¹ Mitsa piketendali jaledauka WAMINALI iipana iufawa nanaku naji awakadadape. Njite njarretakautsani nanuku njaji jipanada njite nakautsa nisre nakautsa lidesre njaji yakate. ² Aima jiipai nakaotsa njite kaku tsaka: "Inuena, ferrao likaute ljiaji WAMINALI lipanalikole liaji Jacob iminali. Likantaka wawa liinipute liku njite fa wemanikautsa liniipute liku." Mitsa limutuotsa Sion nite lriaji WAMINALI imenakanda fepa, njite waminali yaku Jerusalen njite. ³ Likaite watsa pakuaka nashu njaji aimape jiipai tekjuitepe. Nainita njanaita naa matsewan njanaitakarru tsaluna njite moloco nata karru jiipai. Apada jiipai kurrin litaika lrirretaka lri matsetan lrikuete lriaji apada jiipai. Kurrin tsaka nakanantawa uuwi ikaya. ⁴ Njite naufawatsa liapjite lriaji paniati ikarapikape napjite tsaka higo jaikuna. Kutsakuka ifietaotsana, kaku kapua naa talikana nja tsurudaunai linuma lihjuite. ⁵ Kaitsa nemanjika, apada petsa nja yakale nadiote ipitananako. Mitsa faa wemaniotsa lipitanaaku WAMINALI liso kaidaliwetsa. ⁶ "Lriada jaledauka, WAMINALI ikaite, "Nuwaketa pokjopokjodali njite nuwanaotsa nja kjenapen, njakan nukadanpe kuyule. ⁷ Njupadameta lria pokjopokjondali litenpe, njite njaji napekunpen kainji yakalekjaidalisho, njite njua iminali, natalikanata kaotsa sha lriawakada lria Sión jaledauka kuan. ⁸ Nukada watsa pjia, ikapakada liufakarruda lriajioveja, jipanada lritu lriajiSión linuwatsa pidesre pitalikanata upidalin nini nuwalidalitaka pjia, ruyada shuaji Jerusalén itu rutalikanataka. ⁹ Panaya, ¿kuada piwanetakakau kjaida? ¿Pja kurrinka isu iminali jaledaukariku? ¿Uupi mayan lriaji ikatekada sha? ¿Lima matsi pjianiakakao, kjiaji kenipekashu shuaji inarru? ¹⁰ Kaiwi pidjenika kenipekapishu pjia, Sión ituu, kainji kenipekapishu shuaji inarru. Panayaotsa pi mutuka yakate yuya, piufaotsa teku yakate yuya njite pikaraswa Babilonia le. Nisre njafaotsa pjia matsidali yuya. Nisre piminali jiitaotsa pjia nakapi yuya nja matsipe. ¹¹ Payana jurse naji yakale nawaketakakau pikuema; nakaitepe nja naitjepe: " Pikada pja namatsikakau; pikada watji imatsikakau Sion naku". Inuparrutakada ikaite: ¹² "Kurrin nanji piminali yanjike, kurrin nanji kuanshu paka lianji liumali, liwaketakana kainji liapana ikauya arrushuperi. ¹³ Piminali ikaite: "Pjiretakakou njite piniwa Sion iitu, njunaitaotsa pi tsuwau tsipalanape njite njunaita pi tsutawa tsipalana. Pi patuetaka pjiumiyakale. Njupaotsa linani nushuwao nananiperen, waminal aimadali iinana nu shuwau limanali pjoumi lia jaledauka.