¹ Salomón inaa pia tsakja nanaitjaca apana altar bronce sho irsocada nueve metro jliwalripaca, nueve limacaiteca, cuatro metro njite pamoyoa pja paita nacojle lriyenonca. ² Hiram inaitja tsacja broncepe sho paapji ooni iarrodao, irsocada coatro metro njite pamoyoa pja pada naco lrinoma imacaiteca, lriyenonca irso pia yamada metro njite paita pja pacaapi lrinaco, njite pjiomi lrimacaiteca matojledá dalri lrirsopiaca trece metro njite pamoyoa pja pada nakjoite. ³ Lrinomapi iapjite jliaji ooni iarroda lricadaa coyada shoperrie irroa, nanaitjana lrinacotsa jliaji ooni iarroda nanaitja cádanacotoa, lricadaa papocotsa die coyadape shoperri yamaita pacaapi natecoca naoyawaaca. ⁴ Lrinaitja tsacja doce buey jinaana lricadaa carro nanaco jliaji oonio iarroda. Lricadaa naiwapjitaacacawa njaji buy lrinaitjaji, madalrina icapa jerri imotolri njiteo, madalrina icapa jerri ipatojliemajle, madalrina icapa jerri jiewalri icjaolre, njite madalrina icapa atsiajliemajle jerri irso. Niini jlaji ooni iarrona lriofaca nanaco njaji buey. ⁵ Coatrofi pacapjifida jlipandaca jliaji ooni iarroda, Njite lrinopai jliaji ooni iarrodao cayocani copa inomapi sho, lricadaa carro lrinomapicja imotoa potirapje sho. Jliaji ooni iarrona jlipa pia coarenta coatro mil litro ooni. ⁶ Hiram Inaitja die iarropetida ooni iarrodao nacotsoshopa njaji nadenjishopa Dio iipana lrico namjaita cayaami njaji ofrenda shoperri; lricadaa cinco iarropetida iemawa pema caitsakja pema. Mitsa njaji sacertotenai nacotsoacawa lrisho jliaji ooni macani iitada lrikjoite. ⁷ Salomón inaa tsakja Hiram inaitjaca die lampara shoni owirro sho, njite lrinaitjana cayotsa nanaa capisho lrinaitjaca; lricadaa nemawa Dio iipana lrico, cinco pema, cinco tsakja pema. ⁸ Lrinaa tsakja nanaitjca die mesa lricadaa carro templo lrico, cinco pema njite cinco tsakja pema. Lrinaa tsakja nanaitjaca cien poncherapipe owirro ⁹ Lrinaa tsakja nanaitjaca yacalrecoa shoperri panti iwawalricotsa nawacaaca carrocao njaji sacerdotenai, nacoana njaji yacalrecoa shoperri narsoca napananoma naijetanta bronce sho. ¹⁰ Lrinaa cadaca jliaji ooni iarrona ´panti iyekema nacojle, jeerri imotokema nackjoite icapacada atsiajliemajle jeerri irso. ¹¹ Hiram inaitja njaji lampara shonipe, pala napeco shopa palripokjoa, njite njaji ponchera fiape naarroshoda nawitsieta shoapawa altar naco. Cayo pia Hiram idenjica talricanaati Salomón irso Dio iipana lrico: ¹² njaji yaamada pantipje, njite na tsapeewan nanacope ponchera shoperri, njite lrinaitja tsakja corrarra nadanawa njite lrimatsiacapo pja njaji topji itsapewan. ¹³ Lrinaitja pia cuatrociento coyadape naicaona njaji yaamana topji itsapewan icorrarran nacope: lricadaa nerroa yamakjapewa nanaco njaji corrarra idaanatacape njaji topji itsapewani. ¹⁴ Lrinaitja njaji die ooni yarronape njite njaji naofa carrona; ¹⁵ aapana ooni yarrona nacani njite njaji doce buey lriofalri inaco jliaji ooni yarrona, ¹⁶ lrinaitja tsakja njaji palanganapipe, pala, aima tenedor natodashopa lripe, njite pjiomi nja paana pja canacairri nadenjishopa. Jliaji ianjicadetsa idenjica, Hiram, inaitja pjiomi njaji talricanaati Salomón irso, Dio iipana icaonada, bronce lriketitaji matsia sho. ¹⁷ Talricanaati Salomón inaa pia nadenjicana malritsicoa Jordán lricoda, caalri rico njepaite ioyawaca njaji yacaalre Sucot njite Seredata. ¹⁸ Cayotsa Salomón inaa nanaitjaca aima palangana shoperri; corri pienatsa nanjii coshoca lrimaimaca njaji bronce nanaishopana. ¹⁹ Salomón inaa pia jliaji inaalri nanaitjaca pjiomi njaji Dio iipana lricope, jliaji altar owirroni, jliaji mesa nacadacawa lriorsowa jliaji petje icaitecada ninica Dio; ²⁰ jliaji lampara jirriconaa fie, njaji nacadaji kerraa carro panti iwawalricojlepja nanaitjanda owirro matsiadalri sho minintsa pjiomi; ²¹ njaji potira shoperri, nja lampara njite njaji napatoita shopa, nanaitjana owirro sho mintsa pjiomi. ²² Cayo tsakja njaji nayoa shopa lampara itsipo iemjen, poncherapipe, cuchara shoperri njite namjaitacawa lrico incienso nanaitjacana owirro matsiaperri-sho pjiomina. Coshoca jliaji pjewacawao lrirso jliaji panti, njaji pantinoma lriwawalricoperri njaji iacape lriricojle jliaji patawajle corricawa pacapa imatsicanaati, pjiomi njaji pantinoma Dio iipana lricoda nanaitjaca owirro matsiaperris-ho.