¹ kakukadanaku jliaji Efraín, Kanani jipai. Lipadaretakakao Israelriku, likadakao kamatsika-dali Baal naku nite mayamin. ² Panaya, njanaita matsidai lipeyaleu. Njanaita nja apian tsipalasho napalatansho, njanaita nadiotewa takadalitsa, kuankatsa, pjiumi njanaitanpe naji idenjikape tursupe. Nakaitepe njaji naiki nanaku "Njaji Atsianai inukape vacani naputsukan". ³ Kaikautsana iiyadauka piyunpinakudali, kainiji iputsietakada piyunpi naku lriawa depitua, kaiji malritsi sho lipekoka jipai lrikoleni liaji kauli naniwakarroni, kaiji itakati imutukau tiyewa lrikjuite. "Nite njua Iminarri idiote Egipto jipaite. ⁴ Njite sha kurri yuma apada Diote nuya; Njite sha matsa tekole nuya, kurrin pakapa apada imatsietakada fa. ⁵ Nuanji sha metaweriko, Jipai metawerriko. ⁶ Isro pia malritsi, njite Ipjakantakao, njite ipjakantaka kenao; Jirreteka ikaulre. Nini imaudakaka nuya. ⁷ Irima nupadamakao yawi katsikoleni nasho; kainji yawi sho, Nuwapaka nukapanji isho iinipulriko. ⁸ Nuwapa numetana kainji aatesho, nañaito kapua lrienipe. Njumeko Nakudalriku Nuijakarruna kainji yawi katsi-kolenisho, kainji mafikali awakadali nutse-rrentaka lripadape. ⁹ Nuwayaketa ka sha, Israel; ¿kuka itaita ikitsindataka sha? ¹⁰ ¿panaya kjerre italikana, pja lritaita irikitsindata kasha pjiumi yakale?¿kjerre njaji italikanati, ikaitenpe nosho: ya washo apada watalrikanawa njite apada lrienipe lriaji watalrikana?. ¹¹ Njua isho ita-lrikanawa nuirrua lriki njite numetueta sha irruatirriko. ¹² Pakjan lri matsikana lria Efraín; pakjan lrimatsika isho. ¹³ Kaiwidalrí yukaw lridesre, mjepakadalrin nenipeka, lrimoto kenau kawidali yuya, kurrin watsa lri-moto nawawarrikjiute. ¹⁴ ¿Njutakana lrikapirrikjuite lriaji naufetaka-daliko njaji mayanpen,? ¿pja njutakaot sana mayankali yuya? ¿kjerre, mayankali naufau njaji puati? ¿kjerre, naufetaka njajimayanpelri pi wayakakarrowa? Dawakalri nutji yuya lriaji kjenakalri. ¹⁵ Nintsa lripejeyalreo lria Efraín lriwe nai yuya, njite Lripia watsa Jerri imutulrinjite; lrikaulrena iriají wamina-li Lripia metakawakriko. Meta watsa pijiumi naji jaiki, putina nji-te lriunite lriaji Efrain. Lripunda iwayaketa lrijauda yufakarruda njite lrinani matsiape. ¹⁶ Samaría isho matsikalri, ruemaka rsu diote ikjuete, Njewakau lri malriyen naku; nenipe tsudalipe nayuna tsupetsana nji nanjaítjepetje kewendape nja tsenrentakana.