¹ Efraín iñjaka kauliriku nite jliaka jliapudan jliaji kaili ipiakada jeri imutuli nite. Jaledaukakuan jlimaimataka jlitsaa nite jlinuka jlikitsiñape. Jnanaitaka walidali yakuti napiya naji Asiria jlikuperi nadekasru olivo iiti Egiptojle. ² Waminali jinaitatsakautsa matsidali Judánaku nite jlikadautsa matsi jliyapakau jliaji Jacob jlinaitanda iima; jlikauñaka srun. ³ Sruwawasrikuite sruaji jlidva Jacob jipaka jlikitsin iikusrudanaku, jliatsiakasriku jlinuaka Dioyapiya. ⁴ Jlianika Dionaku, nini kakuka Diojlisru. ⁵ Katsa jliaji piminali, jnaminaminali jnai tsuludaunai; "iiminaliti" katsa jlipitanaka panika srudan. ⁶ idia yuma iiminali. Imatsietaka kliaji yakuti jinaitanda jliapiya nite jlimatsiaka, nite yapaka Dionaku kaidalitsa. ⁷ Naji iwendekape nasruka jnawikasruna naka pisriku namanietatsupa; napeyu nañaituku. ⁸ Efraín yaku: "Paniya jnua kananidalika junua; jnuketaka jnunaniu jnufatsupau. Kalaimi naji nudeninpe kuriutsa jnauketaka matsidali nusru, kuridaliutsa nutaita nudawaka. ⁹ "Jnuatsa iimitali idiute lipaitenakjuite liaji Egipto. jnudietautsa yufau ipanasriku, kaiji ikatimatakakudanaku. ¹⁰ Kakunua nanumasrikuite naji nusruperi, nukada netapun jusre iisru jnakapisrikuite ite naji nusruperi nukada yanitsupa." ¹¹ Juree matsikaji Galaad manikapen naji yakaale. Raji Gigal nainuka naji mafilkali katsuwaperi, natatakawa nainai naji nadiute nafakautsa kaiji jipadatsu. ¹² Jacob ipitukau jlipaitenakule jliaji Aram; Israel iidenika jlisrukaru jlinua; nite jliapaka naji ovejas kainukasruatsan. ¹³ Waminali jitaka liaji Israel teku Egipto yuya linumasrikuite liaji linaidali, nite linaidali ima liapani. ¹⁴ Efraín ikesrutaka liaji waminali. NIni liaji liminali likadaka liasrua lirana linaku lidietakasru limatsikana linkulee.