¹ Panaya iwaketacao, inaitacarroena oowi, jía naitonaipe njaji oowina; njaji sholrodaonai opi nanaita nayacalrewa lriwaida lriaji yacalre, apápo jaicoapusho neñawasha lricacodanaco lriaji naatalricana njaji Israelnai ² Mitsa pía, Belén Efrata, ninitasha tsocoecashapia nanacoite njaji Judánai, mitsa pinacoitcotsa lrinoatsa lriaji naminalri njaji Israelnai, njite lriaji lrinocarron opidalricatsan, piketendalri jalredaoca. ³ Niniwatsa Dio watsa icadacani até lriocakenao lrinana kenipecarrono apada uachiada, njiteotsa njaji lriwenai, nadiawatsa yacalre Istaelricolre. ⁴ Njite lrinicoatsao lriwapacarro njaji lrinaite waminalri jidásho lripinanaco lriaji waminalri i Diote caidadalri. Namawadaca watsa naowacao, ima caidadalricaoshani piomi jalredaoca iwayacacalre. ⁵ Lricdaotsa wamawadacaca. Namocadanacoatsa fapaitenacolre njaji Asirionai, nanocadanacoatsa lricaota lriaji yacalré wenicowatsa nacoete siete (7) daotsa pekipenai njite ochoda naminaiwa, iwapacape njaji aachianai. ⁶ Njite nawapaotsa lriaji jipai Asiria matsetasho, njite lripanomashca lriaji jipai Nimrod. Njite lriyometaotsawá naoya njaji asirionai, nanocadanacoatsa wapaitenacolre, nanocadanocoshacaotsa wapaite yocacawawa. ⁷ Njaji Jacob itepen naowacaotsao napecolrico njaji inaiqui aimodan cayoatsaji itamana Dio njitcdalrisho, cayotsacaji iiyao jiwacapisho malritsinaco, corrin nawapa aachianacoite, njite corrintsaca nawapaca nenipenacoite njaji aachianai. ⁸ Njaji Jacob itepen naowacaotsao napecolrico njaji aimadan inaiki cayoji yawi iowacupisho napecolrico njaji maficalri awacadalricoperri, cayoshacaji yawi caidani iowapisho napecolrico njaji, oveja nacorrarrataji, njite corriwatsa coca iyómetana. ⁹ Pirretaotsa pinapa nacoete njaji picoema, njite pinocaotsana. ¹⁰ Lriyapacadana coatsa lriadá jalredaoca, waminalri iaco, nocadaotsa naino njaji pí caaballon pipecolricotsa njite nobititaotsa njaji picarron. ¹¹ Nocadaotsa nainoca njaji yacalré pipaiterricoperri, nomashiketaotsa njaji pidana. ¹² Nowayaketaotsa pioya lriaji malrirricalri, njite corrinashaca concaolre pirso apada ichootacada. ¹³ Nowayaketaotsa njaji nanapían inaitaji, njite njaji jipada nemacarrona aaji ipecolrico. Corrinatsaotsa corrinatsaotsa coancaolri piaca matsiadalri narso njaji pinaitaji picapisho. ¹⁴ Nopecoatsa lripocodanacoite lrinapian lriaji Asera ipecolricoite njite nowayaketaotsa njaji piyacalre. ¹⁵ Mini nowayaketacaotsa noirroasho piomi njaji yacalre corriperri jimi norso.