¹ Dioso pija angelenü junaria Gigal, boquin jawawerena jumaitsi : "paka Kakajutatsi Egipto Wekua, paka Kaparenatsi jawa berena janü rajutajü waja ajje. kajumeitsitsi". Jjanü apo ukubitsanajü taja kaeliweisi pejjainaejawa pa jjamü jawata wekua. ² Pajjamü a itsimutsane kaeliweisi pejjainaejawa pejinonopaebi mapa irata. pajjamüraja pija altar " Beitsi jame pajjamü apa ne jumeetaneme taja liweisi ¿ Dejjua pa itsümu ? ³ Bajara juata jumeitsinu akonojjae :" jjanü apo kaepitsa paenajü Cananeo wekua pajjamü peitabarata, beitsi jame bajara pamonae tsane petseke jawa nija pa peyenépana jawáta " papeyépana jawata pija Dioso tsawe pajjamü nejja. ⁴ Depakujinae Dioso pija Angelnü kueykuey jai mapa liweisi dajjita Israel pija tomara, tomara nua, wawajay yajawa. ⁵ Bajara pamonae bünüjona mapa peponaponae nakua Boquin. Bajara jota rajutsiaya tajuita dajubimonae. Dioso jawa belia. ⁶ Negata kujinae Josué napüjioba bajara ma patomara, Israel tomara pona peponaponae nakua pe itoropitajawa. nejjata pona pija ira pepitsinejja. ⁷ Bajara pa tomara pianikuenia tujanenü jowabelia, poepota pijaliweisi kana kuenia pona ajena jewi pamota kabianu Josué ponapona perujiwi jawata. to patatsi bajara pona jawaberena, pomonae pejinonopaewimi dajita. ⁸ Josué pejjunato Nan waja tujjanenü pija penamatakai torobinü tupa Ciento Diez (110) pawei beje. ⁹ Bajara pamonae muthütatsi pija ira javata peraju tsijawatsi ponü jawa berena Timnat sera, Efrain ira ibotsutota unu nakua matatü jawata. ¹⁰ Dajjita pija pemomojji junatatsi pija aja jawata. itsa pemomojjimonae namatokoto Bajara pamonae kujjinae apo peyaputaewi Dioso peitsi pejjania kuene Israel tomara jawabelia. ¹¹ Israel pija tomara ejjama pebisiakuné Dioso peitajjutua peitaberata itsi pinitsabanupae Baales jawabelia. ¹² Baja pamonae natajayota tujjanenü jawabelia. Dioso pija salinaivimi, jipatsa kaweku juta ira Egipto wekua, pamonae jaita pona itsadiosowi, pejupaya dioso pajiwiyo matatoroba, nabujjüsutsia ejjana peitabarata bajara pamonae wekua. Bajarajjuata pe itsiponae, tujjamenü anaepona. ¹³ wekuanatijjita tujjanenü jawaberena juya jumapekataenujji jawaberia nawajuka Baal, Astarot jawabelia baje. ¹⁴ Bitso anaepana tujjanenü Israel jawaberia to kanawiata tsi itsanakuanü pijiwi penakotojjotsiwi pijawa. Dioso wa kanaje tatsi penakuenebinejja pamonae waitabatsi dajjita saüta wajibitsaünuwi pe matato yronatsi, baja pakuenta pamonae apakapanapae pe yamatamonejjatsi wekua ayai wajabitsaünüwi. ¹⁵ Canakujitsia Israel pitsapabiewa pebarünawajabitsaütsi nejja, Dioso pija pekobe apo jume kowunutsi jawa peyawe monae nejja bajara pakuenta Dioso jumeitsi pe itsi jawabajara pakuenta Dioso jumeitsi pe itsi jawa. Bajara pakuenia pibisiakuenia bitso najumali tsunita. ¹⁶ Nejjata Dioso itapeta Juecewi peyawenewonaya kapitsapanejja petonakobetojja ponae janetsi. ¹⁷ Itsiata baitsi jane bajara pononae apo jume tane juez monae. to kanawiata penavikanajetsijava itsa diosowi, nejjata pamonae pianiwi naejjana itsi jitsipa. kujinaya na wekuanatijita pakuenia pija monae mijinawapa bajayatami, pamonae nejja wuru kabunutatsi tujjanenü pija jiweisinü, beitsi jame pamonae apa itsi wajora pakuenia. ¹⁸ Dpakujinae tujjanenü yotsia Jueces monae pa monae nejja. tujjanenü yawenonabiaba bajarapa Juez monae jutatsi pija pekobe wajabitsaünüwi dajjita pa matakabi pejinonopaemiwi. tujjanenü itajjuoto tsonianiataeyabiaba tane bajara pamonae nejja tsipaji bitso wawaijai pekuone pamonae pebejiowi bitso ejjanaejjatsi pebisiakune yajawa. ¹⁹ Itsiata Baitsi jane tüpabiewa bajara pa Jueznü, pamonae kae wüalia ejjanabiewa, bitso pibisiakuene ajjanabiaba pewajünaeyabelia pijamonaemi pekuene matojjonetsia. pamonae pona itsa dioso jawabelia pianikuee nejja pejitsipaebi nejja ata. pamonae apotsipaebijawa pebisia kune pe ejjanabiaba pe itsi pija namutota apo pejumetaenü pe anaeponajivi. ²⁰ Dioso bitso ananépona Israel javaberiá, jumaitsi : " dejuatsia jane mapa nakuata petsikanaejawa taja kaeliweisi pejjainaejawa beitsi janu pejjana kuenia ejjana pijasalinaiwimijawabelia. beitsi jane apo nejume tane. ²¹ Aconojjae pa matakabi, apo wekua jutsinü tsane opoitsajiwiyo mapa nakuata Josué wekua pitsapa pija nakua wekua de pakujinae tüpa. ²² Janü itsintsane kune ñjübijitsianajü Israel taui peyapütaenejja itsa katsitekapona rowi o ajibi taja namuoto jane mapa namuto nubena pona, be pijasalinaiwimi itsi. ²³ Bajara jjuota Dioso kopata mapanakuota apo wkua jatsi kujinaya nejjata rajuta pa kobeta josue jawa belia.