¹ Akonojjae WAJA TUJJANENÜ wekua pitsapa pa tomara raje kuene üjuwijitsia Israel tomara, pakuenia jumaitsi pamonae dajjita apo-pejinonopaewi Israel jawata apopekuene yaputae jamatabükuene wu-penabekuenia jinonopa Canaán jawata. ² (Bajara itsi WAJATUJJANENÜ pekujarubi jamatabukuene penabejawa pija wiriawi Israelita pijiwi apopekuene yapulaewi.) ³ Bajara jjuaje ayay tomaranu: kae kabe nakua pewetsiwi filisteos jawata, dajjita yajawa cananeos, jayawa sidonios, yajawa heveos jawata pejinonopaewimi ibo jumatsuto Líbano jawata, Baal Hermón pija unu jawata pija jawatanua Lebo Hamat. ⁴ Bajara patomaranu nakapaba bajarajota Dios pekabeta nakanakuenaba WAJATUJJANENÜ kajayabiaya jane peüjübinejja Israel tomara, peyaputaenejja bajara pamonae pejume kawunütsijawatsi pejume liwaisi WAJJATUJJANENÜ atübüyo pe-ekainutsia naliwaisi rajuta salinaiwi jawa beria Moisés pewünüta ⁵ Bajara pakuenia Israel tomara yajawa hititas, yajawa amorreos, yajawa ferezeos, yajawa heveos, jebuseos yajawa-ata. ⁶ Pejjunatoyo, bajara pamonae to-pitatsi pijawa nejja, pija pejjunatoyo-ata bajara pamonae bajara pamonaerajuta pejjunato, bajara pamonae jumekawunuta wonopaitsü diosowi. ⁷ Israel pija tomora itsi pabisiakuene WAJJATUJJANENÜ pitajjutua yajawa nakapjunta WAJATUJJANENÜ Dios jaweberia bajara pamonae jumekawunta Baales jawaya yajawa Aseras. ⁸ Nejjata WAJJATUJJANENÜ anaipuna ayaikuenia Israel wekua, WAJATUJJANENÜ rajuta pekabeta Cusán Risataim, pe-mata kanukaenü Aram Naharaim jawata Israel tomara pija pianikuenia to-nakueanaba wonopa jjaniwaitsiakuenia ocho (8) pawai-beje Cusán Risataim jawata. ⁹ Israel tomara bajara jjua-kujinae wajuta ayaysaüta WAJJATUJANENÜ jawaberia nejjata WAJJATUJJANENÜ matakota itsinü pe-yawenonainejja Israel tomara, jipatsa pitijitsia: pita Otoniel, Quenaz pejjunato (Caleb pejuyapijinü). ¹⁰ WAJJATUJJANENÜ pija Espíritu yavenonatsi yajawa rajutatsi ayaikuene pe-itoroba ponaponaenejja, bajara ponü bara kuaikuai jai Israel tomara bajara jjua-kujinae pitsaparia penabe- nejja. WAJJATUJJANENÜ rajuta victoria pakuene amoneyabijjae pematatsünüa Cusam Risataim. Pe-ewetsinü Aran pija ira, Otoniel pekabeta amoneyaba Cusam Risataim pija ira. ¹¹ Jamatabukuene baruyaya jinonopa bajara pa-irata cuarenta (40) pawei-beje. Nejjata Otoniel, pejjunato Quenaz tüpa. ¹² Bajara jjua kujinae Israelita monae ejjana ikatsia pabisiakuene WAJJATUKKANENÜ pitabarata, nejjata WAJJATUJJNENÜ nasaü rajuta Eglón pe-evetsinü Moab jawata, ayaikuenia pe-waitabinejja Israelitawi. ¹³ Eglón na-nakaetuana amonitonaeta yajawa amalecitas, bajara pamonae pona nejjata kuene amunetabatsi Israel monae, bajara pamonae pita palmera tomara (Jericó). ¹⁴ Israel tomara pija pianü tsawanüpae Eglón jawata, pe-ewetsinü Moab jawata, diez y ocho (18) kaejena pawai-beje. ¹⁵ Pa-kujinae Israel tomara wawajay WAJATUJJANENÜ jawabelia, WAJATUJJANENÜ matakota itsinü peyawenonainünejjatsi, Aod, pejjunato Gera, benjamita wiria, kae-peebi petsowenabinutsi. Israel tomara to-itorroba, pematamotsijawatsi pija palata, Eglón, pe-ewetsinü Moab jawata. ¹⁶ Aod nato-itsikae espada pejjainaijawa najjua-barübeje, kaejawa cuarenta y seis (46) centímetros pe-apiajawa, to-küta pe-kujatjauto pija ese-bujupana. ¹⁷ Bajara ponürajuta pematamotsijawatsi pija palata nakua pe ewetsinu Eglón Moab jawata. (Akonojjae baitsijane peebi Eglón ikani bitso nasit). ¹⁸ Bajara jjüa kujinae Aod tsi-itajuta pija matamo palata, bajara ponü pona bajara-pamonaeta pe-kajinonopaewimiata. ¹⁹ Pakuenia ata Aod, pakujinae bajara ponü paa bajara pa-kawüta jota itsa itsi pejumpe jawanu imojjoyo Gilgal jawata, na-punoyorota nejjata nawíateka, baitsi jumaitsi: "Kato jumaitsina-muetsia liwaisi jjamunejja, taja nakuaewetsinu." Eglón jumaitsi: "¡Moyamure!" Bajara pakuenia dajjita pamonae pija pianiwi pitsapaena pemajitsi tajjunae jawawetsina. ²⁰ Aod rena bajara ponuta, nakua ewtsinü-eka kaenu nakainae-kaeka pemajitsi-tajjunae jawata atübüyo. Aod jumaitsi: "Katojjainatsi Dios pejume liwaisi jjamü nejja." Nakua pe-ewtsinü nanatapuna pe-ekaejawa wekua. ²¹ Aod kajjina pe-kabe tsowenenania to pita espadanu pekuja tjaüto jawawerena, naku ewtsinu perabukakuata jjuabatsi. ²² Espadanü to makato yajawa joneya pekakuatajjuabi wajunu jawaberia tomaka-pukaewa bajara pa- ponü pitsaparia pejuma jawaberia, penatsitsi jawa apo- wajünu nakutsi ejjana ya-unüa kusipa, nejjata Aod apa-jutsi espada nu pekoto wekua. ²³ Nejjata Aod pitsaparia boo-itapajawaberia pemajitsi unu-baupa jjatata matatsünuyo ünu jjaniwaitsia kuenia baupa jjatata. ²⁴ Aod peponaekujinae nakua ewetsinu pija pianiwi ponorena, bajara pamonae tana pe-majitsi tajjunae baupa matatsunu-piji baupa jjaniwaetsia kuenia baupa jjatata. Nejjata bajara pamonae najjamatabujjaina: "Jjaniwaetsia kuenia raita na-kaine ka-eka matatsunuyo pija pe-majitsi tajjunaeta. ²⁵ Bajara pamonae siwabü-jae ayay kuenia, tsimatabu patatsi bajara pamonae apa-pesiwa bujai jawa pe-ewtsi jamatabukuene, tsipaji abajju nakua ewtsinu opo-baupatsi pe-majitsi tajjunae matatsunuyo piji baupa nejjata baja pa-monae pita pekasaranaejawa bajara jjua kujinae baupata, nejjata bajara joto pe-tonakuenabinu, petüpaenu boka irata. ²⁶ Pija pianiwi abajjü ewetatsi, deitsi tsanetsimeta jai tsanubenai, Aod najetabijiriba taju nakuaya jota itsa kajinonopa pejumpe kuene yajawa atsatonunu, bajara pakuenia najetabijiriba Seirat. ²⁷ Itsa pata najumetsi ejjana pe-obijewa ibo-juma tsunakuata Efraín pija nakuata. Nejjata pe-jumatsutoyo jawata Israel pija tomarata bajara ponü yajawa Dios pejume liwaisi pe-kujarubinü. ²⁸ Bajara ponü jumaitsi bajara pamonae jawaberia: "Pane puna ponare, waja tujjanenu Dios imojjoyota pe-kuene amoneyabijawa pe-kueyawi, moabitas monae bajara pamonae pona bajara pamonae pona Jordán pemujjübüru jawa moabita pija tomara itsa panaweria, itsijiwiyo ata apa-nikabi ejjanae pe-nikabijawa bajara pa-najato jawaberia. ²⁹ Bajara jota bajara pamonae beyajjuaba diez mil (10,000) Moab pija peebi-jiwi, dajjita ikani piasaübejewikuene kajupatsi ikani itsanu-ata apopanepae. ³⁰ Nejjata bajara pamata kabi, Moab nawijiowi tane pesaüka bejjae Israel monae bajara jjua kujinae pesa-ira boka ochenta (80) pawai-beje. ³¹ Aod kujinae, Samgar pejume namatamotsinu, Anat pe-jjunato ponü beyajjuaba seiscientos (600) pa-peebi-beje Filisteo monae, kanamu jjuanita bokape-ukübabenaiboto, bajara ponü kapata Israel tomara piayay jawa wekua.