¹ Nataita cayami nadenjica pjiomi jliaji Dio iipana Salomón inanda nanaitjaca, Salomón icarseta jliaji Dio iarcan lri-ricoda jliaji panti Salomón jinirri, David jienitanda pia lricaonada, coyoca njaji palraata, owirro, pjiomi njaji panti iitada lricadana namatsietacawa lrico njaji Dio iipana iyarroaji. ² Njite Salomón nawacaaca carroa Jerosalén lrico pjiomi njaji pekipenai Irael lricope, nja tsakjanjaji nanaikika jiwidaapo njite njaji naapaneta jiwidaapo nacoanaa Irael lricoperri nadee carro jliaji arca, nacadaalri irricoda wa-Minalri iacoarom nadananda David iyacalre rikjoite, Sion, lri ricoda jliaji Dio iipana macade. ³ Nii pjiomi njaji Iraelnai nawacaacawa talricanaati ipeyajle, nacatimataaca carropi rico, siete keerri naco. ⁴ Nawacaacawa pjiomi njaji pekipenai iraelitanai, njite njaji levitanai nawaakje jliaji arca. ⁵ Nadee jliaji arca, nadee tsakja jliaji lripanapoco natiotanda pia lrinaco, nadee tsakja pjiomi njaji lriitada matsiaperri. Njite njaji sacerdotenai levitanai inanakjoite perri icatsa njaji ideericana. ⁶ Talricanaati Salomón njite pjiomi njaji iraelitanai nawacaacawa arca lripeyajle nainó carro oveja, buey corri perrinatsa pataita paniweetaca. ⁷ Njaji sacerdotenai, nadee jliaji wa-Minalri iacoarrom ipatowani lriofacawa lricojle, lriwawa lricojle pjaa jliaji Dio iipana, najirrica Patawajle corricawatsa paca Imatsicanaati, nanapje iapjite njaji querobinai. ⁸ Nanapje njaji querobinai napiajletampe iita arca iofacawa, arca fie njite njaji jaico nawakje carrona. ⁹ Jalripaperrica njaji jaico nawakje carrona niini pacapacana patawajle nakjoite, lricomjete jliaji corricawatsa pacapa imatsicanaati, mitsa corritsa pacapjencana padanjete. Cayo mini actsana panajiete. ¹⁰ Corri piatsa coca-caa lritada jliaji Dio ipatowani matsiadalri, icaamitsa njaji yamaita jipadaitape Moisé icadaalri pia Horeb lrico, Dio inaitja caojli pia iacoti naapiya njaji Iraelnai namoto caojli pia Egipto lrikjoite. ¹¹ Njite namoto cádanacoa njaji sacerdotenai lrioya jliaji Patawajle Mamatsicana-cawa ioya, pjiomi njaji sacerdotenai jiewalri nirse namamatsicanataacacawa Dio ipeyajle padeenirri, corri cantja nawapa papoco jimao cádanaco. ¹² Nja tsakja pjiomi njaji levitanai icantacaperri, nainai tsakja Asaf, Hemán, Jedutún, coshoca njaji neenipe njite waweenaipe tsakja, njeeta natsayaniwa jeerriwai máca matsiaperri sho, nakjemata parratoita shoperri, arpa njite jaicoita keñadaperri, nemawa jeerri imoto kemjeteo altar icodapi, njite neema tsakja nainai ciento vente sacerdotenai ipjiacape na-trompetan. ¹³ Nini njaji icantacaperri naapiya njaji ipjia cape trompeta, matsia pjemica namaolrena njaji nadenjirri yamapocope, nacadaa pjemica matsia namaolrena paa carro matsiadalri Dio irso lrimatsiaca ikjaote. Nacadaa ojemí carrona nasho nja trompeta, parratoita shoperri njite paana pja natoocaji, na canta, naa matsiadalri Dio irso cayoji: ''Ima matsiadalrica wa-Diote, corri capoa jlienawa riacoam ioya caidalriwenatsa.'' Ikeena jliada nacotsa pakjamica Dio iipana iwawalrico iyadaoca sho. ¹⁴ Niini lrikjaote jliaji iyadaoca, njaji sacerdotenai corrinatsa coaji nadenjica Dio iipana lrico, ima pakjamicani Dio imatsiaca melremelredalri sho panti rico.