¹ Israelitamonae ejjana pebisiakuene watujjanenö pitabarata bajarajuakujinae rajuta madianistas-wi pe-kobeta siete (7) paweibeje. ² Madian pejamatabö kuene sauta bejiubi ejjana Israelita monae, Madian pejamatabu kuene Israelitawi nakuenawa penamatayabi tajjunae bajara pakuenia itsaibowajü nakuenaba penamatayabinejja. ³ Israelitawi Kae peubikanakujitsi, modianitaswi yajawa amalecitawi beje itsa tomaranüpijiwi yajawa pemunuta wereka tsimajjü otopjabiawa. ⁴ bajara pamonae nuba pija wajabitsaü bajara pa irata pebijianawiabinejja pebijianawiabinejja jawa-ata Israel jawata, kae oveja ata, kae bacaata, kae burro ata apanutsi. ⁵ nejjata dajjita matakabi bajara pamonae pija boca nü, pija mutsila juma juna, bajara pamonae ponabiawa be tubü bitsaüto, aponamata jutsi kapa nepae jiwi bitsaüto pija camello yajawa, bajara pamonae madianitawi yakajüta israelitawi pija ira pe bijinaenejja. Nejjata Madianitwi bejiawi bejiowi ejjana bitso Israeli tawi, ⁶ Nejjata ayai kuenia wajüka Dioso jawabwria peyawenanaenejjatsi, pebejiobia ejjanaejjitsi. ⁷ Pakujinae ayaekunia wajuka Israel tomara Dioso jawabelia, Madian Pejanamatabukuene, ⁸ Nejjata Dioso itoroba ke profetanü Israel tomara belia. profetanü jumeitsi: marajjuaje waja tujjanenü Israel pija Dioso jumaitsi, kajutatsi Egipto wekua, kajútasi bajara pa boo wekua be pianikuene wekua. ⁹ Nejjata Dioso jumaitsi kakapanepatsi Egipcio pekabe wekua, dajjita pamonae pekabijiobi ejjanaewi pekabe wekua ayaikuenia. ¹⁰ Jjanu Kajumaitsitsi: "Jjamü ponaponame". beitsi jane aponejume. kawunutsimutajajume". ¹¹ Akonojjae waja tujjianenü pija angelinü ekojo penena piniji naejawanae bujjupanata ofrajawata, joas piajawami baitsijane Geseón, pejjunato Joás, warübiaya wekua tsana najetaruka irat trigojjü, patajjunaeta natajjuna pitsaka uvakaybarümene penakuenabinejja viniranü pematayabinejja Madianitas Wekua. ¹² Dioso pija angelenü tsitanaitajütatsi bajara ponü jumaitsitsi bajara ponü "Dioso rakayajawa, Neita tsakanejja ne asübejenejjanua ¹³ Gedeón jumaitsi bajaraponuta, tajatjjanenü itsawajatujjanenü nakayajawa, detsajjuaijíane jinonopatsi pabisiakuene? detsa jota nejjata jjaina pejjania kuene kabekawujawa, paliwaisinakatsipaeba waja salinaiwi, pakuenia bajafra pamonae jumaitsi, waja tujjanenü aponakujutsi Egipto wekua?" beitsijane akonojjaita wajatjjanenu paneki pata pataja epato Madianitawi pekobe jawaberia. ¹⁴ Itsa matakabi jawabelia ikatsia kae kuenia najetarubena tomará mata´toyorona kaeto saya nejjata nawiebarukupa. pieja booburtojiya. Bajara pakuenia kae kobe kaekobesito itsi. ¹⁵ Nejjata kae kobe najua kobesito siete (7) kuenia nubena ikatsia ikotia pepua pitsapae baja, kae kuenia tomará matatoyoroteta pakuenia baja itsitsabiebi, beitsijanebaja kae kobe najua kobesito siete (7) kuenia wereta. ¹⁶ Wajjatujjanenü jumatsi bajara ponuta, "jjanü kayajawatsanetsi, pajjamü jamatejema pakuene amoneyabianame Madianitawi be-kaepebikuenia." ¹⁷ Gedeón jumatsi bajara ponuta, "itsa katsitajjane ponatsijjanü, nejjata netsi itajure kae jawa kayapu-tajitsiatsi jjamujawa, tanebarükuaykuay jaijawamü. ¹⁸ Abajjü kae-epatoyo, putsa poname jota wekua, ata tarenajawa borena jjimuta regalo jawajji kaponae jitsianü ta kanatsiytajubinejja jjamuta. "Nejjata wajatujjanenü jumeitsi "jjanü kaewetsianatsi ata nenawiatsijawa barena. ¹⁹ Gedeón pona petosetsi nejja kae pejana cabritonüyo, itsi kae barrilbo veintidos pa litrobeje harina bene, itsi pan levandura agibinejeva Nejjata pewijia konasto yota, pipura pijinia epaneta wajjiyota bajara jjua kujinae to karena bajara ponü nejja piniji encina Naebujju panata, petsi itajütsinejja. ²⁰ Dioso pija Angelnü jumaitsi bajara ponuta: "pire pevi yajawa pire pan levadura ajibi nejeva büare ibo juma jawata, tsimata epare pipura bajara pamta tsünüta. "Nejjata Gedeón itsi bajara pakuenia. ²¹ Nejjata waja tujjanenü pija Angelnü pekobeta yotsia pekajjinae nejja naejawa pumuta. Bajara pa naebota kajayata pevito yajawa pan levadura ajibinejewa, bajara pa iboto jumavetsina pitsapaina isoto kotia, bajara pa isoto weriajava dajjita pebobenaevi, bajara jjua kujinae apo tae Gedeón kaito-ata. ²² Gedeón jume yapütane vaja Tujjanenu pija Angelnü kuene Gedeón jumaitsi. ²³ ¡kuau ijamünil! ¡jjamü baitsi pona itabara taniji beje, vaja Tujjanenü pija Angelnü beje! vaja Tujjanenü jumaitsi, putsa büjamü ¡putsa junavame! jjamü apo, tüpaemütsane. ²⁴ Nejjata GEdedón nakueneba vaja tujjanenü pija kaeiboton, nejjata bajara ponü wunuruba bajara paibotonü, "WAJA TUJJANENü JAMATABü JJANEPONA". Abajju pa matakabianö ataje tsitekaya natajjuna nubena Ofra jawata kae bitsouto pija nonae Abiezer. ²⁵ Bajara pamerevi, WAJA TUJJANENü jumetsitsi bajara ponü jabalia pitsianame ajja pija vaca yajawunünü ayainü pebito, pekotokaivinü pitsianame ayainu pebito siete pa waibeje pejjainaenü, nejjata bajara pa altar to jjuaba bianimika ajja piajawa, nejjata to bijianaya nikata jjuabianame pe asiwa naeturto Asera pemujjü bubüta penukaenae. ²⁶ To nakuenabara oboto juma vaja tujjanenü Dioso nejja, petajjunae matatsunü wereka . Jjaniwaitsia pato Nakue nabara, rajure pekoto kaevinü vaca pebito ofrenda kuenia pesebinü. kanakuenabare ponae turtoto ukutame Asera". ²⁷ Nejjata Gedeón pita najua kabe beje pija pianivi itsi pakuenia waja tujjanenü jumaitsitsi, baitsi jane bajara ponü bitso kujunawa pija monae pajja pija boo pijivi bajara patomara peebijivi peitsinejja dajjaita matakabi, bajara ponü itsi merevi. ²⁸ Bajara patomara peebijivi itsa koba bajaya junua, Baal pija iboto juma jawa to abejetsi, Asera pija naiturto to ukubiabatsi pemujjüneneta penukaenae, pekotokaevi vaca pebito rajutsi paeba pejana iboto juma juwa bereka. ²⁹ Bajara patomara pijinünü najumaitsi kainü kanakui jitsia "detsa pajiviyo itsi jjuaje? "itsa bajara pamonae nabarü kuai kuijai "kainü kanakujitsia pejjania jai liwaisi jaita, bajara pamonae jumaitsi, Gedeón pejjunato Joás bajara jjua kuene itsi. ³⁰ Nejjata jumatsitsi bajara pa tomara peebijivi Joás jawabería "kapitssapare nejjunato pe tüpaenejja, tsipaji bajra ponü to bijiana Baal pija iboto juma jawa tsipaji bajara ponü to ukubiaba Asera pija naiturto pemujjuneneta penukae naeturto. ³¹ Joas jumaitsi dajita pamonae to itsa liwaisi tsaponaetsi, jamü yawenonaename baal penejoni? ¿jjamü kapanepaename bajara ponü pajiviyo bajara ponü yawenonaena pija nekoni, bajara pajiviyo tüpaesay abajjü mata kabinejawa itsa baal natsita diosonu naya karan tsiana putsa yawenoname itsijiviyo to jjuabiatatsi pija ibo jumayo. ³² Nejjata ikatsia bajara pamonae junatatsi Gedeón "Jerobaal" bajara ponü jumaitsitsi, imasia kapare pija kuenta naya wenonaena, tsipaji Gedeón to jjuabika pija iboto juma baal. ³³ Akunojjae dajjita Madianistasvi, amalecitasbi, tamo pijivi yajawa nakaetuana, nikaba Jordán jawa, bajara jjua kuijinae majita otopja Jezreel wayapjota. ³⁴ Baitsijane waja tujjanenü pija Espiritu runaeka Gedeón mata tsunüvetsika. Gedeó najumetsi ejjana pe oby jawa, to junata Abiezer pija monae bitsauto, bajara pamonae pepuna ponaenejja Gedeón. ³⁵ Bajara ponü itoroba dajjita Manases monaeta, bajara pamonae ata junatatsi, pepuna ponaejjatsi. bajara ponu ata itoroba liwaisi kaponaenö Aser jawaberia Zabulon yajawa Neftali, bajara pamonae yajawa nanamatajjunaejitsia. ³⁶ Gedeón jumaitsi Dioso jawaberia, jjamü kawu najamatabu jjaename ne ponaejawa tawanta ne kapanepaenejja Israel, jjamü pina jumaitsimü. ³⁷ Taima jjanü raja jeba ponajü irata oveja bokoto. Pedonobi nejjatsi bajara pa boko juma, tsipaji dajjita ira tseva, nejjata jjanü yaputaniji tawunuta neponaejawa nekapanepae nejja Israel, jamü pina jumaitsimu. ³⁸ Bajara maajjuaje pe itsi jawa-Gedeón naukota bajaya itsa matakabi jawaberia, baja ponü kuetsona bajara pona, pe dono jubi kujunae yujuta Gedeón. kuene kajupatsi pe wanutsi jawa kaewajji mera pe donobi jawatsi. ³⁹ Nejjata Gedeón jumaitsi Dioso jawa beria, putsa abajjuneitoyamu, abajjuraja jjanu ikatsia barü kuay kuay janü tsane, pejjania kuene abajjü nejamatabü üjübiaya ta itsi nejja bajara ponatonü yajawa, juya jjuaje itsimure pena tsevinejja, kuene kapara pe dono juvinejja ira mata tsunu matatoyorotsiaya. ⁴⁰ Dioso itsi bajara ponü pe vajutsi jawa bajra pameravi bajara panaa tseva, ykani dono matatoyorotsiaya bajara pa ira.