¹ Imata pa-matakabi Debora yajawa Barac pejjunato Abinoam, najjuanü-beje ma-pawajije. ² Pakujinae pe-matakanukaejawa pita pe-itorobanükae nejja Israel jawata. Pakujinae jivi nanaka-najeta pija kuenia penabenejja, pajjamü pijinia pa-tonajjuanajü waja tujjanenü. ³ Pajermetaima, nakua pa-nemata kanukaenü. ¡jjanü to-najjüanainajü WJA TUJJANENü; najjuanainajü WAJA TUJJANENü nejja, Israel pija DIoso. ⁴ Waja TUJJANENü, pakujinae pitsapame seir wekua, pakujinae Edon wekua poname, ira natjünüta, tabojjo-atanajuaba; itsiata-bajjü pajubo jjaina mera. ⁵ Waja TUJJANENü pitabarata ibo-jumatsütonü-ata natjünüta; bajara pakuania Sinaí unu ata natjünü waja TUJJANENü pitabarata, Israel pija Dioso. ⁶ Samgar pija matakabianu (Anat pejjunato) Jael pija matakabianü äenamatajjainae namutonü penete jeba, pamonae pe-ponabiabiwini saya ponabiaba petojjoror kaejawa. ⁷ Kaenü majjüto penabevi jinonopa Israel jawata. Jjanü Debora, pitajü tomatakanukaejawa pakunia pena pita pe-itorobinü kaenejja Israel tomara. ⁸ Pakujinae bajara pomonae pita pejana dioso-wi tomara baupata nabe-nabena itsiata jane aponapebetsi penawa jjunai karanatsi jawa (jawanü) yajawa kuerebo cuarenta mil pajibeje Israel jawata. ⁹ Tajamatabütjüto barüya israel pija pematakanukaenü jawaberia, kaekuenia pajiviji pijahuenia to-ponaria pajjanü pa-Bendiciebajü WAJATUJJANENü pewunuta bajara pamonae! ¹⁰ Najamatabu jjainare jjüataje-jjamu ne-ponaejawa peniojae burro-ta eekame pepona juma jawata, jjamü ne-yajawa ponaejawa namutua. ¹¹ Namujjunae ewere pejume pe-najjuanaejewa mera apaewi, bajara jota natsipaeba pejana kuenia pe-kobekawü kuene WAJATUJJANENü pejjania jai jawa, pe-kuene aitatsa ka jawa Israel jawata. Nejjata WAJA TUJJANENü pija tomara desendiewa (ramaika) bajara panakua baupa itabarata. ¹² Naükore, Naükore, Debóra ¡Naükore, naükore, najjuanare kae waji! nanatapunare, Barac, ne-taikainejja nija pena nekonitsiwi jjamü Abinoam pe-jjive. ¹³ Nejjata apo-petupaevi pona pejamabü jjaneponaivi jawaberia; WJA TUJJANENü pija tomara rena yajawa penabe kuene-saüvi jjanü jawaberena. ¹⁴ Ponarena Efrain jawawerena bajara pamonae pe-jinonopaevi Amatee jawata; Benjamin pija tomara kapuna pona, Maquir piji tomara runaeka pija penama takanubenaevi yajawa pamonae Zabulón pijivi pekaponaewi pe-itorobi naebo. ¹⁵ Isacar pija principevi kaejawata yajawa Debora; Iscar ikani kaejawata Barac beje, yapuna kotokaewa waya jojawa pe-itoroba ponaponae jawata, yajawa Rubén pija monae najamatabü kuene jaita penabenejja. ¹⁶ Detsajjuitsia ekame isotota, jumetaejitsiamü dajabi jume? pakuenia Rubén pija manae penabejawa naja matabü kuene jaita. ¹⁷ ¿Galaad makapata Jordan itsamujjunene jawaberena; Dan, jane eka jera mujjübüruta najamatabujjainaya? Aser nuka mene mujjübürüta nejjata ponapona imojjoyo pinijimonü peyaübiponabo. ¹⁸ Zabulón pija wiria kaeto-ata apo junawi pebejawa tsipe. tupaejawa-ata apo-junawi, Neftalo, ata, penabe vayapjota. ¹⁹ Pe-matakanubenaivi pata, nabia; Canaan pe-mata kanubenaivi nabia taanac jawata kaejawata mera Meguido yajawa. Jane apokaponae kae palata ata pakuenia botin. ²⁰ Itabojjowetsika tulupu nabia, pija namato berena kuijinae nabia irabojjota sisara wekua. ²¹ Cisñon najato pe'nakaituatsi jawa, bajarajjüá perüju najato. Cisñon najato. pona tawajünaya ta-jumalia, ayay saü. ²² Nejjata najumeta caballo tajjü-zopa, kapona pija pe-itatsakanü. ²³ ¡Maldiciebatsi Meroz! jumaitsi WAJA TUJJANENü pija angelnü. Pe-jjania jai kuenia maldiciabame nija jivil tsipaji bajara pamonae apa-jaitsi kopiaya pe-yaweno nainejjatsi WAJATUJJANENü - WAJATUJJANENü pe-yawenonay yaniwatsi penabewi jawata pia-saübejevi wekua. ²⁴ jael ayay kuenia benciebatsi dajjita petiriawi wekua. Jael (Heber pijawa Quenita pijinü), bajara powa ayay kuenia bendiciabatsi dajjita petiriawi wekua pe-jinu nopaewi pekanajitsiboota. ²⁵ Pebinü wajüta mera bajaa powa rajuta vaca mi-ioura; bajara powa to-karena mantequilla-tsapato pekajjaewajji principe-nü-nejja. ²⁶ Bajara powa nakabeyaütaba pekanajetsi-boo naeja wata, pekobe kuajanania waitaba pekatsakitsijawa kopae penakuenabinü matatsunta; bajara pa pekatsakitsi jawa bajara powa bia sisara, mata tsapatajjuaba. Mata sarabia bajjuaba itsa mataboko yasi pitsataba. ²⁷ Bajara-ponü tüpajunüa pe-tajjüjawata, bajara ponü bokajunua barakota, petajjü kanakuijitsia jopa yauwenaya, petüpajonejawata bajara jota pepua tüpae ayay kuenia. ²⁸ bajara powa taenaka ventana: ponö jawawerena. Sisara pena taenuka peyana-itakaranatsi jawata najamatabü jjaniaya wajüta, ¿jane pija koipai-mo najemata bitsi pe-renajawata? ¿baitsijane caballo tajjö-zopa najemata puya jononokae jawa pija kopai-monü. ²⁹ Princesawa bitso peyaputaewa, jumekanawiata bajara powa kaejume jume kanaviata. ³⁰ Bajara pamonae apa-kajjinae apo natsanae-ata pe-nakabetojjotsinejja? ¿kae matriz, najua matriz jawabeje kae-pebi janakuikitsi, bajara pa-botin pese pe-tsaötsijawa pe-tsautsijawa pe-katunuejawanua, najjüa jawa pe-kuaibositonejja pamonae pena kabetojjotsivi. ³¹ Nejjata dajjita nekueyavi tupaena, ¡taja TUJJANENü! jane panena-jua pona pona jivi beje be-juameto kotia tsane pakuijinae yotsiana pe-asaü jawa. "ira jamatejema jjaina cuarenta pawai-beje.