¹ Dopipía yempeticadana cotua Israel, nopeyomdaca, Nitee nowanaca liaji noenipee paferico Egipto ioya. ² Nowanacadanacupani neenitapacao nuya. Nainucaa mawicali bales iso namaitaca pomenidali nadiote isho. ³ Ajadalitsa, noatsa icanantapia liemaniwa liaji Efrain. Nuapiatsa ldejin nonaapanaco, curim najipia noasa yapaana. ⁴ Nodecana atsia yaniketso nopeyocapaa noa. Noatsa liaji íkitsimdatacana jawinadali yuya, kena nucapa natsa nua naiyawua. ⁵ ¿Currim nadiacarú Egipto sre? ¿Currin Asiria italicanatacana, cuadao curim naima nadiaca noicaole? ⁶ Jli matsetan jiwaotsa nayacalerico nite limatsiqueta naponamumai jli matsikaotsa naomali nanaitaca. ⁷ Naji nonaiquite nenitacao nuyaa. Nintasha nutataca line liaji Yenunsredali curiwatsa cuaca ikitsindatana. ⁸ ¿Cuantsacamta numacaca pia, Efraín? ¿Cuantsacamta nuaca pitsho liaji, Israel? ¿Cuantsacamta nunaita iso nacayusho aaji Adma peri? ¿Cuantsacamta nunaita iso nacayusho naji Zeboim peri? Opi lipadamao liaji nucaule; Piomipa kenaca nucaoka jia. ⁹ Curim nucada itso liaji nuisrua; curim nupieta nuwayaqueta liaja Efraín. Nuatsa liaji Dios curim ashiaca; nuatsa liaji mashiadali ipetico, curiwatsa nunaca nurualico. ¹⁰ Naca liapodan liaji waminali; liemataca caiji licasho liaji waminali, liemataca caiji licasho liaji mawicari queruani. Liematawelico, lienipe inucaotsa itetecaperisho jeri rewali nisre. ¹¹ Nanuatsa nateteotsa nacasho naji wipiaru Egitpo peri. Nacasho naji tsutsubo aperiaji Siria. Nacadawatsa kauwa napanatico, caiji liaco liaji Waminali. ¹² Efrain icashatela nua, nite licashata lipalico Israel. Liaji Juda tecotua Dios yuyam, licuematua liuya liaji Mashiadali".