka jlimutukarua; pipuawatsa linaka, kurikadeka pidataka jlitishu; pipitsiuka jaikuteda yaana kurikadeka pirakarum. ¹⁶ Naji yakuti jlinaitanipen liaji Omri jnamatsieteninana, nite lideninpetsaka lipaniriku liaji Acab. piemanikau kaiji likaitekapishu. kaiwatsa nunaitaka tsa, yakale, kenakautsa tsa, nite tsa, yufakape lirikuda, jnakakautsa iikau, nite kuriutsa naumakatsa nunaikite kapuatsa.